ದಸರಾ ಸಿಹಿ ಸ್ಪೆಷಲ್ : ಗಸಗಸೆ ಪಾಯಸ

*ಮನಸ್ವಿನಿ, ನಾರಾವಿ

ಕೇವಲ 20-30 ನಿಮಿಷದಲ್ಲಿ ತಯಾರಿಸಬಹುದಾದ ಈ ಪಾಯಸ, ಆರೋಗ್ಯದಾಯಕ, ಚೈತನ್ಯದಾಯಕ.ನಿದ್ರೆ ಸೊಂಪಾಗಿ ಬರಲು, ಹೊಟ್ಟೆ ತಂಪು ಮಾಡಿಕೊಳ್ಳಲು ಗಸಗಸೆ ಪಾಯಸ ಕುಡಿಯುವುದನ್ನು ಮರೆಯಬೇಡಿ.

ಬೇಕಾದ ಸಾಮಾಗ್ರಿಗಳು:

ಗಸಗಸೆ - 1 ಕಪ್
ಅಕ್ಕಿ - 1 ಟೀ ಚಮಚ
ದೊಡ್ಡ ತೆಂಗಿನಕಾಯಿ - 1
ಏಲಕ್ಕಿ -5
ಸಕ್ಕರೆ ಅಥವಾ ಬೆಲ್ಲ - ಎರಡೂವರೆ ಕಪ್ (ಬೆಲ್ಲ ಆರೋಗ್ಯಕ್ಕೆ ಒಳ್ಳೆಯದು)

ತಯಾರಿಸುವ ವಿಧಾನ:

*ಬಾಣಲೆಯಲ್ಲಿ 1 ಕಪ್ ಗಸಗಸೆಯನ್ನು ಹಾಕಿ ಚೆನ್ನಾಗಿ ಹುರಿಯಿರಿ.
*ಅಕ್ಕಿಯನ್ನು (ಕನಿಷ್ಠ 2 ಗಂಟೆಗಳ ಕಾಲ)ನೀರಿನಲ್ಲಿ ನೆನಸಿರಿ.
*ತೆಂಗಿನಕಾಯಿಯನ್ನು ಪೂರ್ತಿ ತುರಿದು ಮಿಕ್ಸಿಗೆ ಹಾಕಿ ತೆಂಗಿನ ಹಾಲನ್ನು ಶೇಖರಿಸಿಟ್ಟುಕೊಳ್ಳಿ.
*ಹುರಿದ ಗಸಗಸೆ, ಪುಡಿಮಾಡಿದ ಏಲಕ್ಕಿ, ತೆಂಗಿನ ಹಾಲು, ನೆನೆಸಿದ ಅಕ್ಕಿಯನ್ನು ನುಣ್ಣಗೆ ರುಬ್ಬಿಕೊಳ್ಳಿ. ಅಗತ್ಯವಿದ್ದಷ್ಟು ನೀರನ್ನು ಹಾಕಿಕೊಳ್ಳಿ
*ರುಬ್ಬಿದ ಮಿಶ್ರಣವನ್ನು ಪಾತ್ರೆಗೆ ಹಾಕಿ ಸಣ್ಣ ಉರಿಯಲ್ಲಿ ಕುದಿಸುತ್ತಿರಿ. ಬೆಲ್ಲದ ನೀರನ್ನು ಮಿಶ್ರಣಕ್ಕೆ ಬೆರೆಸಿರಿ. ಆಗಾಗ ಕೆದುಕುತ್ತಿರಿ. (ಏಲಕ್ಕಿಪುಡಿಯನ್ನು ಬಳಸದಿದ್ದರೆ ಎಸಳುಗಳನ್ನು ಹಾಗೆ ಬೇಕಾದರೂ ಹಾಕಬಹುದು)
*ಪಾಯಸಕ್ಕೆ ಪರಿಮಳ ಬರಲು 2 ಲವಂಗವನ್ನು ಹಾಕಬಹುದು. ಗೋಡಂಬಿ, ದ್ರಾಕ್ಷಿ ಸೇರಿಸಿ ಇನ್ನಷ್ಟು ಸಿಹಿ ಹೆಚ್ಚಿಸಬಹುದು. ಗಟ್ಟಿಯಾದ ಪಾಯಸಕ್ಕೆ ಸ್ವಲ್ಪ ಹಾಲನ್ನು ಬೆರೆಸಿ ಕುಡಿಯಬಹುದು. ಈ ವಿಧಾನದಿಂದ ಸುಮಾರು 10-12 ಕಪ್ ಪಾಯಸ ತಯಾರಿಸಬಹುದು.