ಚಳಿಯಲ್ಲಿ ಮೆಲ್ಲಿರಿ ಬಿಸಿ ಬಿಸಿ ಬೇಳೆ ರಸಂ

ಈ ರಸಂನಲ್ಲಿ ಪೋಷಕಾಂಶವೂ ಹೆಚ್ಚಿದೆ. ಟೊಮೆಟೊ ಬೇಳೆ ಜೊತೆ ಒಂದಿಷ್ಟು ಸಾಂಬಾರು ಪದಾರ್ಥ ಬೆರೆಸಿ ಮಾಡುವ ಈ ರಸಂ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಟೊಮೆಟೊ ಬೇಳೆ ರಸಂ ಮಾಡುವುದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಬೇಕಾಗುವ ಪದಾರ್ಥ:
* 1 ಕಪ್ ತೊಗರಿ ಬೇಳೆ
* 6 ಕಪ್ ನೀರು
* ಕೊತ್ತಂಬರಿ
* 2 ಟೊಮೆಟೊ
* 1 ಈರುಳ್ಳಿ
* 1 ಕಪ್ ಪಾಲಾಕ್
* ಉಪ್ಪು, 1 ಚಮಚ ಜೀರಿಗೆ
* 1/2 ಚಮಚ ಅರಿಶಿಣ
* 1 ಚಮಚ ಶುಂಠಿ ಪೇಸ್ಟ್
* 2-3 ಬೆಳ್ಳುಳ್ಳಿ ಎಸಳು
* 2-3 ಚಮಚ ನಿಂಬೆರಸ

ಟೊಮೆಟೊ ಬೇಳೆ ರಸ ತಯಾರಿಸುವ ವಿಧಾನ:
* ಟೊಮೆಟೊ ಮತ್ತು ಬೇಳೆಯನ್ನು ಅರಿಶಿಣ ಮತ್ತು ಉಪ್ಪು ಬೆರೆಸಿ ಚೆನ್ನಾಗಿ ಬೇಯಿಸಬೇಕು. ನಂತರ ಚೆನ್ನಾಗಿ ಮಸೆಯಬೇಕು.

* ತಳ ಗಟ್ಟಿಯಿರುವ ಪಾತ್ರೆಯಲ್ಲಿ ಸ್ವಲ್ಪ ಎಣ್ಣೆ ಬಿಸಿ ಮಾಡಿ ಅದರಲ್ಲಿ ಜೀರಿಗೆ, ಈರುಳ್ಳಿ, ಬೆಳ್ಳುಳ್ಳಿ ಎಸಳು, ಶುಂಠಿ ಪೇಸ್ಟ್, ಕತ್ತರಿಸಿದ ಪಾಲಾಕ್, ಕೊತ್ತಂಬರಿ ಎಲ್ಲವನ್ನೂ ಹಾಕಿ ಸ್ವಲ್ಪ ನೀರು ಬೆರೆಸಿ ಬೇಯಲು ಬಿಡಬೇಕು.

* ಈ ಮಿಶ್ರಣ ಕುದಿಯಲು ಆರಂಭಿಸಿದಾಗ ಅದಕ್ಕೆ ಬೇಯಿಸಿದ ಟೊಮೆಟೊ ಬೇಳೆ ಮಿಶ್ರಣವನ್ನು ಬೆರೆಸಬೇಕು. ರುಚಿಗೆ ಅವಶ್ಯಕವಿದ್ದಷ್ಟು ಉಪ್ಪನ್ನು ಹಾಕಬೇಕು.

* 10 ನಿಮಿಷದ ನಂತರ ಉರಿಯನ್ನು ಆರಿಸಿ ತಿನ್ನುವಾಗ ನಿಂಬೆರಸ ಬೆರೆಸಿ ತಿಂದರೆ ಟೊಮೆಟೊ ಬೇಳೆ ರಸಂ ರುಚಿಕರವಾಗಿರುತ್ತೆ.