ಕೆಮ್ಮು ನೆಗಡಿ ಇದ್ರೆ ಚೆಕ್ಕೆ ಮಸಾಲಾ ಟೀ ಕುಡೀರಿ

Drinks

oi-Staff

By Super

Updated: Saturday, July 21, 2012, 12:35 [IST]

ಮಳೆಗಾಲದಲ್ಲಿ ಶೀತ, ನೆಗಡಿ, ಕೆಮ್ಮು ಮತ್ತು ಗಂಟಲಿನ ಸಮಸ್ಯೆ ಸಾಮಾನ್ಯ. ಆದರೆ ಈ ಮಳೆಗಾಲದ ತೊಂದರೆಗಳಿಗೆ ಹೆದರಬೇಕಿಲ್ಲ. ಈ ಸ್ಪೆಷಲ್ ಚೆಕ್ಕೆ ಮಸಾಲ ಟೀ ಮಾಡಿ ಕುಡಿದರೆ ಸಾಕು. ಚೆಕ್ಕೆ ಬೆರೆಸಿದ ಈ ಮಸಾಲಾ ಟೀ ಕುಡಿಯುವುದರಿಂದ ಬೇಗನೆ ಆರೋಗ್ಯ ಸಮಸ್ಯೆಗಳು ನಿವಾರಣೆಯಾಗಿ ದೇಹಕ್ಕೂ ಮನಸ್ಸಿಗೂ ರಿಲ್ಯಾಕ್ಸ್ ಆಗುತ್ತೆ. ಚೆಕ್ಕೆ ಟೀ ಮಾಡೋದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಚೆಕ್ಕೆ ಮಸಾಲಾ ಟೀ ಗೆ ಬೇಕಾಗುವ ಸಾಮಗ್ರಿ:
* ಒಂದು ತುಂಡು ಚೆಕ್ಕೆ
* 2-3 ಲವಂಗ
* 1 ಲೋಟ ಹಾಲು
* ಸಕ್ಕರೆ (ಅಗತ್ಯಕ್ಕೆ ತಕ್ಕಂತೆ)

ಚೆಕ್ಕೆ ಮಸಾಲಾ ಟೀ ತಯಾರಿಸುವ ವಿಧಾನ:
* ಚಿಕ್ಕ ಬಾಣಲೆಯಲ್ಲಿ ಒಂದು ನಿಮಿಷ ಚೆಕ್ಕೆ ಮತ್ತು ಲವಂಗ ಹುರಿದುಕೊಳ್ಳಬೇಕು.
* ಈ ಹುರಿದ ಚೆಕ್ಕೆ ಲವಂಗವನ್ನು ನುಣ್ಣಗೆ ಪುಡಿ ಮಾಡಿಕೊಳ್ಳಬೇಕು.
* ಹಾಲನ್ನು ಕಾಯಿಸಿ ಅದಕ್ಕೆ ಚೆಕ್ಕೆ ಲವಂಗ ಪುಡಿ ಬೆರೆಸಿ ಅವಶ್ಯಕವಿದ್ದಷ್ಟು ಸಕ್ಕರೆ ಹಾಕಿಕೊಳ್ಳಬೇಕು.
* ಈ ಮಿಶ್ರಣವನ್ನು ಸೋಸಿದರೆ ಚೆಕ್ಕೆ ಮಸಾಲಾ ಟೀ ಕುಡಿಯಲು ರೆಡಿ.

ಕೆಮ್ಮು ಮತ್ತು ಗಂಟಲು ನೋವಿನಿಂದ ಬಳಲುತ್ತಿದ್ದರೆ ದಿನಕ್ಕೆ ಮೂರು ಬಾರಿ ಈ ಟೀ ಕುಡಿಯಿರಿ, ಆಗ ಸಮಸ್ಯೆಗೆ ಬೇಗ ಪರಿಹಾರ ಕಂಡುಕೊಳ್ಳಬಹುದು.