ರುಚಿಕರವಾದ ಮತ್ತು ಸ್ವಲ್ಪ ವಿಭಿನ್ನವಾದ ಪಾನಕ!

| Published: Monday, February 20, 2012, 18:27 [IST]

ಪಪ್ಪಾಯಿ ಮತ್ತು ಕ್ಯಾರೆಟ್ ಜ್ಯೂಸ್ ನಮಗೆ ಚಿರಪರಿಚಿತ. ಈ ಎರಡು ಸಾಮಾಗ್ರಿಗಳನ್ನು ಸೇರಿಸಿ ತಯಾರಿಸುವ ಸ್ವಲ್ಪ ಗಟ್ಟಿಯಾದ ಪಾನಕದ ರುಚಿ ನೋಡಿದ್ದೀರಾ? ಇಲ್ಲ ಅಂದರೆ ತುಂಬಾ ರುಚಿಕರವಾದ ಪಾನಕವನ್ನು ಮಾಡುವ ವಿಧಾನ ಇಲ್ಲಿದೆ ನೋಡಿ.

ಬೇಕಾಗುವ ಸಾಮಾಗ್ರಿಗಳು:

* ಪಪ್ಪಾಯಿ
* 4-5 ಕ್ಯಾರೆಟ್
* 1 ಲೀಟರ್ ಹಾಲು
* 4-5 ಚಮಚ ಸಕ್ಕರೆ
* ಒಂದು ಚಿಟಿಕಿ ಏಲಕ್ಕಿ ಪುಡಿ
* ಸ್ವಲ್ಪ ಕಸ್ತೂರಿ ಮತ್ತು ಬಾದಾಮಿ

ತಯಾರಿಸುವ ವಿಧಾನ:

1. ಹಾಲನ್ನು ಸ್ವಲ್ಪ ಗಟ್ಟಿಯಾಗುವವರೆಗೆ ಕುದಿಸಬೇಕು.

2. ಕ್ಯಾರೆಟ್ ಮತ್ತು ಪಪ್ಪಾಯಿಯನ್ನು ಸ್ವಲ್ಪ ನೀರು ಹಾಕಿ 10 ನಿಮಿಷ ಮೈಕ್ರೋವೇವ್ ನಲ್ಲಿ ಬೇಯಿಸಿ.

3. ಈಗ ಕ್ಯಾರೆಟ್ ಮತ್ತು ಪಪ್ಪಾಯಿಯನ್ನು ಸೌಟ್ ನಿಂದ ಕುಟ್ಟಿ ಪೇಸ್ಟ್ ರೀತಿ ಮಾಡಿ.

4. ಈ ಮಿಶ್ರಣವನ್ನು ಕುದಿಯುತ್ತಿರುವ ಹಾಲಿಗೆ ಹಾಕಿ , ಸಕ್ಕರೆ ಮತ್ತು ಏಲಕ್ಕಿ ಪುಡಿಯನ್ನು ಸೇರಿಸಿ ಚೆನ್ನಾಗಿ ತಿರುಗಿಸಬೇಕು.

5. ಈಗ ಈ ಮಿಶ್ರಣವನ್ನು ತಣ್ಣಗಾಗಲು ಫ್ರಿಜ್ ನಲ್ಲಿ ಸ್ವಲ್ಪ ಹೊತ್ತು ಇಟ್ಟು ನಂತರ ಅದಕ್ಕೆ ಬಾದಾಮಿ ಮತ್ತು ಕಸ್ತೂರಿ ಹಾಕಿದರೆ ರುಚಿಕರವಾದ ಕ್ಯಾರೆಟ್ ಪಪ್ಪಾಯಿ ಯಿಂದ ತಯಾರಿಸಿದ ಪಾನಕ ರೆಡಿ.
ಶಿವರಾತ್ರಿಗೆ ಜಾಗರಣೆ ಇರುವವರು ಇದನ್ನು ಮಾಡಿ ಕುಡಿಯಬಹುದು.