ಬೆಳಗ್ಗಿನ ತಿಂಡಿಗೆ ಸ್ಪೆಷಲ್ ಆಲೂ ಮಟರ್ ಚಪಾತಿ

ಆಲೂ ಮಟರ್ ಗೆ ಇಷ್ಟು ಸಾಮಾನಿರಲಿ: 1 ಕಪ್ ಚೆನ್ನಾಗಿ ಬೇಯಿಸಿದ ಆಲೂಗಡ್ಡೆ, 1 ಕಪ್ ಬೇಯಿಸಿದ ಬಟಾಣಿ, 1 ಚಮಚ ಗರಂ ಮಸಾಲ, 2 ಕಪ್ ಗೋಧಿ ಹಿಟ್ಟು, ಉಪ್ಪು, ಎಣ್ಣೆ, ತುಪ್ಪ

ಆಲೂ ಮಟರ್ ಚಪಾತಿ ತಯಾರಿಸುವುದು ಹೀಗೆ:
ಮೊದಲು ಬೇಯಿಸಿದ ಆಲೂಗಡ್ಡೆ ಮತ್ತು ಬಟಾಣಿಯನ್ನು ಚೆನ್ನಾಗಿ ಮೆತ್ತಗಾಗುವಂತೆ ಕಲೆಸಿಕೊಂಡು ಗೋಧಿ ಹಿಟ್ಟಿನೊಂದಿಗೆ ಬೆರೆಸಿ ಉಪ್ಪು, ಗರಂ ಮಸಾಲೆ ಪುಡಿ ಹಾಕಿ ಸ್ವಲ್ಪ ಎಣ್ಣೆ, ನೀರಿನೊಂದಿಗೆ ಹದವಾಗಿ ಹಿಟ್ಟಿನಂತೆ ಕಲೆಸಿಕೊಂಡು ಚೆನ್ನಾಗಿ ಮಿದಿಯಬೇಕು.

ಮಾಮೂಲಿ ಚಪಾತಿ ಮಾಡುವಂತೆ ಉಂಡೆ ಮಾಡಿಕೊಂಡು ತಟ್ಟಿಕೊಳ್ಳಬೇಕು. ತವೆ ಕಾಯಿಸಿ ಒತ್ತಿಕೊಂಡಿದ್ದ ಚಪಾತಿ ಹಾಕಿ ಎಣ್ಣೆ ಬದಲು ತುಪ್ಪವನ್ನು ಅದರ ಸುತ್ತ ಹಾಕಿ ಬೇಯಿಸಿದರೆ ರುಚಿಯಾದ ಆಲೂ ಮಟರ್ ಚಪಾತಿ ತಿನ್ನಲು ತಯಾರಾಗಿರುತ್ತೆ.