ದೇಹವನ್ನು ಬೆಚ್ಚಗಿಡುವ ಈ ರೊಟ್ಟಿ ಚಳಿಗಾಲಕ್ಕಿರಲಿ

ಜೋಳದ ರೊಟ್ಟಿಗೆ ಏನೇನು ಬೇಕು: 2 ಕಪ್ ಜೋಳದ ಹಿಟ್ಟು, 2 1/2 ಕಪ್ ನೀರು, ಉಪ್ಪು

ಜೋಳದ ರೊಟ್ಟಿಯನ್ನು ಈ ರೀತಿ ಮಾಡಿ:
ಕುದಿಯುತ್ತಿರುವ ನೀರಿಗೆ ಜರಡಿ ಹಿಡಿದ ಜೋಳದ ಹಿಟ್ಟನ್ನು ಹಾಕಿ ಅದು ಮೃದುವಾಗುವವರೆಗೂ ಚೆನ್ನಾಗಿ ಕಲೆಸಬೇಕು. (ರಾಗಿ ಮುದ್ದೆಯಂತೆ) ಹಿಟ್ಟು ತಣ್ಣಗಾದ ನಂತರ ಚಿಕ್ಕ ಚಿಕ್ಕ ಉಂಡೆಗಳನ್ನು ಮಾಡಿಕೊಳ್ಳಬೇಕು.

ಪ್ಲಾಸ್ಟಿಕ್ ಪೇಪರ್ ಮೇಲೆ ಉಂಡೆಯನ್ನು ಹಾಕಿ ವೃತ್ತಾಕಾರವಾಗಿ ತಟ್ಟಿಕೊಳ್ಳಬೇಕು. ತವೆಯನ್ನು ಬಿಸಿ ಮಾಡಿ ಎರಡೂ ಕಡೆ ರೊಟ್ಟಿಯನ್ನು ಬೇಯಿಸಿದರೆ ಜೋಳದ ರೊಟ್ಟಿ ತಿನ್ನಲು ರೆಡಿಯಾಗಿರುತ್ತೆ . ಇದನ್ನು ಚಟ್ನಿ, ಬೆಣ್ಣೆ ಮತ್ತು ಈರುಳ್ಳಿಯೊಂದಿಗೆ ತಿಂದರೆ ಇನ್ನೂ ರುಚಿ.