ಬಂಜೆತನ: ಅವಳಿಗೆ ಮಾತ್ರ ಏಕೆ ಮಾನಸಿಕ ವೇದನೆ? ಈ ನೋವಿನಿಂದ ಹೊರಬರುವುದು ಹೇಗೆ?

ಭಾರತದಲ್ಲಿ ಹೆಚ್ಚಾಗುತ್ತಿದೆ ಬಂಜೆತನ

ಭಾರತದಲ್ಲಿ ಬಂಜೆತನ ಸಮಸ್ಯೆ ಶೇ. 15ಷ್ಟು ಹೆಚ್ಚಾಗುತ್ತಿದೆ. ಹಲವು ಕಾರಣಗಳಿಂದಾಗಿ ಮಕ್ಕಳಾಗುತ್ತಿಲ್ಲ. ಕೆರಿಯರ್‌ ಅಂತ ತುಂಬಾ ತಡವಾಗಿ ಮದುವೆಯಾಗುವುದು, ಮದುವೆಯಾದ ಲೈಫ್‌ ಸೆಟಲ್ ಆಗಬೇಕೆಂಬ ಕಾರಣ ಮಕ್ಕಳು ಮಾಡಿಕೊಳ್ಳಲು ತಡ ಮಾಡುವುದು, ಅತ್ಯಧಿಕ ಒತ್ತಡದ ಬದುಕು, ಆಹಾರ, ಜೀವನ ಶೈಲಿ, ಪಿಸಿಒಡಿಯಂಥ ಅನಾರೋಗ್ಯಕರ ಸಮಸ್ಯೆ ಈ ಎಲ್ಲಾ ಕಾರಣಗಳಿಂದಾಗಿ ಬಂಜೆತನದ ಸಮಸ್ಯೆ ಹೆಚ್ಚಾಗುತ್ತಿದೆ.

ಬಂಜೆತನ ಸಂಸಾರದಲ್ಲಿ ಸಮಸ್ಯೆ ಇರುವುದು?

ಅದು ಪತಿ-ಪತ್ನಿಯ ಮೇಲೆ ಅವಲಂಬಿಸಿದೆ. ಒಬ್ಬರನ್ನೊಬ್ಬರು ಅರ್ಥಮಾಡಿಕೊಂಡು ಜೀವನ ಸಾಗಿಸುವವರು ಏನೇ ಬಂದರೂ ಜೊತೆಯಾಗಿಯೇ ಇರುತ್ತಾರೆ. ಆದರೆ ಕೆಲ ಸಂಸಾರಗಳಲ್ಲಿ ಇದೇ ಕಾರಣಕ್ಕೆ ವಿಚ್ಚೇದನ ಕೂಡ ಸಂಭವಿಸುತ್ತಿದೆ. ಮಾನಸಿಕ ಹಿಂಸೆ ಅಧಿಕವಾಗುತ್ತಿದೆ.

ಬಂಜೆತನ ಹಾಗೂ ಸಮಾಜ ಬೀರುವ ಪ್ರಭಾವ

ಈ ಸಮಾಜದಲ್ಲಿ ಮಕ್ಕಳಾಗದಿದ್ದರೆ ಸಂಪ್ರದಾಯ ಹೆಸರಿನಲ್ಲಿ ನೋಯಿಸುತ್ತಾರೆ,ಅಂದರೆ ಮಕ್ಕಳಾಗದವರನ್ನು ಏನಾದರೂ ಶುಭ ಕಾರ್ಯಕ್ರಮಕ್ಕೆ ಕರೆಯುವುದಿಲ್ಲ, ಇನ್ನು ಆಡಿಕೊಳ್ಳುವವರ ಸಂಖ್ಯೆ ಅಧಿಕವಿರುತ್ತದೆ. ಕೆಲವು ಕಡೆ ಕುಟುಂಬದಿಂದಲೂ ಬೆಂಬಲ ದೊರೆಯಲ್ಲ. ಈ ಎಲ್ಲಾ ಅಂಶಗಳು ಅವಳ ಮಾನಸಿಕ ಆರೋಗ್ಯದ ಮೇಲೆ ತುಂಬಾನೇ ಕೆಟ್ಟ ಪ್ರಭಾವ ಬೀರುತ್ತದೆ.

ಮಕ್ಕಳಾಗದಿದ್ದರೆ ಅವಳಲ್ಲಿ ಮಾತ್ರ ದೋಷವಿದೆಯಿಂದಲ್ಲ

ಮಕ್ಕಳಾಗದಿದ್ದರೆ ಹೆಣ್ಣನಲ್ಲಿ ಮಾತ್ರ ದೋಷವಿದೆಯೆಂದಲ್ಲ, ಕೆಲವೊಮ್ಮೆ ಪುರುಷನಲ್ಲಿನ ದೋಷಗಳಿಂದಾಗಿ ಮಕ್ಕಳಾಗಲ್ಲ. ಎಷ್ಟೋ ಮಹಿಳೆಯರು ಭಯದಿಂದ ತಮ್ಮ ಪುರುಷನಿಗೂ ಪರೀಕ್ಷೆ ಮಾಡಿಸುವಂತೆ ಹೇಳುವುದಿಲ್ಲ. ತುಂಬಾ ವರ್ಷಗಳಿಂದ ಪ್ರಯತ್ನಿಸಿ ಮಕ್ಕಳಾಗದಿದ್ದರೆ ಗಂಡ-ಹೆಂಡತಿ ಇಬ್ಬರೂ ಪರೀಕ್ಷೆ ಮಾಡಿಸಿದರೆ ದೋಷ ಯಾರಲ್ಲಿ ಇದೆ ಎಂದು ತಿಳಿಯುತ್ತದೆ, ಅದಕ್ಕೆ ಚಿಕಿತ್ಸೆ ಪಡೆದರೆ ಮಕ್ಕಳನ್ನು ಪಡೆಯುವ ಸಾಧ್ಯತೆ ಹೆಚ್ಚುವುದು.

ತಂತ್ರಜ್ಞಾನಗಳಿವೆ

ವೈದ್ಯಕೀಯ ವಿಜ್ಞಾನ ತುಂಬಾ ಮುಂದುವರೆದಿದೆ. ಸಾಕಷ್ಟು ಸಮಸ್ಯೆಗಳಿಗೆ ಈಗ ಪರಿಹಾರವಿದೆ. ಆದರೆ ಇದಕ್ಕೆಲ್ಲಾ ತುಂಬಾ ಹಣ ಖರ್ಚಾಗುವುದು. ಮಧ್ಯಮ ವರ್ಗದ ಕುಟುಂಬಕ್ಕೆ ಅಷ್ಟೊಂದು ಹಣ ಭರಿಸಲು ಕಷ್ಟವಾಗುವುದು. ಅಂಥವರು ಮಕ್ಕಳಾಗಲಿಲ್ಲ ಎಂದು ಕೊರಗಬೇಡಿ, ನಿಮ್ಮ ಕೈಯಲ್ಲಾಗುವ ಸಹಾಯವನ್ನು ಇತರ ಬಡ ಮಗುವಿಗೆ ಮಾಡಿ.

ಮಕ್ಕಳಾಗಲಿಲ್ಲ ಎಂದು ಕೊರಗುವ ಬದಲಿಗೆ ಬದುಕಿನಲ್ಲಿ ನಿಮಗೆ ಖುಷಿ ಪಡುವ ವಿಚಾರದತ್ತ ಗಮನ ಕೊಡಿ.

ಸಮಾಜ ನೀವು ಅತ್ತರೆ ಮತ್ತಷ್ಟು ಅಳಿಸುತ್ತದೆ, ಆದ್ದರಿಂದ ನಿಮ್ಮ ಮನಸ್ಸಿನ ಖುಷಿಯ ಕಡೆಯಷ್ಟೇ ಗಮನ ನೀಡಿ.