ಐವಿಎಫ್ ಮಾಡಿಸಿಕೊಳ್ಳುವವರು ತಿನ್ನಬಾರದ, ತಿನ್ನಬೇಕಾದ ಆಹಾರಗಳಿವು

ಸಂಸ್ಕರಿಸಿದ ಆಹಾರ

ಸಂಸ್ಕರಿಸಿದ ಆಹಾರಗಳನ್ನು ಸೇವಿಸಬಾರದು. ಇದರ ಜೊತೆಗೆ ಸಂಸ್ಕರಿಸಿದ ಮಾಂಸ , ಸಾಸೇಜ್ ಮುಂತಾದವುಗಳನ್ನು ಸೇವಿಸಬೇಡಿ. ಏಕೆಂದರೆ ಇವುಗಳು ಹಾರ್ಮೋನ್‌ಗಳಲ್ಲಿ ವ್ಯತ್ಯಾಸ ಉಂಟು ಮಾಡುತ್ತವೆ. ಆದ್ದರಿಂದ ಚಿಕಿತ್ಸೆ ಮತ್ತಷ್ಟು ಫಲಕಾರಿಯಾಗಲು ನೀವು ಇಂಥ ಆಹಾರಗಳನ್ನು ದೂರವಿಡುವುದು ಒಳ್ಳೆಯದು.

ಕೃತಕ ಸಿಹಿ ಪದಾರ್ಥಗಳು: ಕೃತಕ ಸಿಹಿ ಪದಾರ್ಥಗಳನ್ನು ಸೇವಿಸಬೇಡಿ. ಕೃತಕ ಸಿಹಿ ಪದಾರ್ಥಗಳಿಂದ ದೂರವಿರಿ, ಇದರಿಂದ ತೂಕ ನಿಯಂತ್ರಿಸಬಹುದು ಹಾಗೂ ಐವಿಎಫ್‌ ಚಿಕಿತ್ಸೆ ಫಲಕಾರಿಯಾಗಲು ಸಹಕಾರಿಯಾಗುವುದು.

ಹಸಿ ಮೊಟ್ಟೆ ಸೇವಿಸಬೇಡಿ

ಹಸಿ ಮೊಟ್ಟೆಯಲ್ಲಿ ಸಾಲ್‌ಮೊನೆಲ್ಲಾ ಎಂಬ ವೈರಸ್ ಇರುತ್ತದೆ. ಇದರಿಂದ ಫುಡ್‌ ಪಾಯಿಸನ್ ಆಗಬಹುದು. ಮೊಟ್ಟೆಯನ್ನು ಬೇಯಿಸಿ ತಿನ್ನಿ.

ಮದ್ಯಪಾನ-ಧೂಮಪಾನ: ಐವಿಎಫ್‌ ಚಿಕಿತ್ಸೆ ತೆಗೆದುಕೊಳ್ಳುವವರು ಮದ್ಯಪಾನ ಮಾಡಬಾರದು. ಧೂಮಪಾನ ಮಾಡಬಾರದು.

ಸಕ್ಕರೆ,ಚೀಸ್: ಐವಿಎಫ್‌ ಚಿಕಿತ್ಸೆ ಮಾಡಿಸುವವರು ಸಕ್ಕರೆಯಂಶ ತೆಗೆದುಕೊಳ್ಳುವುದನ್ನು ಕಡಿಮೆ ಮಾಡಬೇಕು. ಈ ಸಮಯದಲ್ಲಿ ಚೀಸ್‌ ಸೇವಿಸದಿರುವುದು ಒಳ್ಳೆಯದು.

ಯಾವ ಬಗೆಯ ಆಹಾರಗಳನ್ನು ಸೇವಿಸಬೇಕು?

ಸತುವಿನಂಶವಿರುವ ಆಹಾರ: ಸತು ದೇಹದಲ್ಲಿ ಹಾರ್ಮೋನ್‌ಗಳನ್ನು ಸಮತೋಲನದಲ್ಲಿಡಲು ಸಹಕಾರಿ. ಧಾನ್ಯಗಳು, ನಟ್ಸ್, ಹಾಲಿನ ಉತ್ಪನ್ನಗಳು, ಮಾಂಸ, ಆಲೂಗಡ್ಡೆ ಇವುಗಳಲ್ಲಿ ಸತುವಿನಂಶವಿರುತ್ತದೆ.

ಫಾಲಿಕ್ ಆಮ್ಲ ಇರುವ ಆಹಾರಗಳು: ಮಗುವಿನ ಮೆದುಳು ಹಾಗೂ ಬೆನ್ನು ಮೂಳೆಯ ಬೆಳವಣಿಗೆಗೆ ಫಾಲಿಕ್ ಆಮ್ಲ ಅವಶ್ಯಕ. ಈ ಕಾರಣಕ್ಕಾಗಿ ಗರ್ಭಿಣಿಯರಿಗೆ ಫಾಲಿಕ್ ಅಮ್ಲ ಸಪ್ಲಿಮೆಂಟ್‌ ನೀಡಲಾಗುವುದು. ಪಾಲಾಕ್, ಬ್ರೊಕೋಲಿ, ಲೆಟ್ಯೂಸೆ, ಅಶ್ವಗಂಧ, ಬೀನ್ಸ್, ಬಟಾಣಿ ಇಂಥ ಆಹಾರಗಳಲ್ಲಿ ಫಾಲಿಕ್ ಆಮ್ಲ ಅಧಿಕವಿರುತ್ತದೆ.

ಕಬ್ಬಿಣದಂಶ ಅಧಿಕವಿರುವ ಆಹಾರ

ಸಿಹಿ ಕುಂಬಳದ ಬೀಜ, ಮೃದ್ವಂಗಿಗಳು, ಪಾಲಾಕ್, ಇತರ ಸೊಪ್ಪುಗಳಲ್ಲಿ ಕಬ್ಬಿಣದಂಶ ಅಧಿಕವಿರುತ್ತದೆ. ಕಬ್ಬಿಣದಂಶದ ಆಹಾರಗಳ ಸೇವನೆಯಿಂದ ರಕ್ತ ಹೀನತೆ ತಡೆಗಟ್ಟಬಹುದು.

ಪ್ರೊಟೀನ್ ಅಧಿಕವಿರುವ ಅಹಾರ

ನಮ್ಮ ಮೈ ತೂಕ ಎಷ್ಟಿದೆಯೋ ಅಷ್ಟು ಗ್ರಾಂ ಪ್ರೊಟೀನ್‌ ಬೇಕಾಗುವುದು. ಚಿಕನ್, ಮೀನು, ಟೋಫು, ಬೀನ್ಸ್, ಧಾನ್ಯಗಳು, ಮೊಸರು, ಹಾಲು, ಪಾಲಾಕ್, ಬ್ರೊಕೋಲಿ, ನಟ್ಸ್ ಇಂಥ ಆಹಾರಗಳಲ್ಲಿ ಪ್ರೊಟೀನ್ ಇರುತ್ತದೆ.

ಸಾಕಷ್ಟು ನೀರು ಕುಡಿಯಿರಿ

ಖರ್ಜೂರ, ಬಾಳೆಹಣ್ಣು, ಕಲ್ಲಂಗಡಿ ಹಣ್ಣು ಸೇವಿಸಿ. ಸಾಕಷ್ಟು ನೀರು ಕುಡಿಯಿರಿ. ದಿನದಲ್ಲಿ 3-4 ಲೀಟರ್ ನೀರು ಕುಡಿಯಿರಿ.