ಗರ್ಭಿಣಿ ಕಹಿ ತಿಂದರೆ ಮಗು ಅಳುವಂತೆ ಮುಖ ಮಾಡುತ್ತಂತೆ, ಸಿಹಿ ತಿಂದರೆ ನಗುವುದಂತೆ

ಈ ಅಧ್ಯಯನ ವರದಿ ತುಂಬಾನೇ ಇಂಟೆರೆಸ್ಟಿಂಗ್‌ ಆಗಿದೆ

ವಿಜ್ಞಾನಿಗಳು 4D ಅಲ್ಟ್ರಾಸೌಂಡ್‌ ಸ್ಕ್ಯಾನ್‌ನಲ್ಲಿ 100 ಗರ್ಭಿಣಿಯರನ್ನು ಪರೀಕ್ಷೆ ಮಾಡಲಾಯಿತು. ಹೀಗೆ ಪರೀಕ್ಷೆ ಮಾಡಿಸುವ ಮುನ್ನ ಅವರಿಗೆ ಕ್ಯಾರೆಟ್ ಹಾಗೂ ಕಹಿ ರುಚಿಯ ಕ್ಯಾಪ್ಸುಲ್ ನೀಡಿ 20 ನಿಮಿಷದ ಬಳಿಕ ಪರೀಕ್ಷೆಗೆ ಒಳಪಡಿಸಲಾಯಿತು. ಕ್ಯಾರೆಟ್‌ ಫ್ಲೇವರ್‌ ಸೇವಿಸಿದಾಗ ಮಗು ನಗುವಂತೆ, ಖುಷಿಯಾದಂತೆ ಮುಖ ಮಾಡಿದರೆ, ಕಹಿ ಫ್ಲೇವರ್‌ ನೀಡಿದಾಗ ಅಳುವಂತೆ ಮುಖ ಮಾಡುತ್ತೆ ಎಂದು ಸ್ಕ್ಯಾನಿಂಗ್‌ನಲ್ಲಿ ತಿಳಿದು ಬಂತು.

ಗರ್ಭಿಣಿಯಾದಾಗ ತಿನ್ನುವ ಆಹಾರ ನಂತರ ಮಗುವಿನ ಆಹಾರಶೈಲಿ ಪ್ರಭಾವಿಸುತ್ತೆ

ಗರ್ಭಿಣಿಯರು ಯಾವ ಆಹಾರ ಹೆಚ್ಚಾಗಿ ಸೇವಿಸುತ್ತಾರೋ ಹೆರಿಗೆಯ ಬಳಿಕ ಮಗು ಬೆಳೆಯುತ್ತಿದ್ದಂತೆ ಆ ಆಹಾರದ ಕಡೆ ಒಲವು ಹೆಚ್ಚು ತೋರಿಸುತ್ತಾರೆ ಎಂದು ಹೇಳಲಾಗುವುದು. ಕಹಿ ಆಹಾರ ಮಗುವಿಗೆ ಇಷ್ಟವಾಗದಿದ್ದರೂ ಗರ್ಭಿಣಿಯಾಗಿದ್ದಾಗ ಅದನ್ನು ತಿಂದರೆ ಆ ಮಗು ಭವಿಷ್ಯದಲ್ಲಿ ಅಂಥ ಆಹಾರಸೇವಿಸಲು ಹಿಂದೇಟು ಹಾಕಲ್ಲ.

ಗರ್ಭಿಣಿಯರು ಆರೋಗ್ಯಕರ ಆಹಾರ ಸೇವಿಸಿ

ಗರ್ಭಾವಸ್ಥೆಯಲ್ಲಿ ನಿಮ್ಮ ಆಹಾರ ಶೈಲಿ ಮಗುವಿನ ಆರೋಗ್ಯದ ಮೇಲೆ ಫ್ರಭಾವ ಬೀರುವುದು ಮಾತ್ರವಲ್ಲ, ಭವಿಷ್ಯದಲ್ಲೂ ಮಗುವಿನ ಆಹಾರ ಶೈಲಿಯ ಮೇಲೆ ಪ್ರಭಾವ ಬೀರುವುದು. ಆದ್ದರಿಂದ ಗರ್ಬಾವಸ್ಥೆಯಲ್ಲಿ ಆರೋಗ್ಯಕರ ಆಹಾರ ಸೇವಿಸಿ, ಡ್ರೈ ಫ್ರೂಟ್ಸ್ ಹಣ್ಣುಗಳನ್ನು ಸೇವಿಸಿ. ವಾಲ್ನಟ್‌ ಇಷ್ಟವಾಗದಿದ್ದರೂ ಸೇವಿಸಿ, ಮುಂದೆ ಮಗುವಿಗೆ ನೀಡಿದರೆ ಅದು ತಿನ್ನುತ್ತೆ.

ಖುಷಿಯಾಗಿರಿ, ಒಳ್ಳೆಯ ಚಿಂತನೆ ಮಾಡಿ

ಗರ್ಭಿಣಿಯರು ಖುಷಿಯಾಗಿರಬೇಕು, ಒಳ್ಳೆಯ ಪುಸ್ತಕ ಓದುವುದು, ಒಳ್ಳೆಯ ಚಿಂತನೆ ಇವೆಲ್ಲಾ ಮಗುವಿನ ಮಾನಸಿಕ ಬೆಳವಣಿಗೆ ಮೇಲೆ ಪ್ರಭಾವ ಬೀರುತ್ತದೆ.