ಒಂದು ಗಂಟೆಯಲ್ಲಿ ಎರಡು ಬಾರಿ ಸೆಕ್ಸ್ ನಡೆಸಿದರೆ ಗರ್ಭಿಣಿಯಾಗುವ ಸಾಧ್ಯತೆಗಳು ಹೆಚ್ಚು!

ಅಧ್ಯಯನದ ಪ್ರಕಾರ

ಇತ್ತೀಚೆಗೆ ಮಗುವನ್ನು ಪಡೆದುಕೊಳ್ಳಲು ವೈಜ್ಞಾನಿಕ ಕ್ಷೇತ್ರದಲ್ಲಿ ಅನೇಕ ಸಂಶೋಧನೆಯನ್ನು ಕೈಗೊಂಡಿದ್ದಾರೆ. ಅದಕ್ಕೆ ಅನುಗುಣವಾಗಿ ಕೆಲವು ಅಧ್ಯಯನದಿಂದ ಉತ್ತಮ ಫಲಿತಾಂಶವನ್ನು ಪಡೆದುಕೊಳ್ಳಬಹುದು ಎನ್ನುವುದು ಸಾಭೀತಾಗಿವೆ. ಅಂತಹದ್ದೇ ಒಂದು ಸಂಶೋಧನೆ ಹಾಗೂ ಅಧ್ಯಯನವು ಮಕ್ಕಳನ್ನು ಹಂಬಲಿಸುವ ದಂಪತಿಗಳಿಗೆ ಸಂತಸದ ಸುದ್ದಿಯನ್ನು ನೀಡಲಿದೆ.

ಮಿಡ್ಲ್‍ಸೆಕ್ಸ್ ಆಸ್ಪತ್ರೆಯೊಂದು ಕೈಗೊಂಡ ಸಂಶೋಧನೆಯ ಪ್ರಕಾರ

ಹೌದು, ನಾರ್ತ್ ಮಿಡ್ಲ್‍ಸೆಕ್ಸ್ ಆಸ್ಪತ್ರೆಯೊಂದು ಕೈಗೊಂಡ ಸಂಶೋಧನೆಯ ಪ್ರಕಾರ "ಒಂದು ಗಂಟೆಯ ಒಳಗೆ ಎರಡು ಬಾರಿ ಸಂಭೋಗ ಹೊಂದುವುದರಿಂದ ಮಹಿಳೆ ಗರ್ಭಿಣಿಯಾಗುವ ಸಾಧ್ಯತೆಗಳು ಹೆಚ್ಚೆಂದು ದೃಢಪಡಿಸಿದೆ". ಒಂದು ಗಂಟೆಯೊಳಗೆ ಎರಡು ಬಾರಿ ಸಂಭೋಗ ನಡೆಸುವುದು ವ್ಯಕ್ತಿಗೆ ಮೂರು ಪಟ್ಟು ಶಕ್ತಿಯನ್ನು ಹೆಚ್ಚಿಸುತ್ತದೆ ಎನ್ನಲಾಗುವುದು. ಇತ್ತೀಚೆಗೆ ಯುರೋಪಿಯನ್ ಹೆಲ್ತ್ ಅಂಡ್ ಕೇರ್ ಎಕ್ಸಲೆನ್ಸ್ ಸಂಸ್ಥೆಯು ಈ ಅಧ್ಯಯನವನ್ನು ಪ್ರಸ್ತುತಪಡಿಸಿದೆ. ಇವರು ಹೇಳುವ ಪ್ರಕಾರ ಒಂದು ಗಂಟೆಯೊಳಗೆ ಎರಡು ಬಾರಿ ಕೈಗೊಳ್ಳುವ ಸಂಭೋಗ ಕ್ರಿಯೆಯು ಗರ್ಭಧಾರಣೆಗೆ ಸಹಾಯ ಮಾಡುವುದು.

ಈ ಅಧ್ಯಯನಕ್ಕೆ 73 ಜೋಡಿಗಳನ್ನು ಒಳಪಡಿಸಲಾಗಿತ್ತು!

ಈ ಅಧ್ಯಯನಕ್ಕೆ ಸುಮಾರು 73 ಜೋಡಿಗಳನ್ನು ಒಳಪಡಿಸಲಾಗಿತ್ತು. ಈ ಅಧ್ಯಯನದ ಪ್ರಕಾರ ವೀರ್ಯಾಣುಗಳು ಗರ್ಭಾಶಯದ ಒಳಗೆ ಚುಚ್ಚು ಮದ್ದಿನಂತೆ ನೇರವಾಗಿ ಪ್ರವೇಶ ಪಡೆಯುತ್ತವೆ ಎನ್ನಲಾಗುವುದು. ಎರಡು ಗುಂಪನ್ನಾಗಿ ಮಾಡಿ ನಡೆಸಿದ ಈ ಸಂಶೋಧನೆಯಲ್ಲಿ ಒಂದು ಗಂಟೆಯೊಳಗೆ ಎರಡು ಬಾರಿ ಸಂಭೋಗ ನಡೆಸಿದ ಗುಂಪುನವರಲ್ಲಿ ಶೇ.20 ಕ್ಕಿಂತಲೂ ಹೆಚ್ಚು ಮಹಿಳೆಯರು ಗರ್ಭಿಣಿಯರಾಗಿದ್ದಾರೆ ಎನ್ನುವುದನ್ನು ಕಂಡುಕೊಂಡರು. ಈ ಫಲವಂತಿಕೆಯ ವಿಧಾನವನ್ನು ಅನುಸರಿಸಿದರೆ ಗರ್ಭಧಾರಣೆಯ ಯಶಸ್ಸಿನ ಫಲಿತಾಂಶವು ಮೂರುಪಟ್ಟು ಹೆಚ್ಚಾಗಿರುತ್ತದೆ ಎಂದು ಹೇಳಲಾಗುವುದು.

ನೈಸರ್ಗಿಕವಾಗಿ ಮಗುವನ್ನು ಪಡೆದುಕೊಳ್ಳುವ ದಂಪತಿಗಳಿಗೆ ಇದು ಸಹಕಾರಿ

ಇದು ತುಲನಾತ್ಮಕವಾಗಿ ಸಣ್ಣ ಅಧ್ಯಯನವಾಗಿದ್ದರೂ, ಇದು ಒಂದು ದೊಡ್ಡ ಹೆಜ್ಜೆಯೆಂದು ಪರಿಗಣಿಸಲಾಗಿದೆ. ಇದು ಗರ್ಭಾವಸ್ಥೆಯ ದರಗಳಿಗೆ ಒಂದು ಪ್ರಮುಖವಾದ ವ್ಯತ್ಯಾಸವನ್ನುಂಟುಮಾಡಬಹುದು. ನೈಸರ್ಗಿಕವಾಗಿ ಮಗುವನ್ನು ಪಡೆದುಕೊಳ್ಳುವ ದಂಪತಿಗಳಿಗೆ ಇದೊಂದು ಅತ್ಯುತ್ತಮವಾದ ವಿಧಾನವಾಗಿದೆ. ಸಂಸ್ಥೆ ಕೈಗೊಂಡಿರುವ ಅಧ್ಯಯನದಲ್ಲಿ ಮಹಿಳೆಯರು ಫಲವತ್ತತೆಯ ಚಕ್ರಗಳಿಗೆ ಉತ್ತೇಜನ ನೀಡುವ ಔಷಧವನ್ನು ಸ್ವೀಕರಿಸಿದ್ದರೇ ಎನ್ನುವುದನ್ನು ಗಮನಿಸಬೇಕಾದ ಸಂಗತಿ ಅಷ್ಟೆ.

ವೀರ್ಯವನ್ನು ಹೆಚ್ಚಿಸಿಕೊಳ್ಳಲು

ವೀರ್ಯವನ್ನು ಹೆಚ್ಚಿಸಿಕೊಳ್ಳಲು ಪುರುಷರು ಸಂಭೋಗವನ್ನು ನಡೆಸದೆ ಇರಬೇಕೆಂದೇನೂ ಇಲ್ಲ. ಹಸ್ತ ಮೈಥುನ, ಸಲಿಂಗಕಾಮ, ಅನುಚಿತ ಚಟಗಳಿಂದ ದೂರ ಇರಬೇಕು. ಆಗ ಪುರುಷರಲ್ಲಿ ಆರೋಗ್ಯಕರ ವೀರ್ಯಗಳ ಉತ್ಪತ್ತಿಯಾಗುವುದು. ಅಲ್ಲದೆ ವೀರ್ಯಗಳ ಎಣಿಕೆಯಲ್ಲೂ ಹೆಚ್ಚಾಗುತ್ತವೆ. ಮಗುವನ್ನು ಹೊಂದಲು ವೀರ್ಯದ ಗುಣಮಟ್ಟ, ಮಹಿಳೆಯರ ಋತುಚಕ್ರಗಳು, ಅಂಡಾಣು ಬಿಡುಗಡೆ, ಪುರುಷರ ಹಾಗೂ ಮಹಿಳೆಯರ ಆರೋಗ್ಯ ಸ್ಥಿತಿ ಎಲ್ಲವೂ ಗಮನಾರ್ಹವಾದದ್ದು. ಇವೆಲ್ಲವೂ ಉತ್ತಮವಾಗಿದ್ದು, ಒಂದು ಗಂಟೆಯೊಳಗೆ ಸಂಭೋಗ ನಡೆಸಿದರೆ ಗರ್ಭಿಣಿಯರಾಗುವ ಸಾಧ್ಯತೆಗಳು ಹೆಚ್ಚೆಂದು ಹೇಳಲಾಗುವುದು.