ಗರ್ಭಿಣಿಯರಿಗೆ ಸಡನ್ ಆಗಿ ಕಾಡುವ ಕೆಳಹೊಟ್ಟೆಯ ನೋವು! ನಿರ್ಲಕ್ಷಿಸ ಬೇಡಿ...

ಪದೇ ಪದೇ ಮೂತ್ರಕ್ಕೆ ಅವಸರವಾಗುವುದು

ಒಂದು ವೇಳೆ ಸತತವಾಗಿ ಮೂತ್ರಕ್ಕೆ ಅವಸರವಾಗುವುದು, ಮೂತ್ರ ವಿಸರ್ಜಿಸುವ ವೇಳೆ ಉರಿಯ ಅನುಭವ ಅಥವಾ ತುರಿಕೆಯ ಅನುಭವವಾಗುತ್ತಿದ್ದರೆ ಇದು ಮೂತ್ರವ್ಯವಸ್ಥೆಯಲ್ಲಿ ಸೋಂಕು ಉಂಟಾಗಿರುವ ಲಕ್ಷಣಗಳಾಗಿವೆ.

ರಕ್ತಸ್ರಾವ?

ಒಂದು ವೇಳೆ ಕೆಳಹೊಟ್ಟೆಯಲ್ಲಿ ನೋವು ಕಾಣಿಸಿಕೊಂಡ ಪರಿಣಾಮವಾಗಿ ರಕ್ತಸ್ರಾವವಾದರೆ ಅಥವಾ ಮೂತ್ರದಲ್ಲಿ ರಕ್ತದ ಗಡ್ಡೆಗಳು ಕಂಡುಬಂದರೆ ಅಥವಾ ಕೆಳಹೊಟ್ಟೆ ಬಿಗಿಹಿಡಿದಂತಾಗಿದ್ದರೆ ಇದು ಗರ್ಭಪಾತದ ಪೂರ್ವ ಅಥವಾ ಆಗುತ್ತಿರುವ ಲಕ್ಷಣಗಳಾಗಿರಬಹುದು. ಒಂದು ಕ್ಷಣವನ್ನೂ ವ್ಯರ್ಥ ಮಾಡದೇ ತಕ್ಷಣ ಸ್ತ್ರೀರೋಗ ತಜ್ಞರ ಅಥವಾ ಹತ್ತಿರ ಲಭ್ಯವಿರುವ ವೈದ್ಯರ ಬಳಿ ಕರೆದೊಯ್ಯಬೇಕು.

ಅಪಸ್ಥಾನೀಯ ಗರ್ಭ (Ectopic Pregnancy)

ಅಪರೂಪದ ಸಂದರ್ಭದಲ್ಲಿ ಫಲಿತಗೊಂಡ ಅಂಡಾಣು ಗರ್ಭಕೋಶದ ಒಳಗೆ ಅಲ್ಲದೇ ಗರ್ಭಕೋಶದ ಹೊರಗಿರುವ ಯಾವುದಾದರೊಂದು ಭಾಗದಲ್ಲಿ ಬೆಳೆಯಲಾರಂಭಿಸುತ್ತದೆ. ಹೆಚ್ಚಿನ ಸಾಧ್ಯತೆ ಇರುವ ಅಂಗವೆಂದರೆ ಗರ್ಭನಾಳ (Fallopian tube). ಒಂದು ಹಂತದ ಬೆಳವಣಿಯವರೆಗೆ ಇದು ನೋವು ಕೊಡದಿದ್ದರೂ ಸುಮಾರು ಆರರಿಂದ ಹತ್ತು ವಾರಗಳ ಅವಧಿಯಲ್ಲಿ ಗರ್ಭನಾಳದ ಗಾತ್ರಕ್ಕೂ ಹೆಚ್ಚು ಬೆಳೆದು ನೋವು ಕೊಡಲಾರಂಭಿಸುತ್ತದೆ. ಈ ಗರ್ಭ ಆರೋಗ್ಯವಂತ ಶಿಶುವಾಗುವ ಸಾಧ್ಯತೆ ಅತಿ ಕಡಿಮೆ. ಪರಿಣಾಮವಾಗಿ ರಕ್ತಸ್ರಾವವೂ ಎದುರಾಗುತ್ತದೆ. ಈ ಸ್ಥಿತಿಯನ್ನು ಪರೀಕ್ಷೆಗಳ ಮೂಲಕ ಖಾತ್ರಿಪಡಿಸಿಕೊಂಡ ಬಳಿಕ ವೈದ್ಯರು ಗರ್ಭಪಾತ ಮಾಡಿಸಿ ರೋಗಿಯನ್ನು ಉಳಿಸುವ ನಿರ್ಧಾರ ಕೈಗೊಳ್ಳಬೇಕಾಗುತ್ತದೆ. ಆದರೆ ಈಗ ವೈದ್ಯವಿಜ್ಞಾನ ಮುಂದುವರೆದಿದ್ದು ಈ ಸ್ಥಿತಿ ಆಗಮಿಸಬಹುದಾದ ಹಂತಕ್ಕೂ ಮುನ್ನವೇ ಸೂಕ್ತ ಕ್ರಮಗಳಿಂದ ಗರ್ಭವನ್ನು ಉಳಿಸಬಹುದು. ಆದ್ದರಿಂದ ಮೊದಲ ತಿಂಗಳಿನಿಂದಲೂ ನಿಯಮಿತವಾಗಿ ವೈದ್ಯರಲ್ಲಿ ತಪಾಸಣೆಗೊಳಪಟ್ಟು ಸೂಕ್ತ ಚಿಕಿತ್ಸೆಗಳನ್ನು ಪಡೆಯುತ್ತಿರಬೇಕು.

ಗರ್ಭಾಶಯದಲ್ಲಿ ಗಾಯ

ಅಪರೂಪದ ಸಂದರ್ಭದಲ್ಲಿ ಗರ್ಭಕೋಶದ ಒಳಗಿರುವ ಜರಾಯು (placenta) ಗರ್ಭಕೋಶದ ಗೋಡೆಯನ್ನು ಹರಿಯುತ್ತದೆ. ಇದು ಅಪಾರ ನೋವಿಗೆ ಕಾರಣವಾಗುತ್ತದೆ.

ಅವಧಿಗೂ ಮುನ್ನ ಎದುರಾಗುವ ಹೆರಿಗೆ ನೋವು

ಒಂದು ವೇಳೆ ಕಡೆಯ ತ್ರೈಮಾಸಿಕದ ಕಡೆಯ ದಿನಗಳಲ್ಲಿ ಯಾವ ಮುನ್ಸೂಚನೆಯೂ ಇಲ್ಲದೇ ಕೆಳಹೊಟ್ಟೆಯಲ್ಲಿ ನೋವು ಕಾಣಿಸಿಕೊಂಡರೆ ಇದು ನಿಗದಿತ ಅವಧಿಗಿಂತಲೂ ಮುಂಚಿತವಾಗಿ ಹೆರಿಗೆಯಾಗುವ ಸೂಚನೆಯಾಗಿದೆ.