ಗರ್ಭಿಣಿಯರೇ ನೆನಪಿಡಿ, ಆದಷ್ಟು ಮನೆಗೆಲಸಗಳಿಂದ ದೂರವಿರಿ!

Posted By: manu
Subscribe to Boldsky

ಗರ್ಭಾವಸ್ಥೆಯ ವಿವಿಧ ಹಂತಗಳಲ್ಲಿ ಗರ್ಭಿಣಿಯ ದೇಹ ಹಲವಾರು ಬದಲಾವಣೆಗಳನ್ನು ಪಡೆದುಕೊಳ್ಳುತ್ತಾ ಹೋಗುತ್ತದೆ. ಆದ್ದರಿಂದ ಈ ಅವಧಿಯಲ್ಲಿ ಶರೀರಕ್ಕೆ ಹೆಚ್ಚಿನ ದಣಿವು ನೀಡದ ಕೆಲಸಗಳನ್ನು ನೀಡದಿರುವುದೇ ಉತ್ತಮ. ಸೂಕ್ತ ಆಹಾರ ಸೇವನೆ, ಮಿತವಾದ ವ್ಯಾಯಾಮ ಹಾಗೂ ಮುಖ್ಯವಾಗಿ ಗರ್ಭಾವಸ್ಥೆಯಲ್ಲಿ ಉದ್ವೇಗ, ಒತ್ತಡವಿಲ್ಲದ ಮನಸ್ಸನ್ನು ಕಾಯ್ದುಕೊಳ್ಳುವುದು ಅಗತ್ಯ.  

ಗರ್ಭಿಣಿಯರು ತುಂಬಾ ಹೊತ್ತು ನಿಲ್ಲಬಾರದು!

ಈ ಅವಧಿಯಲ್ಲಿ ನಿಮ್ಮ ಸಂಗಾತಿ ಹಾಗೂ ಮನೆಯ ಇತರ ಸದಸ್ಯರು ನಿಮ್ಮ ಕೆಲಸಗಳನ್ನು ವಹಿಸಿಕೊಂಡು ನಿಮಗೆ ಸಾಕಷ್ಟು ವಿರಾಮ ನೀಡುವುದೂ ಅಗತ್ಯ. ಕೆಲವೊಂದು ಕೆಲಸಗಳನ್ನು ಗೃಹಿಣಿಯಾದವಳು ತಾನೇ ಮಾಡಿದರೆ ಮಾತ್ರ ತೃಪ್ತಿಪಡುತ್ತಾಳೆ. ಆದರೆ ಗರ್ಭಾವಸ್ಥೆಯಲ್ಲಿ ಈ ಕೆಲಸಗಳನ್ನು ಮಾಡದಿರುವುದೇ ಒಳ್ಳೆಯದು. ಇವು ಯಾವುವು ಎಂಬುದನ್ನು ನೋಡೋಣ....

ಸ್ವಚ್ಛತಾ ಕೆಲಸಕ್ಕೆ ತೊಡಗುವುದು ಅಷ್ಟು ಸೂಕ್ತವಲ್ಲ

ಸ್ವಚ್ಛತಾ ಕೆಲಸಕ್ಕೆ ತೊಡಗುವುದು ಅಷ್ಟು ಸೂಕ್ತವಲ್ಲ

ನೀವು ಗರ್ಭಿಣಿಯಾಗಿದ್ದಾಗ ಮನೆಯ ಸಾಮಾನ್ಯ ಸ್ವಚ್ಛತಾ ಕೆಲಸಕ್ಕೆ ತೊಡಗುವುದು ಅಷ್ಟು ಸೂಕ್ತವಲ್ಲ. ಏಕೆಂದರೆ ಈ ಕೆಲಸದಲ್ಲಿ ಬಳಕೆಯಾಗುವ ಸೋಪು, ಫಿನಾಯಿಲ್, ಡಿಟರ್ಜೆಂಟುಗಳು ಮೊದಲಾದ ಸ್ವಚ್ಛಕಾರಕ ವಸ್ತುಗಳಲ್ಲಿ ಕೆಲವು ಕಣಗಳು ಅಲರ್ಜಿಕಾರಕವಾಗಿದ್ದು ಅನಗತ್ಯವಾದ ಪರಿಣಾಮಗಳು ಎದುರಾಗಬಹುದು. ಏಕೆಂದರೆ ಗರ್ಭಾವಸ್ಥೆಯಲ್ಲಿ ಗರ್ಭಿಣಿಯ ದೇಹ ಅತಿ ಸೂಕ್ಷ್ಮವಾದ ಹಂತವನ್ನು ದಾಟುತ್ತಿರುವ ಕಾರಣ ಈ ಅಲರ್ಜಿಗಳು ಸುಲಭವಾಗಿ ಅಂಟಿಕೊಳ್ಳಬಹುದು.

ಹೆಚ್ಚಾಗಿ ಬಗ್ಗುವಂತಹ ಕೆಲಸ ಮಾಡಬೇಡಿ

ಹೆಚ್ಚಾಗಿ ಬಗ್ಗುವಂತಹ ಕೆಲಸ ಮಾಡಬೇಡಿ

ಮನೆಯ ಸ್ವಚ್ಛಗೊಳಿಸುವ ಕಾರ್ಯದಲ್ಲಿ ಅತಿ ಹೆಚ್ಚಾಗಿ ಬಗ್ಗುವಂತಹ ಕೆಲಸಗಳನ್ನು ಮಾಡಕೂಡದು. ಏಕೆಂದರೆ ಈ ಪರಿ ಬಗ್ಗುವುದರಿಂದ sciatic nerve ಅಥವಾ ಬೆನ್ನುಮೂಳೆಯ ಕೆಳಭಾಗದಿಂದ ಕಾಲಿಗೆ ಧಾವಿಸುವ ನರದ ಮೇಲೆ ಹೆಚ್ಚಿನ ಒತ್ತಡ ಬಿದ್ದು ಈ ನರವನ್ನು ಘಾಸಿಗೊಳಿಸಬಹುದು.

ಗರ್ಭಿಣಿಯರೇ ಈ ಅಂಶಗಳು ತಿಳಿದಿರಲಿ

ಗುಡಿಸುವುದು, ಭಾರವಾದ ವಸ್ತುಗಳನ್ನು ಮೇಲಿಡುವುದು, ಬಟ್ಟೆ ಒಣಗಿಸುವುದು

ಗುಡಿಸುವುದು, ಭಾರವಾದ ವಸ್ತುಗಳನ್ನು ಮೇಲಿಡುವುದು, ಬಟ್ಟೆ ಒಣಗಿಸುವುದು

ಗರ್ಭಾವಸ್ಥೆಯಲ್ಲಿ ದೇಹದ ಪ್ರಮುಖ ಗಂಟುಗಳು ಮತ್ತು ಮಡಚುವ ಮೂಳೆಗಳ ಭಾಗಗಳು ಕೊಂಚ ಮೆತ್ತಗಾಗುತ್ತವೆ. ಆದ್ದರಿಂದ ಇತರ ಸಮಯದಲ್ಲಿ ಸುಲಭವಾಗುತ್ತಿದ್ದ ಕೆಲಸಗಳು ಈಗ ಕಷ್ಟವಾಗುತ್ತವೆ. ಆದ್ದರಿಂದ ಈ ಕೆಲಸಗಳಿಗೆಲ್ಲಾ ಮನೆಯವರ ಅಥವಾ ಕೆಲಸದವರ ಸಹಾಯ ಪಡೆಯುವುದು ಒಳ್ಳೆಯದು. ಗುಡಿಸುವುದು, ಭಾರವಾದ ವಸ್ತುಗಳನ್ನು ಮೇಲಿಡುವುದು, ಬಟ್ಟೆ ಒಣಗಿಸುವುದು ಮೊದಲಾದ ಕೆಲಸಗಳಿಗೆ ಸಹಾಯ ಪಡೆದುಕೊಳ್ಳುವುದೇ ಜಾಣತನವಾಗಿದೆ.

ಬೆಕ್ಕಿನ ಸಂಗ

ಬೆಕ್ಕಿನ ಸಂಗ

ಒಂದು ವೇಳೆ ನಿಮ್ಮ ಮನೆಯಲ್ಲಿ ಸಾಕಿರುವ ಬೆಕ್ಕು ಇದ್ದರೆ ಬೆಕ್ಕಿನ ಸಂಗ ಈ ಸಮಯದಲ್ಲಿ ಸಲ್ಲದು. ವಿಶೇಷವಾಗಿ ಬೆಕ್ಕಿನ ಉಚ್ಛಿಷ್ಟವನ್ನು ಸ್ವಚ್ಛಗೊಳಿಸುವುದಿರಲಿ, ಬಳಿಗೂ ಸುಳಿಯಕೂಡದು. ಏಕೆಂದರೆ ಇದರಲ್ಲಿ ಕೆಲವು ಪರಾವಲಂಬಿ ಕ್ರಿಮಿಗಳಿದ್ದು ಗರ್ಭಿಣಿಗೆ ಮಾರಕವಾಗುತ್ತವೆ. ಅಷ್ಟೇ ಅಲ್ಲ, ಬೆಕ್ಕಿನ ಕೂದಲು ಯಾವುದೇ ಕಾರಣಕ್ಕೂ ಆಹಾರ ಅಥವಾ ನೀರಿನ ಮೂಲಕ ದೇಹ ಪ್ರವೇಶಿಸಬಾರದು. ಇದು ಭಾರೀ ಅಲರ್ಜಿಕಾರಕವಾಗಿದ್ದು ಗರ್ಭಿಣಿಯ ಆರೋಗ್ಯವನ್ನು ಕೆಡಿಸಬಹುದು.

ಶೌಚಾಲಯ ಸ್ವಚ್ಛತೆ

ಶೌಚಾಲಯ ಸ್ವಚ್ಛತೆ

ಶೌಚಾಲಯ ಸ್ವಚ್ಛತೆಗಾಗಿ ಬಳಸುವ ಕೆಲವು ಸ್ವಚ್ಛಕಾರಕ ಸಾಮಾಗ್ರಿಗಳು ಹೊಗೆ ಅಥವಾ ಕಟುವಾದ ವಾಸನೆಯನ್ನು ಬೀರುತ್ತವೆ. ಗರ್ಭಾವಸ್ಥೆಯಲ್ಲಿ ಇವು ಮಾರಕವಾಗಿವೆ. ಆದ್ದರಿಂದ ಈ ಕೆಲಸಗಳನ್ನೂ ಕೆಲಸದವರ ಮೂಲಕ ಮಾಡಿಸಿಕೊಳ್ಳಿ.

ಬಟ್ಟೆ ಒಗೆಯುವ ಕೆಲಸವನ್ನೂ ಮಾಡದಿರಿ

ಬಟ್ಟೆ ಒಗೆಯುವ ಕೆಲಸವನ್ನೂ ಮಾಡದಿರಿ

ಬಟ್ಟೆ ಒಗೆಯುವ ಕೆಲಸವನ್ನೂ ಮಾಡದಿರಿ. ಏಕೆಂದರೆ ಬಟ್ಟೆಯನ್ನು ನೆನೆಸಲು ಮೊದಲಾದ ಕೆಲಸಗಳಿಗೆ ಅನಿವಾರ್ಯವಾಗಿ ಬಗ್ಗಬೇಕಾದುದು ಮಗುವಿನ ದೇಹವನ್ನು ಸಂಕುಚಿಸಬಹುದು. ಅಷ್ಟೇ ಅಲ್ಲ, ಬಟ್ಟೆ ಒಗೆಯುವ ಸಂದರ್ಭದಲ್ಲಿ ತೇವವಾಗಿರುವ ನೆಲವನ್ನು ಕೊಂಚ ಹಿಂದಕ್ಕೆ ವಾಲಿರುವ ನಿಮ್ಮ ದೇಹ ಇತರ ಸಮಯದಂತೆ ದೃಢವಾಗಿ ನಡೆಯಲು ಸಾಧ್ಯವಾಗದಿರಬಹುದು. ಹಾಗಾಗಿ ಜಾರಿ ಬೀಳುವ ಸಾಧ್ಯತೆ ಹೆಚ್ಚು. ಗರ್ಭಾವಸ್ಥೆಯಲ್ಲಿ ಜಾರಿಬೀಳುವ ಸಾಧ್ಯತೆಯನ್ನು ಗಂಭೀರವಾಗಿ ಪರಿಗಣಿಸಿ ತೇವವಾಗಿರುವ ನೆಲದಲ್ಲಿ ಅತಿ ಹೆಚ್ಚಿನ ಎಚ್ಚರಿಕೆ ವಹಿಸಬೇಕು.

ಗರ್ಭಿಣಿಯರು ಮಾಡಬಾರದ 10 ಕಾರ್ಯಗಳು

ಭಾರವಾದ ವಸ್ತುಗಳನ್ನು ಎತ್ತುವುದು ಅಪಾಯಕಾರಿ

ಭಾರವಾದ ವಸ್ತುಗಳನ್ನು ಎತ್ತುವುದು ಅಪಾಯಕಾರಿ

ಯಾವುದೇ ಭಾರವಾದ ವಸ್ತುಗಳನ್ನು ಎತ್ತುವುದು ಅಪಾಯಕಾರಿ. ಏಕೆಂದರೆ ಇದು ಬೆನ್ನು ಮೂಳೆಯ ಮೇಲೆ ಹೆಚ್ಚಿನ ಒತ್ತಡವನ್ನು ಹೇರುತ್ತದೆ. ಅಷ್ಟೇ ಅಲ್ಲ, ಮೆಟ್ಟಿಲುಗಳನ್ನು ಏರುವುದು ನಿಮಗೆ ಪ್ರಥಮ ಮೂರು ತಿಂಗಳಲ್ಲಿ ಸಂಪೂರ್ಣ ನಿಷಿದ್ಧ. ಇದು ಗರ್ಭಪಾತಕ್ಕೆ ಕಾರಣವೂ ಆಗಬಹುದು. ಉಳಿದ ತಿಂಗಳುಗಳಲ್ಲಿಯೂ ಅತ್ಯಂತ ಅನಿವಾರ್ಯವಾಗದ ಹೊರತು ಮೆಟ್ಟಿಲುಗಳನ್ನು ಏರಲೇಬಾರದು.

ಗರ್ಭಿಣಿಯರೇ ಹುಷಾರು! ಭಾರ ಎತ್ತುವ ಕೆಲಸದಿಂದ ದೂರವಿರಿ

ಆದಷ್ಟು ಜಾಗ್ರತೆವಹಿಸಿ

ಆದಷ್ಟು ಜಾಗ್ರತೆವಹಿಸಿ

ಹೆರಿಗೆಯಾಗಿ ಬಾಣಂತನ ಮುಗಿಯುವವರೆಗೂ ನಿಮ್ಮನ್ನು ನೋಡಿಕೊಳ್ಳಲು ಮನೆಯವರು ಯಾರಾದರೂ ಸದಾ ಹತ್ತಿರವಿದ್ದರೆ ಅತ್ಯುತ್ತಮ. ಆದರೆ ಇಂದಿನ ದಿನಗಳಲ್ಲಿ ಇದು ಸಾಧ್ಯವಾಗದೇ ಹೋದರೂ ಮೇಲಿನ ಮುನ್ನೆಚ್ಚರಿಕೆಗಳನ್ನು ಪಾಲಿಸುವಷ್ಟಾದರೂ ಸಹಾಯವನ್ನು ಮಾತ್ರ ತಪ್ಪದೇ ಪಡೆಯಬೇಕು.

For Quick Alerts
ALLOW NOTIFICATIONS
For Daily Alerts

    English summary

    Avoid These Domestic Tasks During Pregnancy

    Eating good food, performing mild exercise and maintaining a peaceful state of mind are the best things to do during pregnancy. Take the help of your partner and other family members and ensure that you allow your body to relax. Here are some of the household tasks to stay away from, when you are pregnant.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more