ಹೆರಿಗೆ ಬಳಿಕವೂ ಕೂಡ ಮಹಿಳೆ ಸಾಕಷ್ಟು ತೊಂದರೆ ಅನುಭವಿಸಬೇಕಾಗುತ್ತದೆ!

ಸ್ತನ ನೋವು

ಹೆರಿಗೆ ಬಳಿಕ ಸ್ತನಗಳಲ್ಲಿ ಹಾಲಿನ ಉತ್ಪಾದನೆ ಆರಂಭವಾದಾಗ ಅವುಗಳು ದೊಡ್ಡದಾಗುತ್ತದೆ. ಮಗು ಸ್ತನದ ತೊಟ್ಟನ್ನು ಸರಿಯಾಗಿ ಚೀಪದೆ ಇದ್ದರೆ ಆಗ ಸಂಪೂರ್ಣ ಹಾಲು ಸ್ತನದಿಂದ ಹೊರಗೆ ಹೋಗುವುದಿಲ್ಲ. ಇದರಿಂದ ಊತ ಮತ್ತು ನೋವು ಕಾಣಿಸಿಕೊಳ್ಳಬಹುದು. ಇದನ್ನು ಹೊರತುಪಡಿಸಿ ಊತ ಮತ್ತು ಸ್ತನದ ತೊಟ್ಟು ಒಡೆದು ಹೋಗಿರುವುದರಿಂದಲೂ ನೋವಾಗಬಹುದು.

ಮೂಲಾಧಾರ ನೋವು

ಕೆಲವೊಂದು ಸಲ ಯೋನಿ ಮತ್ತು ಮೂಲಾಧಾರದ ನೋವಿನ ವ್ಯತ್ಯಾಸ ತಿಳಿಯಲು ತುಂಬಾ ಕಷ್ಟವಾಗುವುದು. ಮೂಲವ್ಯಾಧಿ, ಮಲಬದ್ಧತೆ ಮತ್ತು ಸಾಮಾನ್ಯ ಊತವು ಸ್ನಾಯುಗಳಲ್ಲಿ ಊತ ಹಾಗೂ ನೋವು ಉಂಟು ಮಾಡಬಹುದು. ಮೂಲಾಧಾರದ ನೋವಿನಿಂದ ಹೆಚ್ಚು ಕಾಲ ಕುಳಿತುಕೊಳ್ಳಲು ಸಾಧ್ಯವಾಗಲ್ಲ ಮತ್ತು ಮಗುವಿಗೆ ಹಾಲುಣಿಸಲು ಸಮಸ್ಯೆಯಾಗುವುದು.

ಯೋನಿಯ ನೋವು

ಹೆರಿಗೆ ಬಳಿಕ ಯೋನಿಯು ಗುಣಮುಖವಾಗಿ ನೋವಿಲ್ಲದಂತೆ ಆಗಲು ಸಮಯ ಬೇಕಾಗುವುದು. ಹೆರಿಗೆ ಬಳಿಕ ಯೋನಿಯ ನೋವು ಸಾಮಾನ್ಯ. ಸಿಸೇರಿಯನ್ ಮಾಡಿದ್ದರೆ ಮತ್ತು ಹೆರಿಗೆ ಬಳಿಕ ಮಲಬದ್ಧತೆ ಉಂಟಾಗುತ್ತಾ ಇದ್ದರೆ ನೋವು ಇರುವುದು. ಶಸ್ತ್ರಚಿಕಿತ್ಸೆ ವೇಳೆ ಹಾಕಿರುವ ಹೊಲಿಗೆಗಳು ಒಣಗದೆ ಇದ್ದರೆ ಇದು ಕರುಳಿನ ಚಲನೆಯ ಮೇಲೆ ಪರಿಣಾಮ ಬೀರುವುದು.

ಯುಟಿಐ ಸೋಂಕು

ಹೆರಿಗೆ ಬಳಿಕ ಯುಟಿಐ ಸಾಮಾನ್ಯ. ಆದರೆ ಬ್ಯಾಕ್ಟೀರಿಯಾಗಳು ಮೂತ್ರನಾಳದ ಮೂಲಕವಾಗಿ ಕಿಡ್ನಿಯನ್ನು ಪ್ರವೇಶ ಮಾಡಿದರೆ ಆಗ ಮೂತ್ರವಿಸರ್ಜನೆ ವೇಳೆ ನೋವು ಮತ್ತು ಉರಿ ಕಾಣಿಸಿಕೊಳ್ಳುವುದು.