ಮಗುವಿಗೆ ಎದೆಹಾಲುಣಿಸುವ ತಾಯಂದಿರು, ಇಂತಹ ತಪ್ಪುಗಳನ್ನು ಮಾಡಬೇಡಿ..

ಸರಿಯಾಗಿ ನೀರು ಕುಡಿಯದೆ ಇರುವುದು

ಸರಿಯಾದ ಪ್ರಮಾಣದಲ್ಲಿ ನೀರು ಕುಡಿಯದೆ ಇದ್ದರೆ ಹಾಲಿನ ಉತ್ಪತ್ತಿಯು ಕಡಿಮೆಯಾಗಬಹುದು. ಇದರಿಂದ ದಿನವಿಡಿ ಅಗತ್ಯವಿದ್ದಷ್ಟು ನೀರು ಕುಡಿಯಿರಿ.

ಸರಿಯಾಗಿ ಊಟ ಮಾಡದಿರುವುದು

ತೂಕ ಕಳೆದುಕೊಳ್ಳುವಂತಹ ಆಹಾರ ಕ್ರಮವನ್ನು ಎದೆಹಾಲುಣಿಸುವ ಸಂದರ್ಭದಲ್ಲಿ ಪಾಲಿಸಬಾರದು. ಎದೆಹಾಲುಣಿಸುವುದರಿಂದ ಸ್ವಲ್ಪ ಕ್ಯಾಲರಿ ದಹಿಸಲ್ಪಡುವುದು. ನೀವು ಸರಿಯಾಗಿ ತಿನ್ನದೆ ಇದ್ದರೆ ನಿಶ್ಯಕ್ತಿ ಕಾಡುವುದು.

ಗರ್ಭನಿರೋಧಕ ಮಾತ್ರೆಗಳ ಸೇವನೆ

ಗರ್ಭನಿರೋಧಕ ಮಾತ್ರೆಗಳು ಹಾಲಿನ ಉತ್ಪತ್ತಿ ಮೇಲೆ ಪರಿಣಾಮ ಬೀರಬಹುದು. ಗರ್ಭನಿರೋಧಕಕ್ಕೆ ಇತರ ವಿಧಾನಕ್ಕೆ ನಿಮ್ಮ ವೈದ್ಯರಿಂದ ಸಲಹೆ ಪಡೆಯಿರಿ.

ಆಲ್ಕೋಹಾಲ್

ಆಲ್ಕೋಹಾಲ್ ಸೇವನೆಯಿಂದ ನಿಮ್ಮ ಯಾರೂ ಕೂಡ ತಡೆಯಲು ಸಾಧ್ಯವಿಲ್ಲ. ಆದರೆ ಎದೆಹಾಲುಣಿಸುವ ವೇಳೆ ಆಲ್ಕೋಹಾಲ್ ಸೇವನೆ ಮಾಡಬೇಡಿ.

ಅತಿಯಾಗಿ ಕೆಫಿನ್ ಸೇವನೆ

ಎದೆಹಾಲುಣಿಸುವ ವೇಳೆ ಅತಿಯಾಗಿ ಕೆಫಿನ್ ಸೇವನೆ ಸರಿಯಲ್ಲ. ಕಾಫಿ ಬಿಟ್ಟಿರಲು ನಿಮಗೆ ಸಾಧ್ಯವಿಲ್ಲವೆಂದಾದರೆ ದಿನಕ್ಕೆ ಒಂದು ಕಪ್ ಕಾಫಿ ಮಾತ್ರ ಸೇವಿಸಿ.

ಮೀನು ಸೇವನೆ

ಪಾದರಸ ಅತಿಯಾಗಿರುವಂತಹ ಬಂಗುಡೆ ಮತ್ತು ಇತರ ಕೆಲವೊಂದು ಮೀನುಗಳನ್ನು ಎದೆಹಾಲುಣಿಸುವ ವೇಳೆ ಸೇವಿಸಬಾರದು. ಈ ಸಮಯದಲ್ಲಿ ಎಲ್ಲಾ ರೀತಿಯ ಮೀನುಗಳ ಸೇವನೆ ಕಡೆಗಣಿಸಿದರೆ ಒಳ್ಳೆಯದು.

ಅತಿಯಾದ ಬೆಳ್ಳುಳ್ಳಿ

ಬೆಳ್ಳುಳ್ಳಿಯು ಹಾಲಿನ ರುಚಿಯನ್ನು ಬದಲಾಯಿಸುವುದು ಮತ್ತು ಮಗು ಹಾಲು ಸೇವನೆ ಕಡಿಮೆ ಮಾಡುವಂತೆ ಆಗಬಹುದು. ಇದರಿಂದ ಬೆಳ್ಳುಳ್ಳಿ ಕಡಿಮೆ ಸೇವಿಸಿ.

ಕೆಲವು ಸಪ್ಲಿಮೆಂಟ್‌ಗಳು

ಕೆಲವೊಂದು ಗಿಡಮೂಲಿಕೆಗಳು ಹಾಲಿನ ಉತ್ಪತ್ತಿ ಕಡಿಮೆ ಮಾಡಬಹುದು. ಸ್ಪಿರ್ ಮಿಂಟ್ ಮತ್ತು ಸೇಜ್ ಇದರಲ್ಲಿ ಪ್ರಮುಖವಾದದ್ದು. ನಕ್ಷತ್ರ ಸೋಂಪು ಗಿಡ ಮತ್ತು ಮಾಚಿಪತ್ರೆಯನ್ನು ಕಡೆಗಣಿಸಿ. ವೈದ್ಯರ ಸಲಹೆಯಿಲ್ಲದೆ ಯಾವುದೇ ರೀತಿಯ ಗಿಡಮೂಲಿಕೆಯ ಸೇವನೆ ಮಾಡಲು ಹೋಗಬೇಡಿ.