ಭಾರತದಲ್ಲಿ ಮತ್ತೆ ಹೆಚ್ಚಾಗುತ್ತಿದೆ ಕೊರೊನಾ, ಮಕ್ಕಳನ್ನು ಶಾಲೆಗೆ ಕಳುಹಿಸಬೇಕೆ? ಏಮ್ಸ್ ತಜ್ಞರು ಹೇಳುವುದೇನು?

ಆತಂಕ ಪಡಬೇಡಿ:

ಮಕ್ಕಳ ಬಗ್ಗೆ ಆತಂಕ ಪಡಬೇಡಿ. ಈ ಹಿಂದೆ ಕೂಡ ಕೊರೊನಾ ಮಕ್ಕಳ ಮೇಲೆ ಹೆಚ್ಚು ಪರಿಣಾಮ ಬೀರಿಲ್ಲ. ಮಕ್ಕಳಲ್ಲಿ ಕೊರೊನಾ ಸೋಂಕು ತಗುಲಿದಾಗ ಸಣ್ಣ-ಪುಟ್ಟ ಲಕ್ಷಣಗಳಷ್ಟೇ ಕಂಡು ಬಂದಿತ್ತು. ಆದ್ದರಿಂದ ತುಂಬಾ ಆತಂಕ ಪಡುವ ಅಗ್ಯತವಿಲ್ಲ ಎಂದಿದ್ದಾರೆ.

ಅರ್ಹ ಮಕ್ಕಳಿಗೆ ಲಸಿಕೆ ಹಾಕಿಸಿ

12 ವರ್ಷ ಮೇಲ್ಪಟ್ಟ ಮಕ್ಕಳಿಗೆ ಕೊರೊನಾ ಲಸಿಕೆ ನೀಡಲಾಗುತ್ತಿದೆ, ಆದ್ದರಿಂದ ಅರ್ಹ ಮಕ್ಕಳಿಗೆ ಲಸಿಕೆ ಹಾಕಿಸಿ.

ಈ ಲಕ್ಷಣಗಳು ಕಂಡು ಬಂದರೆ ಪರೀಕ್ಷೆ ಮಾಡಿಸಿ

ಜ್ವರ, ಮೂಗು ಸೋರುವುದು, ಗಂಟಲು ನೋವು, ಮೈಕೈ ನೋವು, ಒಣ ಕೆಮ್ಮು ಈ ರೀತಿಯ ಲಕ್ಷಣಗಳು ಕಂಡು ಬಂದರೆ ಪರೀಕ್ಷೆ ಮಾಡಿಸಿ.

ಶಾಲೆಗೆ ಹೋಗುವ ಮಕ್ಕಳಿಗೆ ಕೊರೊನಾ ಬಗ್ಗೆ ಜಾಗ್ರತೆ ಮೂಡಿಸಿ

ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವುದು, ಮಾಸ್ಕ್ ಧರಿಸುವುದು, ಸ್ಯಾನಿಟೈಸರ್ ಇವುಗಳ ಕುರಿತು ಹೇಳಿಕೊಡಿ. ಅಲ್ಲದೆ ಮನೆಗೆ ಮಕ್ಕಳು ವೈರಸ್‌ ತರದಂತೆ ಎಚ್ಚರ ವಹಿಸಿ.

ತುರ್ತು ಪರಿಸ್ಥಿತಿಯಾಗಿಲ್ಲ

ಮಕ್ಕಳಿಗೆ ಶಾಲೆ ಶುರುವಾಗಿರುವುದರಿಂದ ಈಗ ಪೋಷಕರಿಗೆ ಮಕ್ಕಳ ಬಗ್ಗೆ ಚಿಂತೆ ಶುರುವಾಗಿದೆ. ಕೆಲ ಮಕ್ಕಳಿಗೆ ಕೊರೊನಾ ಬಂದಿದೆ ಎಂದು ವರದಿ ಬಂದ ತಕ್ಷಣ ಆತಂಕ ಪಡಬೇಕಾಗಿಲ್ಲ. ಶಾಲೆಯಲ್ಲಿ ಕೊರೊನಾ ನಿಯಮಗಳನ್ನು ಪಾಲಿಸಿ.