ಮಕ್ಕಳ ಆರೋಗ್ಯಕ್ಕೆ ಕೆಚಪ್‌ ಒಳ್ಳೆಯದಲ್ಲ, ಇಂದೇ ನಿಲ್ಲಿಸಿ!

ಸಕ್ಕರೆ ಅಂಶ

ಕೆಚಪ್ ಆರೋಗ್ಯಕಾರಿಯಾ ಅಥವಾ ಅನಾರೋಗ್ಯಕಾರಿಯಾ ಎನ್ನುವ ಪ್ರಶ್ನೆಗೆ ಮೊದಲು ಕೆಚಪ್ ನಲ್ಲಿ ಶೇ.25ರಷ್ಟು ಸಕ್ಕರೆ ಅಂಶವಿದೆ. ಇದು ತುಂಬಾ ರುಚಿಕರ. ಆದರೆ ಇಷ್ಟು ಪ್ರಮಾಣದ ಸಕ್ಕರೆ ನಿಮ್ಮ ಮಗುವಿಗೆ ಬೇಕಿಲ್ಲ. ನಿಮ್ಮ ಮಗುವಿಗೆ ಇತರ ಮೂಲಗಳಿಂದಲೂ ಸಕ್ಕರೆ ಸಿಗುವುದು. ವಾಣಿಜ್ಯ ಕೆಚಪ್‌ಗಳು ಅತಿಯಾದ ಸಕ್ಕರೆಯಂಶ ಹೊಂದಿರುತ್ತದೆ.

ನಿಮ್ಮ ಮಗು

ಕೆಚಪ್‌ನ ರುಚಿಯಿಂದಾಗಿ ಮಗು ಅದನ್ನು ಇಷ್ಟಪಡುವುದರಿಂದ, ಕ್ರಮೇಣ, ಊಟ ತಿಂಡಿಗಳಿಂದ ದೂರವಿರಲು ಪ್ರಯತ್ನಿಸುತ್ತದೆ, ಅಲ್ಲದೆ ಪ್ರತಿಯೊಂದು ತಿಂಡಿ ತಿನಿಸಿಗೂ ಕೆಚಪ್‌ ಬೇಕೆಂದು ಹಠ ಮಾಡಬಹುದು, ಇದರಿಂದ ಹಲವಾರು ಆರೋಗ್ಯ ಸಮಸ್ಯೆ ಕಾಣಿಸಿಕೊಳ್ಳಬಹುದು.

ಸೋಡಿಯಂ

ಇಂದಿನ ದಿನಗಳಲ್ಲಿ ಕೆಚಪ್‍‌ಗೆ ಅತಿಯಾದ ಸೋಡಿಯಂ ಬಳಸಿಕೊಳ್ಳುವುದು ತುಂಬಾ ಅಪಾಯಕಾರಿ. ಮಕ್ಕಳಿಗೆ ಇತರ ಮೂಲಗಳಿಂದಲೂ ಸೋಡಿಯಂ ಲಭ್ಯವಾಗುವುದು. ಇದರಿಂದ ಕೆಚಪ್ ಕಡಿಮೆ ಮಾಡಿ.

ಅತಿ ಫ್ರಕ್ಟೋಸ್

ಕೆಚಪ್ ನಲ್ಲಿ ಇರುವ ಮತ್ತೊಂದು ಆರೋಗ್ಯ ಅಪಾಯವೆಂದರೆ ಕಾರ್ನ ಸಿರಫ್. ಹೆಚ್ಚಿನ ಕೆಚಪ್ ಗಳಲ್ಲಿ ಫ್ರಕ್ಟೋಸ್ ಮಟ್ಟವು ಅತಿಯಾಗಿರುವ ಕಾರಣದಿಂಧಾಗಿ ಇದು ಮಧುಮೇಹ ಮತ್ತು ಬೊಜ್ಜಿಗೆ ಕಾರಣವಾಗುವ ಅಪಾಯ ಹೆಚ್ಚು. ಬೆಳಿಗ್ಗೆ ಉಪಾಹಾರಕ್ಕೆ ಅತಿಯಾಗಿ ಕೆಚಪ್ ಬಳಸಿದರೆ ಅದರಿಂದ ಮಗು ಇತರ ಕೆಲವೊಂದು ಸಮಸ್ಯೆಗಳಿಗೂ ಸಿಲುಕಬಹುದು.

ಕೆಚಪ್ ಆರೋಗ್ಯಕಾರಿಯೇ?

ಇಲ್ಲ, ಇದು ತುಂಬಾ ಅನಾರೋಗ್ಯಕಾರಿ. ನಿಮ್ಮ ಮಗು ದೊಡ್ಡದಾದ ಬಳಿಕ ಕೆಚಪ್ ಮತ್ತು ಸಾಸ್‌ನ ರುಚಿಯನ್ನು ಸವಿಯುವಂತೆ ಮಾಡಿ. ದೊಡ್ಡವರಾದ ಬಳಿಕ ಆತ ಅಥವಾ ಆಕೆ ಕೆಚಪ್ ಸೇವನೆಯನ್ನು ಎಷ್ಟರ ಮಟ್ಟಿಗೆ ಮಾಡಬಹುದು ಎಂದು ತಿಳಿದುಕೊಳ್ಳಲು ಸಮರ್ಥರಿರುತ್ತಾರೆ.