ಸದ್ಯಕ್ಕೆ ನಮಗೀಗ ಮಕ್ಕಳು ಬೇಡ! ಇದು ಇತ್ತೀಚಿನ ಟ್ರೆಂಡ್!

ಕಾರಣ #1

ತಮ್ಮ ವೃತ್ತಿ ಬದುಕಿಗೆ ಪ್ರಾಮುಖ್ಯತೆಯನ್ನು ನೀಡುವವರು ಮಕ್ಕಳು ಬೇಡ ಎಂಬ ನಿರ್ಧಾರಕ್ಕೆ ಬಂದಿರುತ್ತಾರೆ. ತಮ್ಮ ವೃತ್ತಿ ಬದುಕಿನಲ್ಲಿ ಇನ್ನಷ್ಟು ಮೇಲಕ್ಕೆ ಏರಬೇಕು ಎಂದು ಬಯಸುವವರು ಮಕ್ಕಳು ತಡೆ ಎಂಬುದಾಗಿ ಭಾವಿಸುತ್ತಾರೆ. ಅದಕ್ಕಾಗಿ ಅವರು ಮಕ್ಕಳು ಬೇಡ ಎಂಬ ನಿರ್ಧಾರಕ್ಕೆ ಬಂದಿರುತ್ತಾರೆ.

ಕಾರಣ #2

ಆರ್ಥಿಕ ಕಾರಣಗಳನ್ನು ನೀಡಿ ಮಕ್ಕಳನ್ನು ಹೊಂದಲು ಕೆಲವರು ಇಚ್ಛಿಸುವುದಿಲ್ಲ, ಮಕ್ಕಳನ್ನು ಹೊಂದುವುದರಿಂದ ಖರ್ಚು ವೆಚ್ಚಗಳು ಇನ್ನಷ್ಟು ಅಧಿಕಗೊಳ್ಳಬಹುದು ಎಂಬುದು ಅವರ ಭಾವನೆಯಾಗಿರುತ್ತದೆ.

ಕಾರಣ #3

ಹೆತ್ತವರಿಂದ ಮಕ್ಕಳಿಗೆ ಹರಡುವ ರೋಗಗಳನ್ನು ಅರಿತು ಅದರಿಂದ ಭಯಗೊಂಡು ಕೆಲವರು ಮಕ್ಕಳನ್ನು ಪಡೆದುಕೊಳ್ಳುವಲ್ಲಿ ಆಸಕ್ತಿಯನ್ನು ಹೊಂದಿರುವುದಿಲ್ಲ. ಹೃದಯ ರೋಗಗಳು, ಹೇಮೊಫೀಲಿಯಾ, ಒತ್ತಡ, ಖಿನ್ನತೆ ಮೊದಲಾದವುಗಳಾಗಿವೆ.

ಕಾರಣ #4

ಜಗತ್ತಿನಲ್ಲಿ ಜನಸಂಖ್ಯೆಯನ್ನು ಹತೋಟಿಯಲ್ಲಿಡಲು ಮಕ್ಕಳನ್ನು ಹೊಂದದೇ ಇರುವುದು ಉತ್ತಮ ಎಂಬುದು ಕೆಲವರ ಭಾವನೆಯಾಗಿದೆ. ವಿಶ್ವದ ಉತ್ತಮತೆಗಾಗಿ ಮಕ್ಕಳನ್ನು ಪಡೆದುಕೊಳ್ಳದೇ ಇರುವುದು ಲೇಸು ಎಂಬುದು ಕೆಲವು ಜೋಡಿಗಳ ಒಮ್ಮತದ ನಿರ್ಧಾರವಾಗಿದೆ.

ಕಾರಣ #5

ಗರ್ಭವಸ್ಥೆಯ ದೋಷಗಳಿಂದ ಕೆಲವರು ಭಯಗೊಂಡು ಮಕ್ಕಳನ್ನು ಪಡೆಯುವಲ್ಲಿ ಹಿಂಜರಿಯುತ್ತಾರೆ. ಆರೋಗ್ಯ ಸಮಸ್ಯೆಗಳು, ಹೆರಿಗೆ ಗಾಯಗಳು, ತೂಕ ಏರಿಕೆ, ಹೀಗೆ ಮುಂತಾದ ಕಾರಣಗಳನ್ನು ನೀಡಿ ಅವರುಗಳು ಹಿಂದೇಟು ಹಾಕುತ್ತಾರೆ.

ಕಾರಣ #6

ಕೆಲವು ಮಹಿಳೆಯರಿಗೆ ಮಕ್ಕಳ ಕೆಲಸಗಳನ್ನು ಮಾಡುವುದು ಎಂದರೆ ಹೇಸಿಗೆಯಾಗಿದೆ. ಅವರಿಗೆ ಉಣ್ಣಿಸುವುದು, ಮಲ ಮೂತ್ರಗಳನ್ನು ಸ್ವಚ್ಛಮಾಡುವುದು ಮೊದಲಾದ ಕೆಲಸಗಳನ್ನು ಮಾಡಬೇಕಾಗುತ್ತದೆ ಎಂಬ ಕಾರಣಕ್ಕೆ ಮಕ್ಕಳು ಬೇಡವೆಂಬ ನಿರ್ಧಾರವನ್ನು ಅವರುಗಳು ತಳಿದಿರುತ್ತಾರೆ.

ಕಾರಣ #7

ಕೆಲವರು ತಮ್ಮದೇ ಜೀವನ ಗುರಿಗಳನ್ನು ಹೊಂದಿರುತ್ತಾರೆ ಇದರಲ್ಲಿ ವಿಶ್ವ ಪ್ರಯಾಣ, ಸಾಮಾಜಿಕ ಸೇವೆಗಳಲ್ಲಿ ತಮ್ಮನ್ನು ತೊಡಗಿಸುವುದು, ಮೊದಲಾದ ಗುರಿಗಳನ್ನು ಈಡೇರಿಸಿಕೊಳ್ಳಲು ಮಕ್ಕಳು ತೊಡಕಾಗುತ್ತಾರೆ ಎಂಬುದು ಅವರ ಭಾವನೆಯಾಗಿದೆ.