ಮಕ್ಕಳ ಮನಸ್ಸು ಹೂವಿನಂತೆ, ನೋವು ಮಾಡಬೇಡಿ...

ನನ್ನನ್ನು ನನ್ನಷ್ಟಕ್ಕೆ ಬಿಟ್ಟು ಬಿಡಿ

ಹೆತ್ತವರು ಮಕ್ಕಳೊಂದಿಗೆ ಹೆಚ್ಚು ಕಾಲ ಕಳೆಯುತ್ತಿಲ್ಲ ಎಂದಾದಲ್ಲಿ ಮಕ್ಕಳಲ್ಲಿ ಖಿನ್ನತೆ ಮತ್ತು ಒಬ್ಬಂಟಿ ಭಾವನೆ ತಲೆದೋರುತ್ತದೆ. ಗುಂಪಿನಲ್ಲಿ ಬೆರೆಯದೇ ಇರುವುದು, ಒಬ್ಬಂಟಿಗರಾಗಿ ಕಾಲ ಕಳೆಯುವುದು ಮೊದಲಾದ ಚಟುವಟಿಕೆಗಳನ್ನು ಅವರು ಪ್ರಾರಂಭಿಸುತ್ತಾರೆ.

ನಿನ್ನ ಮೇಲೆಯೇ ನಿನಗೆ ಭರವಸೆ ಇಲ್ಲವೇ....

ನಿಮ್ಮ ಮಕ್ಕಳು ಸಮಸ್ಯೆಗಳಲ್ಲಿ ತೊಳಲಾಡುತ್ತಿದ್ದಾರೆ ಎಂದಾದಲ್ಲಿ ಅದನ್ನು ಪರಿಹರಿಸುವುದರತ್ತ ಗಮನ ಹರಿಸಿ. ಅದರ ಬದಲಿಗೆ ನಿಮ್ಮಲ್ಲಿ ನಮಗೆ ಭರವಸೆ ಮುಂತಾದ ಮಾತುಗಳನ್ನು ಹೇಳುವುದರಿಂದ ಅವರು ಇನ್ನಷ್ಟು ದುರ್ಬಲರಾಗಿ ಬಿಡುತ್ತಾರೆ.

ಅಳುಬುರುಕಿ

ನಿಮ್ಮ ಮಗು ಹೆಚ್ಚು ಅಳುತ್ತಿದೆ ಎಂದಾದಲ್ಲಿ ಅದನ್ನು ಸಮಾಧಾನ ಪಡಿಸಿ. ಇನ್ನಷ್ಟು ಅಳುವಂತೆ ಅದನ್ನು ಮಾಡದಿರಿ. ನಿಮ್ಮ ಸಾಂಗತ್ಯವನ್ನು ಅದು ಬಯಸುತ್ತಿರುತ್ತದೆ ಎಂಬುದನ್ನು ಅರ್ಥಮಾಡಿಕೊಂಡು ಮಗುವಿನೊಂದಿಗೆ ಸಮಯ ಕಳೆಯಿರಿ.

ಇತರ ಮಕ್ಕಳೊಂದಿಗೆ ಹೋಲಿಸುವುದು

ಮಕ್ಕಳನ್ನು ಇತರ ಮಕ್ಕಳೊಂದಿಗೆ ಹೋಲಿಸುವುದನ್ನು ಮೊದಲು ಬಿಡಿ. ನಿಮ್ಮದೇ ಮಗುವನ್ನು ಇತರರೊಂದಿಗೆ ಹೋಲಿಸುವುದು ಅದರಲ್ಲಿ ದ್ವೇಷವನ್ನು ಹುಟ್ಟು ಹಾಕಬಹುದು ಅಂತೆಯೇ ನಿಮ್ಮ ಮೇಲೆ ಮತ್ತು ನೀವು ಹೋಲಿಸುವ ಇತರ ಮಕ್ಕಳ ಮೇಲೆ ಹಗೆಯನ್ನು ಸಾಧಿಸಬಹುದು. ಪ್ರೀತಿಯಿಂದ ಅನುನಯಿಸಿ ಮಕ್ಕಳನ್ನು ನಿಮ್ಮ ದಾರಿಗೆ ತನ್ನಿ.

ಮಕ್ಕಳಿಗೆ ಹೊಡೆಯುವ ಮುನ್ನ ಆಲೋಚಿಸಿ....

ಮಕ್ಕಳನ್ನು ದಂಡಿಸುವುದು ಒಳ್ಳೆಯದಾದರೂ ಎಲ್ಲದಕ್ಕೂ ಇದೇ ಮಾರ್ಗವನ್ನು ಅನುಸರಿಸದಿರಿ. ಇದರಿಂದ ಮಕ್ಕಳು ನಿಮ್ಮೊಂದಿಗೆ ಸ್ನೇಹಪರವಾಗಿ ಇರುವುದರ ಬದಲಿಗೆ ಹೆದರಿ ಹೋಗುತ್ತಾರೆ. ನೀವೆಂದರೆ ಅಡಗಿ ಕುಳಿತುಕೊಳ್ಳುವ ಪ್ರವೃತ್ತಿ ಬೆಳೆದು ಬಿಡಬಹುದು. ಆದ್ದರಿಂದ ಮಕ್ಕಳಿಗೆ ಹೊಡೆಯುವುದನ್ನು ಕಡಿಮೆ ಮಾಡಿ.

ಹುಡುಗ/ಹುಡುಗಿ ಬೇದಭಾವ

ಇಂದಿನ ಸಮಾಜದಲ್ಲಿ ಹೆಣ್ಣು ಗಂಡು ಸಮಾನ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ಹೀಗಿರುವಾಗ ಅವರುಗಳನ್ನು ಎಂದಿಗೂ ಅಸಮಾನರಾಗಿ ಕಾಣಬೇಡಿ. ಮಗು ಹೆಣ್ಣಾಗಲೀ ಗಂಡಾಗಲಿ ಅದರೊಳಗೆ ಒಂದು ಕ್ರಿಯಾತ್ಮಕ ಗುಣವಿದೆ ಎಂಬುದನ್ನು ಮನಗಾಣಿ.

ದಢೂತಿ ಎಂಬುದಾಗಿ ಹೀಯಾಳಿಸುವುದು

ನಿಮ್ಮ ಮಗು ದಪ್ಪನಾಗಿದ್ದರೆ ಅದನ್ನು ಹಿಯಾಳಿಸದಿರಿ. ಇದರಿಂದ ಮಗು ಮಾನಸಿಕವಾಗಿ ಬಳಲುವ ಸಾಧ್ಯತೆ ಇರುತ್ತದೆ. ಮಗು ಅತಿಯಾಗಿ ತಿನ್ನುತ್ತಿದೆ ಎಂದಾದಲ್ಲಿ, ಅವರಲ್ಲಿ ದೈಹಿಕ ಸಮಸ್ಯೆ ಏನಾದರೂ ಇದೆಯೇ ಎಂಬುದನ್ನು ಹುಡುಕಿ. ವೈದರಲ್ಲಿಗೆ ಕರೆದುಕೊಂಡು ಹೋಗಿ ಪರಿಶೀಲನೆಯನ್ನು ನಡೆಸಿ.