ಹಲ್ಲು ಹುಟ್ಟುವ ವೇಳೆ ಮಗು ವಿಪರೀತ ಅಳುತ್ತಿದೆಯೇ?

Updated: Saturday, May 16, 2015, 10:18 [IST]

ಶಿಶುಗಳಿಗೆ ತಮ್ಮ ಮೊದಲನೇ ಹಲ್ಲು ಹುಟ್ಟುವುದು ಒಂದು ಸ್ವಾಭಾವಿಕ ಪ್ರಕ್ರಿಯೆ. ಆ ಹಲ್ಲುಗಳಿಗೆ ಪ್ರಾಥಮಿಕ ಹಲ್ಲುಗಳು ಎಂದೂ ಕರೆಯುತ್ತಾರೆ. ಶಿಶುಗಳಿಗೆ ಸಾಮಾನ್ಯವಾಗಿ ಸರಾಸರಿ 3 - 7 ತಿಂಗಳಾದಾಗ ಮೊದಲನೇ ಜೊತೆ ಹಲ್ಲುಗಳು ಮೇಲಿನ ದವಡೆಯಲ್ಲಿ ಹುಟ್ಟುತ್ತವೆ ನಂತರ ಕೆಳಗಿನ ದವಡೆಯ ಮಧ್ಯದಲ್ಲಿ ಎರಡು ಹಲ್ಲುಗಳು ಕ್ರಮೇಣ ಕಾಣಿಸಿಕೊಳ್ಳುತ್ತವೆ.

ಈ ಸಂಪೂರ್ಣ ಹಲ್ಲು ಬರುವ ಪ್ರಕ್ರಿಯೆಯಲ್ಲಿ ದವಡೆಯ ಚರ್ಮವನ್ನು ಬಿಡಿಸಿಕೊಂಡು ಮೊದಲ ಹಲ್ಲುಗಳು ಹುಟ್ಟುವಾಗ ಶಿಶುಗಳಿಗೆ ವಿಪರೀತ ಯಾತನಾಪೂರಿತವಾಗಿರುತ್ತದೆ. ಬಹಳಷ್ಟು ಶಿಶುಗಳು ಈ ಹಂತದಲ್ಲಿ ತೀವ್ರ ಯಾತನೆ ಮತ್ತು ಮುಜುಗರದಿಂದ ಕಿರಿಕಿರಿಮಾಡಿ ಅತ್ಯಂತ ತಿಕ್ಕಲು ಸ್ವಭಾವದಿಂದ ಇರುತ್ತಾರೆ. ಮಗುವಿನ ಪದ ಉಚ್ಛಾರವನ್ನು ಉತ್ತಮಗೊಳಿಸಲು ಸಲಹೆಗಳು

ಈ ಹಂತದಲ್ಲಿ ನೋವಿನೊಡನೆ ಇತರ ಭೌತಿಕ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ, ಉದಾಹರಣೆಗೆ ಭೇದಿ, ಜ್ವರ, ಇತ್ಯಾದಿ. ಹಾಗಾದಾಗ ಮಿತಿಮೀರಿದ ಔಷಧಿಗಳನ್ನು ಕೊಡುವುದರ ಬದಲು ಮನೆ ಮದ್ದುಗಳನ್ನು ಬಳಸುವುದು ಅತಿ ಮುಖ್ಯ. ಹೀಗೆ ಶಿಶುಗಳಿಗ ಹಲ್ಲು ಹುಟ್ಟುವ ಸಮಯದಲ್ಲಿ ಮನೆಯಲ್ಲೇ ಮಾಡಬಹುದಾದ ಅತ್ಯಂತ ಪ್ರಮುಖ ಮತ್ತು ಪರಿಣಾಮಕಾರಿ ಮಾರ್ಗಗಳ ಬಗ್ಗೆ ಮುಂದೆ ಓದಿ:

ಜೇನುತುಪ್ಪ

ವಸಡುಗಳನ್ನು ಜೇನುತುಪ್ಪದಿಂದ ಮೆಲ್ಲಗೆ ಸೂಕ್ಷ್ಮವಾಗಿ ಮಸಾಜ್ ಮಾಡಿ ನೋವು ನಿವಾರಿಸಬಹುದಾಗಿದೆ. ಅಲ್ಲದೆ ಜೇನುತುಪ್ಪ ದಲ್ಲಿ ವಿರೋಧಿ ಜೈವಿಕ (ಆಂಟಿ ಬೈಯೋಟಿಕ್) ಗುಣಗಳು ಇರುವುದರಿಂದ ಹಲ್ಲುಗಳು ಬರುವ ಸಮಯದಲ್ಲಿ ಸೋಂಕು ಬರುವುದನ್ನು ತಡೆಯುತ್ತದೆ.

ತಂಪಾದ ಆಹಾರ

ತಂಪಾದ ಆಹಾರಗಳನ್ನು ನೀಡುವುದು ಕೂಡ ನಿಮ್ಮ ಪುಟ್ಟ ಮಗಿವಿನ ಹಲ್ಲು ಹುಟ್ಟುವಿಕೆಯ ನೋವನ್ನು ದೂರಮಾಡಬಹುದು. ಈಗಾಗಲೇ ಘನ/ಗಟ್ಟಿ ಆಹಾರವನ್ನು ಸೇವಿಸಲು ಆರಂಭಿಸದ ಮಗುವಿಗಂತೂ ತಂಪಾದ ಆಹಾರವನ್ನು ನೀಡಿದರೆ ಅವರಿಗೆ ಸಾಕಷ್ಟು ಆರಾಮದಾಯಕವೆನಿಸುತ್ತದೆ. ಆದರೆ ನಿಮ್ಮ ಮಗುವಿನ ವಸಡುಗಳಿಗೆ ನೋವನ್ನು ಹೆಚ್ಚುಮಾಡುವಂತಹ ಅತ್ಯಂತ ಶೀತವಾದ, ಫ್ರೀಜರ್ ನಲ್ಲಿಟ್ಟ ಆಹಾರವನ್ನು ಮಾತ್ರ ನೀಡದಿರಿ!

ತಂಪು ಪಟ್ಟಿಗಳು

ಶಿಶುಗಳಿಗೆ ಹಲ್ಲು ಹುಟ್ಟುವ ಸಮಯದಲ್ಲಿ ತಣ್ಣಗಿರುವ ಪಟ್ಟಿಗಳು ಅತ್ಯಂತ ಶ್ರೇಷ್ಠ ಮಾರ್ಗ ಮತ್ತು ಅದರಿಂದ ವಸಡುಗಳು ಮರಗಟ್ಟಿ ಯಾತನೆಯನ್ನು ನಿವಾರಿಸಲು ಸಹಾಯವಾಗುತ್ತದೆ. ಶಿಶುಗಳು ತಣ್ಣಗಿರುವ ಪಟ್ಟಿಗಳನ್ನು ಸಹಿಸದಿದ್ದರೆ, ಐಸ್ ಕ್ಯಾಂಡಿ ಅಥವಾ ಐಸ್ ಕ್ರೀಮ್ ತಿನ್ನಿಸಿದರೆ ವಸಡು ಮರಗಟ್ಟಿ ನೋವು ಕಮ್ಮಿಯಾಗುತ್ತದೆ.