ಒಳ್ಳೇ ಅಪ್ಪ-ಅಮ್ಮ ಆಗಲು ಕೆಲವು ಟಿಪ್ಸ್

ಮಕ್ಕಳೊಂದಿಗೆ ಮುಕ್ತವಾಗಿ ಬೆರೆಯಿರಿ

ನಿಮ್ಮನ್ನು ನೀವು ಮಕ್ಕಳೊಂದಿಗೆ ಹೆಚ್ಚು ತೆರೆದುಕೊಂಡಷ್ಟು ನಿಮ್ಮ ಮತ್ತು ಮಕ್ಕಳ ನಡುವಿನ ಬಾಂಧವ್ಯ ಗಟ್ಟಿಯಾಗುತ್ತದೆ.

ಮುಕ್ತವಾಗಿ ಮಾತನಾಡಿ

ಮಕ್ಕಳೊಂದಿಗೆ ಹೆಚ್ಚೆಚ್ಚು ಮಾತಾಡಿ. ಇದರಿಂದ ಮಕ್ಕಳಿಗೆ ನೀವು ಆಪ್ತರಾಗುವಿರಿ.

ಮಗುವನ್ನು ಅರ್ಥಮಾಡಿಕೊಳ್ಳಿ

ಒಳ್ಳೆಯ ಪೋಷಕರಾಗಬೇಕೆಂದರೆ ನೀವು ಮೊದಲು ನಿಮ್ಮ ಮಗುವನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಬೇಕು. ಮತ್ತು ನೀವು ಅವರನ್ನು ಅರ್ಥಮಾಡಿಕೊಂಡಿದ್ದೀರಿ ಎಂದು ನಿಮ್ಮ ಮಗ/ಮಗಳಿಗೆ ಅನ್ನಿಸಬೇಕು.

ಅವರ ಜಾಗದಲ್ಲಿ ನಿಮ್ಮನ್ನು ನೀವು ಕಲ್ಪಿಸಿಕೊಳ್ಳಿ

ನಿಮ್ಮನ್ನು ನೀವು ಅವರ ಜಾಗದಲ್ಲಿಟ್ಟು ನೋಡಿಕೊಳ್ಳಲು ಸಾಧ್ಯವಾದರೆ ಆಗ ಅವರ ಸಮಸ್ಯೆಗಳು ನಿಮಗೆ ಅರ್ಥವಾಗುತ್ತದೆ. ಅವರಂತೆ ಯೋಚಿಸುವುದು ನಿಮಗೆ ಸಾಧ್ಯವಾದರೆ ನೀವು ಉತ್ತಮ ಪೋಷಕರಾಗುತ್ತೀರಿ.

ಒಂದು ಮೆಟ್ಟಿಲು ಕೆಳಗಿಳಿದು ನೋಡಿ

ನಿಮ್ಮ ಯೋಚನೆಗಳನ್ನು ಅವರ ಮಟ್ಟಕ್ಕೆ ಇಳಿಸಿಕೊಳ್ಳಲು ನಿಮಗೆ ಸಾಧ್ಯವಾಗಬೇಕು. ಆದ್ದರಿಂದ ಅವರೊಂದಿಗೆ ಅವರ ರೀತಿಯಲ್ಲೇ ಮಾತನಾಡಿ. ಇದು ನಿಮ್ಮ ಮಗುವಿಗೆ ನೀವು ಉತ್ತಮ ಪೋಷಕರಾಗಲು ನೆರವು ನೀಡುತ್ತದೆ.

ಮಕ್ಕಳ ಮುಂದೆ ಅಹಂ ಪ್ರದರ್ಶನ ಸಲ್ಲ

ನಿಮ್ಮ ಮತ್ತು ನಿಮ್ಮ ಸಂಗಾತಿಯ ನಡುವೆ ಯಾವುದೇ ಭಿನ್ನಾಭಿಪ್ರಾಯ ಅಥವ ಜಗಳವಿದ್ದರೂ ಎಂದೂ ಅದನ್ನು ಮಕ್ಕಳ ಮುಂದೆ ಪ್ರದರ್ಶಿಸಬೇಡಿ. ನಿಮ್ಮ ಅಹಂ ಪ್ರೇರಿತ ನಡವಳಿಕೆ ಅವರನ್ನು ಪ್ರಭಾವಿಸುತ್ತದೆ ನೆನಪಿಡಿ.

ಪ್ರೀತಿಯ ಮಳೆಗೆರೆಯಿರಿ

ಮಕ್ಕಳನ್ನು ಪ್ರೀತಿಯಿಂದ ಬೆಳೆಸಿ. ಇದು ಪ್ರತಿ ಅಪ್ಪ ಅಮ್ಮ ಸಹಜವಾಗಿ ತಮ್ಮ ಮಗುವಿನೊಂದಿಗೆ ಹೊಂದಿರುವ ಅನುಬಂಧ.

ಒಟ್ಟಿಗೆ ಕಾಲ ಕಳೆಯಿರಿ

ನಿಮಗೆ ಕೆಲಸದೊತ್ತಡವಿರಬಹುದು. ಆದರೆ ಯಾವಾಗಲೂ ನಿಮ್ಮ ಮಗುವಿಗಾಗಿ ಸಮಯ ಮೀಸಲಿಡಿ. ಮಕ್ಕಳೊಂದಿಗೆ ನೀವು ಕಳೆಯುವ ಸಮಯ ನಿಮ್ಮ ಮತ್ತು ಅವರ ನಡುವಿನ ಅನುಬಂಧವನ್ನು ಹೆಚ್ಚಿಸುತ್ತದೆ.

ಯಾವಾಗಲೂ ಗದರಬೇಡಿ

ಒಂದು ವೇಳೆ ನಿಮ್ಮ ಮಗು ಏನಾದರೂ ತಪ್ಪು ಮಾಡಿದರೆ ಅವರನ್ನು ಬೈಯ್ದು ಶಿಕ್ಷಿಸುವ ಬದಲು ಅವರ ತಪ್ಪನ್ನು ಅವರಿಗೆ ಮನದಟ್ಟು ಮಾಡಿಕೊಡಿ.

ಮಕ್ಕಳ ಪಾಲಿಗೆ ರಾಕ್ಷಸರಾಗಬೇಡಿ

ಮಕ್ಕಳನ್ನು ಬ್ಲಾಕ್ ಮೇಲ್ ಮೂಲಕ ಹೆದರಿಸ ಬೇಡಿ. ಮಕ್ಕಳನ್ನು ಪ್ರೀತಿಯಿಂದ ತಿದ್ದಿ.

ಅವರ ಕಣ್ಣಿರು ಒರೆಸಲು ಸದಾ ಜೊತೆಯಿರಿ

ಅವರು ಅತ್ತಾಗ ಕಣ್ಣೀರು ಒರೆಸುವ ಕೈ ಯಾವಾಗಲೂ ನಿಮ್ಮದೇ ಆಗಿರಲಿ. ಇದು ಮಕ್ಕಳಿಗೆ ನೀವು ಅವರನ್ನು ಎಷ್ಟು ಪ್ರೀತಿಸುತ್ತೀರಿ, ಕಾಳಜಿ ವಹಿಸುತ್ತೀರಿ ಮತ್ತು ಜೊತೆ ನಿಲ್ಲುತ್ತೀರಿ ಎಂದು ತೋರಿಸುತ್ತದೆ.

ಮಾದರಿಯಾಗಿರಿ

ನಿಮ್ಮ ಮಗುವಿಗೆ ನೀವೇ ಮೊದಲ ಮತ್ತು ಸದಾಕಾಲ ಅನುಸರಿಸಬೇಕಾದ ಮಾದರಿ ವ್ಯಕ್ತಿಗಳಾಗಿರಿ. ನೀವು ಮಾದರಿಯಾಗುವ ಮೂಲಕ ಮಕ್ಕಳಿಗೆ ಸಮಾಜವನ್ನು ಹೇಗೆ ಧೈರ್ಯ ಮತ್ತು ಬುದ್ದಿವಂತಿಕೆಯಿಂದ ಎದುರಿಸಬೇಕೆಂಬುದನ್ನು ತೋರಿಸುತ್ತೀರಿ.

ಹೋಲಿಕೆ ಮಾಡಬೇಡಿ

ಪ್ರತಿ ಮಗುವೂ ಅನನ್ಯವೇ ಎಂದೂ ಅದನ್ನು ಮತ್ತೊಂದು ಮಗುವಿನೊಂದಿಗೆ ಹೋಲಿಸಬೇಡಿ. ಮೊದಲು ತಂದೆ ತಾಯಿಗಳು ಹೋಲಿಸುವ ಅಭ್ಯಾಸವನ್ನು ಬಿಡಬೇಕು. ಇದು ನಿಮ್ಮ ಮಗುವಿನ ಆತ್ಮವಿಶ್ವಾಸದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ. ಇದರಿಂದ ಅವರ ಬೆಳವಣಿಗೆಯ ಮೇಲೆ ಕೆಟ್ಟ ಪರಿಣಾಮವುಂಟಾಗುತ್ತದೆ.

ಪ್ರೋತ್ಸಾಹ ನೀಡಿ

ಮಕ್ಕಳನ್ನು ಸದಾಕಾಲ ಪ್ರೋತ್ಸಾಹಿಸಿ. ಇದರಿಂದ ಅವರಿಗೆ ತಮ್ಮ ಭವಿಷ್ಯವನ್ನು ಉತ್ತಮವಾಗಿ ರೂಪಿಸಿಕೊಳ್ಳಲು ಸಹಾಯವಾಗುತ್ತದೆ.

ಮಲಗುವಾಗ ಜೊತೆಯಿರಿ

ನಿಮ್ಮ ಮಲಗುವ ಸಮಯದಲ್ಲಿ ಯಾವಾಗಲೂ ಜೊತೆಯಿರಿ. ಮಗುವನ್ನು ತಟ್ಟುತ್ತಾ ಕತೆ ಹೇಳುವುದು ಅಥವ ಲಾಲಿ ಹಾಡುವುದು ನಿಮ್ಮ ಮತ್ತು ಮಗುವಿನ ಬಾಂಧ್ಯವನ್ನು ಸುಮಧುರವಾಗಿಸುತ್ತದೆ.