ಬೆಂಗಳೂರನ್ನು ಬೆಚ್ಚಿ ಬೀಳಿಸಿದ ಸೂಪರ್ ಸಾನಿಕ್ ಬೂಮ್ , ಏನಿದು?

ಸೂಪರ್ ಸಾನಿಕ್ ವಿಮಾನದ ಬಗ್ಗೆ ಮಾಹಿತಿ ನೀಡಿದ ವಿಜ್ಞಾನಿ

ಸೂಪರ್ ಸಾನಿಕ್ ವಿಮಾನ ಸಾಮಾನ್ಯವಾಗಿ ಅತೀ ಎತ್ತರದಲ್ಲಿ ಹಾರಾಟ ನಡೆಸುತ್ತದೆ, ಅದು ಇಂದು ಕೆಳಭಾಗದಲ್ಲಿ ಹಾರಾಟ ನಡೆಸಿರಬಹುದು, ಹಾಗಾಗಿ ನಿಮಗೆ ಶಬ್ದ ಕೇಳಿರುತ್ತದೆ. ಜನರು ಆಕಾಶದಲ್ಲಿ ನೋಡಿದಾಗ ಏನು ಕಾಣಲಿಲ್ಲ ಎಂದು ಹೇಳಿದಾಗ ಅದು ಗಾಳಿಯ ವೇಗಕ್ಕಿಂತ ಅಧಿಕ ವೇಗದಲ್ಲಿ ಚಲಿಸುವುದರಿಂದ ಕಣ್ಣಿಗೆ ಕಾಣಿಸುವುದಿಲ್ಲ ಎಂಬ ಮಾಹಿತಿ ನೀಡಿದ್ದಾರೆ.

ವಿಮಾನ ಹೇಗೆ ಹಾರಾಡುತ್ತದೆ?

ವಿಮಾನವು ಹಾರುತ್ತಿರುವಾಗ ಅದು ನಾಲ್ಕು ಬಲಗಳಿಂದ ಕೆಲಸ ಮಾಡುತ್ತದೆ-ಮೇಲೆ ಮತ್ತು ಕೆಳಗೆ ಹಿಂದೆ ಮತ್ತು ಮುಂದೆ-ಎಲ್ಲವೂ ಏಕ ಕಾಲದಲ್ಲಿ ನಡೆಯುತ್ತದೆ. ವಿಮಾನದ ತೂಕವು ನೇರವಾಗಿ ಕೆಳಕ್ಕೆ ಎಳೆಯುವಾಗ ಮೇಲಕ್ಕೆ ಎತ್ತುವ ಬಲವು ಅದನ್ನು ಸರಿದೂಗಿಸುತ್ತದೆ. ಎತ್ತುವಿಕೆಯು ರೆಕ್ಕೆಗಳಿಂದ ಮಾಡಲ್ಪಟ್ಟ ಅವು ಗಾಳಿಯ ಮುಖಾಂತರ ನುಗ್ಗುತ್ತದೆ. ಪ್ರೊಪೆಲ್ಲರುಗಳಿಂದ ಉಂಟಾಗುವ ನೂಕುವಿಕೆಯು ಆಕಾಶದಲ್ಲಿ ವಿಮಾನವನ್ನು ಮುಂದಕ್ಕೆ ತಳ್ಳುತ್ತದೆ.

ಸೂಪರ್‌ ಸಾನಿಕ್ ವಿಮಾನದ ವೈಶಿಷ್ಠ್ಯವೇನು?

ನುಗ್ಗುವಿಕೆಗೆ ವಿರುದ್ದವಾಗಿ ಎಳೆಯುವಿಕೆ ಎಂಬ ಹಿಂಭಾಗದ ಬಲವು ಕೆಲಸ ಮಾಡುತ್ತದೆ. ಈ ಬಲವು ವಿಮಾನದ ಮುನ್ನುಗ್ಗುವ ಬಲವನ್ನು ಎದುರಿಸುತ್ತದೆ.ಎಳೆಯುವಿಕೆಯನ್ನುವಿಮಾನದ ಶರೀರದ ಆಕಾರದ ಮೇಲೆ ಸರಿಪಡಿಸುತ್ತದೆ .ವಿಮಾನದ ಹಾರಾಟದ ಸಮಯದಲ್ಲಿಈ ಬಲಗಳು ಒಂದು ಸಮತೋಲನವನ್ನು ಕಾಪಾಡುವುದರಿಂದ ವಿಮಾನವು ಗಾಳಿಯಲ್ಲಿ ಹಾರುತ್ತದೆ. ಆದರೆ ಸೂಪರ್ ಸಾನಿಕ್ ವಿಮಾನದ ವೇಗ ಇತರ ವಿಮಾನಗಳಿಗಿಂತ ತುಂಬಾ ಅಧಿಕವಾಗಿರುತ್ತದೆ. ವಿಮಾನ ಚಲಿಸುವಾಗ ಗಾಳಿಯ ಸುಳಿಗಳು ವಿಮಾನದ ಮುಂದೆ ಹಾಗೂ ಹಿಂದೆ ಉಂಟಾಗುತ್ತದೆ, ಹಿಂಭಾಗದ ಗಾಳಿಯ ಸುಳಿ ಮುಂದೆ ಬಂದಾಗ ವಿಮಾನ ಸೀಳಿಕೊಂಡು ಹೋಗುವ ತುಂಬಾ ಶಬ್ದ ಉಂಟಾಗುವುದು.

ಸೂಪರ್ ಸಾನಿಕ್ ವಿಮಾನದ ಗರ್ಜನೆ

ಧ್ವನಿಯ ವೇಗದ ಸಮೀಪ ಅಥವಾ ಮೇಲೆ ಹಾರುತ್ತಿರುವ ವಿಮಾನವು ತಲ್ಲಣದ ತರಂಗಗಳನ್ನು ಉಂಟುಮಾಡುತ್ತದೆ. ತಲ್ಲಣ ತರಂಗಗಳು ಒತ್ತಡದ ತರಂಗಗಳಾಗಿದ್ದು ಚಲಿಸುತ್ತಿರುವ ವಿಮಾನದಿಂದ ಹೊರಗೆ ಚಲಿಸುತ್ತವೆ. ಈ ತರಂಗಗಳು ಭೂಮಿಯನ್ನು ತಲುಪಿದಾಗ ಕೆಲವು ಸಲ ಅವು ಗಟ್ಟಿಯಾದ ಸಿಡಿತಗಳು ಅಥವಾ ಸೋನಿಕ್ ಗರ್ಜನೆಗಳಾಗಿ ಕೇಳುತ್ತವೆ.

ಇಂದು ಬೆಂಗಳೂರಿನಲ್ಲಿ ಕೇಳಿ ಬಂದಿದ್ದು ಕೂಡ ಅಂಥದ್ದೇ ಶಬ್ದವಾಗಿದೆ.