Sun Halo : ಬೆಂಗಳೂರಿನಲ್ಲಿ ಕಂಡ ಹಲೋ ಸನ್: ಈ ಅಪರೂಪದ ದೃಶ್ಯ ಮಳೆಯ ಮುನ್ಸೂಚನೆಯೇ?

ಹಲೋ ಸನ್ ಎಂದರೇನು?

ವೃತ್ತಾಕಾರವಾದ ಆಕಾರದ ಮಧ್ಯದಿಂದ ಸೂರ್ಯನ ಬೆಳಕು ಹಾದು ಬರುವುದನ್ನು ಹಾಲೋ ಸನ್‌ ಎನ್ನುತ್ತಾರೆ. ಇಂದು ಬೆಂಗಳೂರಿನಲ್ಲಿ ಹಲೋ ಸನ್‌ ಕಂಡು ಬಂದಿದೆ. ಬೆಂಗಳೂರಿನ ತಿಳಿ ಆಗಸದಲ್ಲಿ ಸೂರ್ಯನ ಸುತ್ತ ಬೆಳಗ್ಗೆ 11ರ ಸುಮಾರಿಗೆ ಸಂಪೂರ್ಣ ಕಾಮನಬಿಲ್ಲು ಗೋಚರಿಸಿತು. ಸೌರ ಪ್ರಭೆ (Sun Halo) ಎಂದು ಗುರುತಿಸಲಾದ ಇದು ನಮ್ಮ ವಾತಾವರಣದಲ್ಲಿ 20,000 ಅಡಿಗಳ ಮೇಲಿರುವ ಉಂಗುರಾಕಾರದ ಸೀರಿಸ್ ಮೋಡಗಳೊಳಗೆ ಇರುವ ಮಂಜುಗಡ್ಡೆಯ ಹರಳುಗಳು ಸೂರ್ಯನ ಬೆಳಕಿನ ಕಿರಣಗಳನ್ನು ಪ್ರತಿಫಲಿಸುವುದರಿಂದ ಆಗುವ ವಿದ್ಯಮಾನವಾಗಿದೆ.

ಇದೇ ಸಿರಸ್ ಮೋಡಗಳು ಚಂದ್ರನ ಸುತ್ತಲೂ ಇದೇ ರೀತಿ ವೃತ್ತಾಕಾರದಲ್ಲಿರುವುದನ್ನು ಕೆಲವೊಮ್ಮೆ ರಾತ್ರಿಯಲ್ಲಿ ಕಾಣಬಹುದು.

ಹಲೋ ಸನ್‌ ಕಂಡು ಬಂದರೆ ಮಳೆ ಬರುವ ಮುನ್ಸೂಚನೆಯೇ?

ಹವಾಮಾನ ತಜ್ಞರ ಪ್ರಕಾರ ಸೂರ್ಯನ ಸುತ್ತ ಈ ರೀತಿ ವೃತ್ತಾಕಾರ ಕಂಡು ಬಂದರೆ ಮಳೆ ಬರುವುದು ಎಂದರ್ಥ. ಎಲ್ಲಾ ಸಂದರ್ಭದಲ್ಲಿ ಅಲ್ಲದಿದ್ದರೂ ಬಹುತೇಕ ಸಂದರ್ಭದಲ್ಲಿ ಈ ರೀತಿ ಕಂಡು ಬಂದ ನಂತರ ಮಳೆ ಕಂಡು ಬಂದಿದೆ.

ಹಲೋ ಸನ್‌ ಸುಂದರ ದೃಶ್ಯ

ಹಲೋ ಸನ್‌ ಕಂಡು ಬಂದಾಗ ಆ ದೃಶ್ಯ ತುಂಬಾ ಮನಮೋಹಕವಾಗಿರುತ್ತದೆ. ಇಂದು ಅಂತ ಸುಂದರ ದೃಶ್ಯ ಬೆಂಗಳೂರಿನ ಜನರ ಕಣ್ಣಿಗೆ ತಂಪೆರೆದಿದೆ.