ವೈರಲ್ ಆಯ್ತು ಮುಖದಲ್ಲಿ ಬಾಲವಿರುವ ನಾಯಿಮರಿ

Trends N Style

oi-Reena TK

By Reena Tk

Published: Saturday, November 16, 2019, 15:08 [IST]

ಮುದ್ದಾದ ನಾಯಿಗಳ ಆಟ ನೋಡುವುದೇ ಚೆಂದ. ಮನೆಯಲ್ಲಿ ಒಂದು ನಾಯಿ ಸಾಕಿದರೆ ಕೆಲವೇ ದಿನಗಳಲ್ಲಿ ಮನೆ ಸದಸ್ಯರಲ್ಲಿ ಅದೂ ಕೂಡ ಒಂದು ಎಂಬ ಭಾವನೆ ಮೂಡಿಸುವಷ್ಟು ಮಟ್ಟಿಗೆ ನಮ್ಮೊಂದಿಗೆ ಬೆರೆತು ಬಿಡುತ್ತದೆ. ಕೆಲವು ನಾಯಿಗಳು ನಿಜವಾಗಿಯೂ ಅದೃಷ್ಟದ ನಾಯಿಗಳಾಗಿರುತ್ತವೆ. ಅವುಗಳಿಗೆ ಹೊತ್ತಿಗೆ ಸರಿಯಾಗಿ ರುಚಿ-ರುಚಿಯಾದ ಆಹಾರ, ಆರೈಕೆ ಎಲ್ಲವೂ ಸಿಗುತ್ತದೆ. ತಮ್ಮ ಮುದ್ದಿನ ನಾಯಿಯನ್ನು ಚಿಕ್ಕ ಮಗುವಿನ ಹಾಗೆ ನೋಡಿಕೊಳ್ಳುವ ಶ್ವಾನ ಪ್ರಿಯರನ್ನು ನೋಡುತ್ತೇವೆ.

ಇನ್ನು ಕೆಲವು ನಾಯಿಗಳು ಪಾಪ, ಅವುಗಳು ಬೀದಿಯಲ್ಲಿ ಬೆಳೆಯುತ್ತವೆ, ಬೀದಿ ನಾಯಿಗಳು ಎಂದ ಹೇಳಬೇಕೆ? ಎಲ್ಲರ ನಿರ್ಲಕ್ಷ್ಯಕ್ಕೆ ಒಳಗಾಗುತ್ತಾವೆ. ಯಾರೂ ನೋಡಿಕೊಳ್ಳುವವರು ಇಲ್ಲದೆ ಅನಾಥವಾಗಿದ್ದ ನಾಯಿ ಮರಿಯೊಂದು ಸಾಮಾಜಿಕ ತಾಣದಲ್ಲಿ ವೈರಲ್‌ ಆಗುತ್ತಿದೆ. ಇಷ್ಟಕ್ಕೂ ಈ ನಾಯಿ ಮರಿಯ ವಿಶೇಷ ಏನಪ್ಪಾಅಂದರೆ ಅದರ ಮುದ್ದಾದ ಮುಖದ ಮೇಲೆ ಮುಟ್ಟದೊಂದು ಬಾಲವಿದೆ. ಈ ಬಾಲವಿರುವ ನಾಯಿ ಇದೀಗ ಎಲ್ಲರ ಗಮನ ಸೆಳೆಯುತ್ತದೆ.

ಮಿಸೌರಿಯ ಕನ್ಸಾಸ್‌ ಸಿಟಿಯಲ್ಲಿ ಒಂದು ದೊಡ್ಡ ನಾಯಿಮರಿ ಹಾಗೂ ಈ ಚಿಕ್ಕ ನಾಯಿ ಬೀದಿ ಪಾಲಾಗಿದ್ದನ್ಉ ನೋಡಿದ ಯಾರೋ ಒಬ್ಬರು ಈ ನಾಯಿಗಳನ್ನು ದತ್ತು ತೆಗೆದುಕೊಳ್ಳಲು ಯಾರಾದರೂ ಸಿದ್ಧವಿದ್ದಾರೆಯೇ? ಎಂದು ಸಾಮಾಜಿಕ ತಾಣದಲ್ಲಿ ಹಾಕುತ್ತಾರೆ. ಈ ಪೋಸ್ಟ್ ನೋಡಿ ಸ್ಟೀಫನ್‌ ಎಂಬವರು ಆ ಎರಡೂ ನಾಯಿಯನ್ನು ದತ್ತು ಸ್ವೀಕರಿಸಿದ್ದಾರೆ.

ಸ್ಟೀಫನ್‌ ಆ ನಾಯಿ ಮರಿಯ ವೀಡಿಯೋ ಸಾಮಾಜಿಕ ತಾಣದಲ್ಲಿ ಹಾಕುತ್ತಿದ್ದಂತೆ ತಲೆಯಲ್ಲಿ ಪುಟ್ಟ ಬಾಲವಿರುವ ಆ ನಾಯಿಮರಿ ವೈರಲ್ ಆಗಿದೆ. ಆ ನಾಯಿಮರಿಗೆ ನರ್ವಾಲ್‌ ಎಂದು ಹೆಸರಿಡಲಾಗಿದೆ.