ವೃಶ್ಚಿಕ, ಮಕರ, ಕುಂಭ, ಮೀನ ರಾಶಿಯವರಿಗೆ ಶನಿ ಸಾಡೇಸಾತಿ: ಶನಿಯ ಕೆಟ್ಟ ಪ್ರಭಾವ ತಗ್ಗಿಸಲು ಈ ಪರಿಹಾರ ಮಾಡಿ

ವೃಶ್ಚಿಕ ರಾಶಿ

ವೃಶ್ಚಿಕ ರಾಶಿಯವರಿಗೆ ಏಪ್ರಿಲ್‌ನಿಂದ ಜುಲೈವರೆಗಿನ ಸಮಯವು ಉತ್ತಮವಾಗಿರುತ್ತದೆ.ಜುಲೈ ನಂತರ, ಮತ್ತೊಮ್ಮೆ ಶನಿಯು ಸಾಡೇ ಸತಿಯ ಕೊನೆಯ ಹಂತಕ್ಕೆ ಬರುತ್ತಾನೆ. ಈ ಸಮಯದಲ್ಲಿ ನೀವು ವಿವಾದಗಳಿಂದ ದೂರವಿರಲು ಪ್ರಯತ್ನಿಸಬೇಕು.

ಮಕರ ರಾಶಿ

ಮಕರ ರಾಶಿಯವರ ಮೇಲೆ ಶನಿ ಸಾಡೇಸಾತಿ ಪ್ರಭಾವ ತುಂಬಾನೇ ಇರುತ್ತದೆ. ಇದರ ಪ್ರಭಾವದಿಂದಾಗಿ ಮಾಡಿದ ಕೆಲಸವೂ ಹಾಳಾಗುತ್ತದೆ. ಈ ಸಮಯದಲ್ಲಿ ನೀವು ಹೆಚ್ಚು ಕಠಿಣ ಕೆಲಸ ಮಾಡಬೇಕಾಗುತ್ತದೆ.

ಕುಂಭ ರಾಶಿ

ಈ ವರ್ಷ ಕುಂಭ ರಾಶಿಯವರಿಗೆ ಶನಿಯ ಸಾಡೇಸಾತಿಯಿಂದಾಗಿ ಸ್ವಲ್ಪ ಮಟ್ಟಿಗೆ ತೊಂದರೆಯಾಗಲಿದೆ. ಆದರೆ ಹೆಚ್ಚಿನ ದುಷ್ಪರಿಣಾಮಗಳನ್ನು ಎದುರಿಸಬೇಕಾಗಿಲ್ಲ.

ಮೀನ ರಾಶಿ

ಮೀನ ರಾಶಿಯವರಲ್ಲಿ ಶನಿ ಸಾಡೇಸಾತಿ ಪ್ರಾರಂಭವಾಗಲಿದೆ. ಶನಿಯ ಪ್ರಭಾವದಿಂದ ಮಾನಸಿಕ ಆತಂಕ ಹೆಚ್ಚಾಗುವ ಸಾಧ್ಯತೆ ಇದೆ. ಅಲ್ಲದೆ ಕೆಲಸದಲ್ಲಿಯೂ ಅಡೆತಡೆಗಳು ಎದುರಾಗುತ್ತವೆ. ಕೆಲಸದಲ್ಲಿ ವೈಫಲ್ಯ, ರೋಗಗಳು ಮತ್ತು ಹಣಕಾಸಿನ ತೊಂದರೆಗಳ ಅವಧಿ ಪ್ರಾರಂಭವಾಗುತ್ತದೆ. ಆದರೆ ಇಚ್ಛಾಶಕ್ತಿಯಿಂದ ಕೆಲಸ ಮಾಡಿದರೆ ಶನಿದೇವನ ಕೃಪೆ ಸಿಗುವುದು.

ಕರ್ಕ ಮತ್ತು ವೃಶ್ಚಿಕ ರಾಶಿಯ ಮೇಲೆ ಶನಿಯ ಧೈಯಾ

ಶನಿಯು ಕುಂಭ ರಾಶಿಯಲ್ಲಿ ಬಂದಾಗ, ನಂತರ ಶನಿಯ ಧೈಯಾವು ಕರ್ಕ ಮತ್ತು ವೃಶ್ಚಿಕ ರಾಶಿಯಲ್ಲಿ ಪ್ರಾರಂಭವಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಕರ್ಕ ಮತ್ತು ವೃಶ್ಚಿಕ ರಾಶಿಯ ಜನರು ಕಷ್ಟಪಟ್ಟು ಕೆಲಸ ಮಾಡಬೇಕಾಗಬಹುದು.

ಶನಿದೇವನ ಕೆಟ್ಟ ಪ್ರಭಾವ ತಗ್ಗಿಸಲು ಪರಿಹಾರಗಳು

ಶನಿ ಸಾಡೇಸಾತಿ, ಸನಿ ಧೈಯಾ ಇರುವವರು ಕೆಲವೊಂದು ಕಾರ್ಯಗಳನ್ನು ಮಾಡುವುದರಿಂದ ಶನಿ ಕೃಪೆಗೆ ಪಾತ್ರರಾಗಬಹುದು, ಇದರಿಂದಾಗಿ ಶನಿಯ ಕೆಟ್ಟ ಪರಿಣಾಮ ತಗ್ಗುವುದು.

ಜ್ಯೋತಿಷ್ಯ ಪರಿಹಾರ

* ನೀಲಿ ಹರಳಿನ ಉಂಗುರ ಬಳಸುವುದು

* ಕುದುರೆ ಉಗುರಿನ ಉಂಗುರ ಬೆಳೆಸುವುದು

* ಶನಿ ಯಂತ್ರ ಬಳಸುವುದು

* ಶನಿವಾರ ಕಪ್ಪು ಬಟ್ಟೆ ಧರಿಸುವುದು

* ಶನಿ ಮಂತ್ರ ಪಠಿಸುವುದು, ಹನುಮಾನ್‌ ಚಾಲೀಸ, ಮೃತ್ಯಂಜಯ ಮಂತ್ರ ಹಾಗೂ ನವಗ್ರಹ ಮಂತ್ರ ಪಠಿಸಿ.

ಪೂಜೆ:

* ಶನಿವಾರ ಶನಿಯನ್ನು ಪೂಜಿಸಿ. ಶನಿ ದೇವಾಲಯಕ್ಕೆ ಹೋಗಿ ಸಾಸಿವೆಯೆಣ್ಣೆ , ಎಳ್ಳು ಅರ್ಪಿಸಿ. ಶನಿವಾರ ಹನುಮಂತನ ದೇವಾಲಯಕ್ಕೂ ಹೋಗಿ ಪ್ರಸಾದ ಅರ್ಪಿಸಿ. ಸೋಮವಾರ ಶಿವನ ದೇವಾಲಯಕ್ಕೆ ಹೋಗಿ ಪೂಜೆ ಸಲ್ಲಿಸಿ.

* ದೈವಿಕ ಕಾರ್ಯಗಳಲ್ಲಿ ಭಾಗಿಯಾಗಿ, ಪುನ್ಯ ಕ್ಷೇತ್ರಗಳಿಗೆ ಬೇಟಿ ನೀಡಿ. ಪೂಜೆ, ಹವನ ಇವುಗಳನ್ನು ಮಾಡಿಸುವುದು ಕೂಡ ಒಳ್ಳೆಯದು.

ದಾನ ಮಾಡಿ:

* ಬಡವರಿಗೆ ಆಹಾರವನ್ನು ದಾನ ಮಾಡಿ.

* ಸಾಸಿವೆಯೆಣ್ಣೆ, ಕಪ್ಪು ಎಳ್ಳು, ಎಳ್ಳೆಣ್ಣೆ, ಕಬ್ಬಿಣದ ವಸ್ತುಗಳು, ಕಪ್ಪು ಬಟ್ಟೆ, ಕಪ್ಪು ಹಸು, ಹಣ ಇವುಗಳನ್ನು ದಾನ ಮಾಡಿ. ಅದರಲ್ಲೂ ಶನಿವಾರ ಹೀಗೆ ಮಾಡುವುದರಿಂದ ಶನಿಯ ಕೆಟ್ಟ ಪ್ರಭಾವ ಕಡಿಮೆ ಮಾಡಬಹುದು.

ಇವುಗಳ ಬಗ್ಗೆ ಎಚ್ಚರವಿರಲಿ

ಶನಿ ಸಾಡೇಸಾತಿ ಇರುವಾಗ ಸಾಹಸ ಕ್ರಿಡೆ, ಪ್ರಯಾಣ, ಗಾಡಿ ಓಡಿಸುವಾಗ ಎಚ್ಚರವಹಿಸಿ. ಅಲ್ಲದೆ ಯಾವುದೇ ವಿವಾದಗಳಿಗೆ ಸಿಲುಕಿಕೊಳ್ಳದಂತೆ ಎಚ್ಚರವಹಿಸಿ. ಮದ್ಯ ವರ್ಜಿಸಿ. ಯಾವುದೇ ಕಾನೂನು ಬಾಹಿರ ಚಟುವಟಿಕೆಯಿಂದ ದೂರವಿರಿ.