ಸುಮಾರು 14 ವರ್ಷ ಕಾಲ ಕೋಮಾ ಸ್ಥಿತಿಯಲ್ಲಿದ್ದ ಮಹಿಳೆ ಮಗುವಿಗೆ ಜನ್ಮ ನೀಡಿದಳು!

ಮಹಿಳೆಯು ಕಳೆದ 14 ವರ್ಷಗಳಿಂದ ಕೋಮಾ ಸ್ಥಿತಿಯಲ್ಲಿದ್ದಾಳೆ…

ಅಮೆರಿಕಾದ ಅರಿಜೋನಾದಲ್ಲಿ ಈ ಘಟನೆಯು ನಡೆದಿದೆ. ಅರಿಜೋನಾದಲ್ಲಿ ಇರುವ ಹಕೆಂಡಾ ಹೆಲ್ತ್ ಕೇರ್ ನಲ್ಲಿ ಕಳೆದ 14 ವರ್ಷದಿಂದ ಕೋಮಾ ಸ್ಥಿತಿಯಲ್ಲಿ ಇರುವಂತಹ ಮಹಿಳೆಯರು ಮಗುವಿನ ಜನ್ಮ ನೀಡಿ ಎಲ್ಲರನ್ನು ನಿಬ್ಬೆರೆಗಾಗಿಸಿದ್ದಾರೆ.

ಯಾರಿಗೂ ಆಕೆ ಗರ್ಭಿಣಿ ಎಂದು ತಿಳಿದಿರಲಿಲ್ಲ!

ಆಸ್ಪತ್ರೆಯಲ್ಲಿ ಇರುವಂತಹ ಯಾವ ಸಿಬ್ಬಂದಿಗೂ ಆಕೆ ಗರ್ಭಿಣಿ ಎಂದು ತಿಳಿದೇ ಇರಲಿಲ್ಲ. ಆಕೆ ಕೋಮಾ ಸ್ಥಿತಿಯಲ್ಲಿ ವರ್ಷಗಳ ಕಾಲ ಇದ್ದಳು ಮತ್ತು ಇದರಿಂದ ಆಕೆ ಗರ್ಭಿಣಿ ಎನ್ನುವ ವಿಚಾರವು ಸಿಬ್ಬಂದಿ ಮತ್ತು ವೈದ್ಯರಿಗೆ ತಿಳಿಯಲಿಲ್ಲ.

ನರ್ಸ್ ಆಕೆಯನ್ನು ಪರೀಕ್ಷಿಸಿದ ವೇಳೆ ನರಳುತ್ತಿದ್ದಳು

ಮಹಿಳೆಯನ್ನು ನರ್ಸ್ ಪರೀಕ್ಷೆ ಮಾಡಿದ ವೇಳೆ ಆಕೆ ನರಳಲು ಆರಂಭಿಸಿದಳು. ಆದರೂ ಆಕೆ ಗರ್ಭಿಣಿ ಎನ್ನುವ ಬಗ್ಗೆ ಅವರಿಗೆ ಯಾವುದೇ ಸುಳಿವು ಸಿಕ್ಕಿರಲಿಲ್ಲ. ಆಕೆಗೆ ಏನೋ ಆಗಿದೆ ಎನ್ನುವುದನ್ನು ತಿಳಿಯಲು ಅವರಿಗೆ ತುಂಬಾ ಸಮಯ ಬೇಕಾಯಿತು. ಮಹಿಳೆಯು ಆರೋಗ್ಯಕರ ಗಂಡು ಮಗುವಿಗೆ ಜನ್ಮ ನೀಡಿದ್ದಾಳೆ.

ತನಿಖೆಯು ಆರಂಭವಾಗಿದೆ…

ಕೋಮಾ ಸ್ಥಿತಿಯಲ್ಲಿ ಇರುವಂತಹ ಮಹಿಳೆಯು ತನ್ನ ಗರ್ಭಕ್ಕೆ ಕಾರಣ ಯಾರು ಎಂದು ಹೇಳಲು ಸಾಧ್ಯವಿಲ್ಲದೆ ಇರುವ ಕಾರಣದಿಂದಾಗಿ ಈ ಬಗ್ಗೆ ಈಗಲೇ ತನಿಖೆಯನ್ನು ಆರಂಭಿಸಲಾಗಿದೆ. ಆಸ್ಪತ್ರೆಯಲ್ಲಿ ಕೋಮಾ ಸ್ಥಿತಿಯಲ್ಲಿ ಇರುವ ಮಹಿಳೆಯನ್ನು ಯಾರು ಅತ್ಯಾಚಾರ ಮಾಡಿದರು ಎನ್ನುವ ಬಗ್ಗೆ ತನಿಖೆಯು ನಡೆಯುತ್ತಲಿದೆ.

ಇಂತಹ ಹಲವಾರು ಘಟನೆಗಳು ನಡೆದಿದೆ

ಯಾವುದೇ ಪ್ರತಿರೋಧ ತೋರಿಸಲು ಸಾಧ್ಯವಾಗದೆ ಇರುವಂತಹ ಮಹಿಳಾ ರೋಗಿಗಳ ಮೇಲೆ ನಡೆದಿರುವಂತಹ ಲೈಂಗಿಕ ಕಿರುಕುಳಗಳಲ್ಲಿ ಇದು ಒಂದಾಗಿದೆ. ಈ ಘಟನೆ ಬಗ್ಗೆ ನಿಮ್ಮ ಅಭಿಪ್ರಾಯ ಏನು ಎಂದು ನಮಗೆ ಕಮೆಂಟ್ ಬಾಕ್ಸ್ ನಲ್ಲಿ ಬರೆಯಲು ಮಾತ್ರ ಮರೆಯಬೇಡಿ.