ಮದುವೆಯಾದ ಮೂರೇ ನಿಮಿಷಕ್ಕೆ ಪತಿಗೆ ವಿಚ್ಛೇದನ ನೀಡಿದ ಮಹಿಳೆ!

ಈ ದಂಪತಿಗಳು ಈಗತಾನೇ ವಿವಾಹ ವಿಧಿಗಳನ್ನು ಪೂರೈಸಿದ್ದರು

ಕುವೈಟ್ ನಗರದಲ್ಲಿ ನಡೆದ ಈ ವಿವಾಹ ನ್ಯಾಯಾಲಯದ ಆವರಣದಲ್ಲಿ ಜರುಗಿತ್ತು. ಈಗತಾನೇ ನ್ಯಾಯಾಧೀಶರ ಎದುರು ವಿವಾಹದ ಕರಾರುಪತ್ರಕ್ಕೆ ಇಬ್ಬರೂ ಸಹಿ ಹಾಕಿ ಜೀವನದಲ್ಲಿ ಜೊತೆಜೊತೆಯಾಗಿ ನಡೆಯುವ ಭರವಸೆಯೊಂಗಿದೆ ಜೊತೆಯಾಗಿ ಆತ್ಮವಿಶ್ವಾಸದಿಂದ ಮುಂದೆ ಹೆಜ್ಜೆಯಿಡುತ್ತಿದ್ದರು. ಆಗ....

ಅಕಸ್ಮಾತ್ತಾಗಿ ಆಕೆ ಎಡವಿದಳು

ನ್ಯಾಯಾಲಯದ ಅವರಣದಿಂದ ಹೊರಹೋಗಲು ನವವಿವಾಹಿತ ಜೋಡಿ ನಡೆದು ಹೋಗುತ್ತಿದ್ದಾಗ ವಧು ಅಕಸ್ಮಾತ್ತಾಗಿ, ಕಾಲಿಗೇನೋ ತೊಡರಿ ಎಡವಿ ಬಿದ್ದಳು. ಆದರೆ ಕೆಳಕ್ಕೆ ಬಿದ್ದ ಆಕೆಯನ್ನು ಎದ್ದು ನಿಲ್ಲಲು ನೆರವಾಗುವ ಬದಲು ವರ, ತಕ್ಷಣ ಎಲ್ಲರೆದುದು ಎಡವಿ ಮಾನ ಕಳೆದಳು ಎಂಬಂತೆ ಜರೆಯುತ್ತಾ ಜೋರಾಗಿಯೇ ಎಲ್ಲರೆದುದು 'ಸ್ಟುಪಿಡ್' ಎಂದು ತನ್ನ ಪತ್ನಿಯನ್ನು ಬೈದಿದ್ದ.

ಈ ಬೈಗುಳವೇ ಆಕೆಗೆ ವಿಚ್ಛೇದನಕ್ಕೆ ಸಾಕಾಗಿತ್ತು

ಬೇರೆ ಯಾವುದೇ ಸಂದರ್ಭದಲ್ಲಿ ಪತಿ ಪತ್ನಿಗೆ ಬೈದಾಗ ಸುಮ್ಮನೇ ಒಪ್ಪಿಕೊಳ್ಳಬಹುದಾಗಿದ್ದರೂ ಈ ದಿಟ್ಟ ಹೆಣ್ಣು ತನ್ನ ತಪ್ಪಿಲ್ಲದೇ ಆದ ಪ್ರಮಾದಕ್ಕೆ ಪತಿಯಿಂದ ದೊರೆತ ಈ ಬಗೆಯ ಪ್ರತಿಕ್ರಿಯೆಯನ್ನು ಸಹಿಸಳಾದಳು. ಈ ಕ್ಷಣದಲ್ಲಿ ಜರೆದ ಆತ ಜೀವಮಾನವಿಡೀ ತನಗೆ ಆತ್ಮಸನ್ಮಾನ ನೀಡುವ ಬಗ್ಗೆ ಆಕೆಯಲ್ಲಿ ಅನುಮಾನ ಉಂಟಾಗಿತ್ತು. ಈ ಭಾವನೆ ಮನದಲ್ಲಿ ಮೂಡಿದ್ದೇ ತಡ, ಮುಂದಿನ ಹೆಜ್ಜೆ ಆಕೆ ಹಿಂದಿನ ದಿಕ್ಕಿನತ್ತ ಇಟ್ಟಿದ್ದಳು, ಮುಂದಿನ ಮೂರೇ ನಿಮಿಷದಲ್ಲಿ ಆಕೆ ಕೆಲವೇ ನಿಮಿಷಗಳ ಹಿಂದೆ ನ್ಯಾಯಾಧೀಶರ ಮುಂದೆ ಸಹಿ ಮಾಡಿದ್ದ ಸ್ಥಳಕ್ಕೆ ತಲುಪಿದ್ದಳು. ಮರುಕ್ಷಣವೇ ಆಕೆ ಈ ಕರಾರು ಪತ್ರವನ್ನು ಹರಿದು ತನ್ನ ವಿಚ್ಚೇದನವನ್ನು ಪ್ರಕಟಿಸಿದಳು.

ಈಕೆಯ ಈ ಪ್ರತಿಕ್ರಿಯೆ ಎಲ್ಲರನ್ನು ದಂಗುಬಡಿಸಿತು

ಈಕೆಯ ಈ ದಿಟ್ಟತನದ ಕ್ರಮವನ್ನು ಅಲ್ಲಿದ್ದ ಹಲವರು ಪ್ರಶಂಸಿಸಿ ಈಕೆಯ ಕ್ರಮವನ್ನು ಸರಿ ಎಂಬ ಅಭಿಪ್ರಾಯವನ್ನು ವ್ಯಕ್ತಪಡಿಸಿದರೆ ಉಳಿದವರು ಮಾತ್ರ ಈಕೆಗೆ ಈತನನ್ನು ವರಿಸಲು ಮೊದಲೇ ಇಷ್ಟವಿರಲಿಲ್ಲವೇನೋ, ಯಾವುದೋ ಬಲವಂತಕ್ಕೆ ಬಿದ್ದು ವಿವಾಹವಾಗಲು ಒಪ್ಪಿ ಬಳಿಕ ಕ್ಷುಲ್ಲುಕ ಕಾರಣವನ್ನೇ ನೆಪವಾಗಿಸಿ ಈ ವಿಚ್ಚೇದನ ಪಡೆದಿದ್ದಾಳೆ ಎಂದು ತಮ್ಮ ಪಾಲಿನ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ. ನೀವೇನಂತೀರಿ?