ಹಲ್ಲು ನೋವಿನಿಂದ ಬಳಲುತ್ತಿದ್ದ 'ಹುಲಿಗೆ ರೂಟ್ ಕ್ಯಾನಲ್ 'ಚಿಕಿತ್ಸೆ ಮಾಡುತ್ತಿರುವ ವಿಡಿಯೋ ವೈರಲ್!

11 ವರ್ಷದ ಹುಲಿ

11 ವರ್ಷದ ಫಾಬಿ ಎನ್ನುವ ಹುಲಿಯು ಕಳೆದ ಕೆಲವು ಸಮಯದಿಂದ ಹಲ್ಲು ನೋವಿನಿಂದ ಬಳಲುತ್ತಾ ಇತ್ತು. ವ್ಯಾಘ್ರನಿಗೆ ಹಲ್ಲಿನ ಚಿಕಿತ್ಸೆ ಮಾಡಬೇಕಾಗಿತ್ತು. ಯಾಕೆಂದರೆ ಅದು ತನ್ನ ಕೆಳಭಾಗದ ಮೂರು ಇಂಚಿನಷ್ಟು ದೊಡ್ಡ ಹಲ್ಲಿಗೆ ಹಾನಿ ಮಾಡಿಕೊಂಡಿತ್ತು. ಇದರ ಪರಿಣಾಮವಾಗಿ ತೀವ್ರ ನೋವಿತ್ತು. ಹೀಗಾಗಿ ಅದಕ್ಕೆ ಸರಿಯಾಗಿ ಆಹಾರ ಸೇವಿಸಲು ಕೂಡ ಸಾಧ್ಯವಾಗುತ್ತಾ ಇರಲಿಲ್ಲ.

ವ್ಯಾಘ್ರ ಆರೋಗ್ಯವಾಗಿದೆ ಎಂದು ಪಶುವೈದ್ಯರು ಹೇಳಿದ್ದಾರೆ

ಫಾಬಿ ತುಂಬಾ ಆರೋಗ್ಯವಾಗಿರುವಂತಹ ಗಂಡು ಹುಲಿ. ಹುಲಿ ಆರೋಗ್ಯವಾಗಿದ್ದು, ಅದನ್ನು ಸಂತಾನೋತ್ಪತ್ತಿಗೆ ಬಳಸಬೇಕೆಂದು ಅದನ್ನು ಸಾಕುವವರು ಬಯಸಿದ್ದಾರೆ. ಇದರಿಂದ ಅದರ ನೋವಿಗೆ ಕಾರಣ ಪತ್ತೆ ಹಚ್ಚುವುದು ಮುಖ್ಯವಾಗಿತ್ತು ಮತ್ತು ಇದರಿಂದ ಅದಕ್ಕೆ ಶಸ್ತ್ರಚಿಕಿತ್ಸೆ ಮಾಡಲಾಯಿತು.

ಚಿಕಿತ್ಸೆ ವೇಳೆ ಆಯುಧದೊಂದಿಗೆ ಅಲ್ಲೊಬ್ಬ ಕಾವಲು ಕಾಯುತ್ತಿದ್ದ!

ಪ್ರಾಣಿಗಳ ದಂತ ವೈದ್ಯರಾದ ಮ್ಯಾಥ್ಯೂ ಆಕ್ಸಫರ್ಡ್ ಅವರು ಫಾಬಿಗೆ ಚಿಕಿತ್ಸೆ ನೀಡುವ ವೇಳೆ ಹುಲಿಗೆ ಅರವಳಿಕೆ ಮದ್ದನ್ನು ನೀಡಲಾಗಿತ್ತು. ಈ ಚಿಕಿತ್ಸೆ ವೇಳೆ ಆಯುಧವನ್ನು ಹಿಡಿದುಕೊಂಡು ಒಬ್ಬ ಕಾವಲು ಕಾಯುತ್ತಲಿದ್ದ.

ಶಸ್ತ್ರಚಕಿತ್ಸೆಯ ಯಶಸ್ವಿಯಾಯಿತು

ನೂರು ಕೆಜಿಗಿಂತಲೂ ಹೆಚ್ಚು ತೂಗುತ್ತಿದ್ದ 11ರ ಹರೆಯದ ಫಾಬಿ ಸುಮಾರು ಎರಡು ಮೀಟರ್ ನಷ್ಟು ಉದ್ದವಿದ್ದ. ಆದರೆ ಚಿಕಿತ್ಸೆ ವೇಳೆ ಆತನ ಪ್ರಜ್ಞೆ ಸಂಪೂರ್ಣವಾಗಿ ತಪ್ಪಿತ್ತು. ಆತನ ಕೋರೆ ಹಲ್ಲುಗಳು ಎಂಟು ಸೆಂಟಿ ಮೀಟರ್ ನಷ್ಟು ಉದ್ದವಾಗಿದ್ದವು ಮತ್ತು ಅದನ್ನು ಸುರಕ್ಷಿತವಾಗಿ ಸುತ್ತಲಾಗಿತ್ತು. ಶಸ್ತ್ರಚಿಕಿತ್ಸೆ ವೇಳೆ ಯಾವುದೇ ಹಾನಿಯಾಗದಂತೆ ತಪ್ಪಿಸಲು ಹೀಗೆ ಮಾಡಲಾಗಿತ್ತು. ಶಸ್ತ್ರಚಿಕಿತ್ಸೆ ವಿಡಿಯೋ ನೀವು ನೋಡಬಹುದು.