For Quick Alerts
ALLOW NOTIFICATIONS  
For Daily Alerts

    ಪೋಷಕರೇ ತಮ್ಮ ಅವಳಿ ಮಕ್ಕಳಿಗೆಯೇ ಮದುವೆ ಮಾಡಿಸಿಬಿಟ್ಟರು!

    |

    ಹಿಂದಿನ ಕಾಲದಲ್ಲಿ ಕೆಲವು ರಾಜರುಗಳು ತಮ್ಮ ರಾಜ್ಯವು ಬೇರೆಯವರಿಗೆ ಹೋಗಬಾರದು ಎನ್ನುವ ದೃಷ್ಟಿಯಿಂದಾಗಿ ತಮ್ಮ ಮಗಳನ್ನು ತಮ್ಮದೇ ರಕ್ತ ಸಂಬಂಧಿಗಳಿಗೆ ಕೊಟ್ಟು ಮದುವೆ ಮಾಡಿಕೊಡುತ್ತಾ ಇದ್ದರಂತೆ. ಇನ್ನು ಕೆಲವರು ತಮ್ಮ ಸಂಬಂಧದಲ್ಲೇ ಮದುವೆ ಮಾಡಿಕೊಡುತ್ತಿದ್ದರು. ಕೆಲವೊಂದು ಜನಾಂಗ ಹಾಗೂ ಸಮುದಾಯದಲ್ಲಿ ನಂಬಿಕೆಗಳಿಂದಾಗಿ ಸೋದರ ಹಾಗೂ ಸೋದರಿ ನಡುವೆಯೇ ವಿವಾಹ ಮಾಡಿಕೊಡಲಾಗುತ್ತಲಿತ್ತು.

    ಇಂತಹ ಕೆಲವೊಂದು ಸಂಪ್ರದಾಯ ಹಾಗೂ ನಂಬಿಕೆಗಳು ಈಗಲೂ ಕೆಲವು ಬುಡಕಟ್ಟು ಜನಾಂಗದಲ್ಲಿ ಇದೆ. ಅದಾಗ್ಯೂ, ಇದು ತುಂಬಾ ವಿಚಿತ್ರ ಸಂಪ್ರದಾಯಗಳು ಎಂದು ಭಾವಿಸಲಾಗಿದೆ. ಈ ಲೇಖನದಲ್ಲಿ ನಾವು ನಿಮಗೆ ಅವಳಿಗಳಿಬ್ಬರು ಪರಸ್ಪರ ಮದುವೆಯಾಗಿರುವ ಬಗ್ಗೆ ತಿಳಿಸಿಕೊಡಲಿದ್ದೇವೆ. ಇಲ್ಲಿ ಪೋಷಕರೇ ತಮ್ಮ ಅವಳಿಗಳಿಗೆ ಮದುವೆ ಮಾಡಿ ಕೊಟ್ಟಿದ್ದಾರೆ. ಯಾಕೆಂದರೆ ಅವರು ಹಿಂದಿನ ಜನ್ಮದಲ್ಲಿ ಪ್ರೇಮಿಗಳಾಗಿದ್ದರಂತೆ. ಈ ವಿಚಿತ್ರ ಘಟನೆ ಬಗ್ಗೆ ನೀವು ಓದುತ್ತಾ ಸಾಗಿ...

    ಅವಳಿಗಳು ಮದುವೆಯಾಗುತ್ತಾರೆ ಎಂದು ಪೋಷಕರಿಗೆ ತಿಳಿದಿತ್ತು…

    ಅವಳಿಗಳು ಮದುವೆಯಾಗುತ್ತಾರೆ ಎಂದು ಪೋಷಕರಿಗೆ ತಿಳಿದಿತ್ತು…

    ಗಿಟಾರ್ ಮತ್ತು ಆತನ ಸೋದರಿ ಕಿವಿ 2012ರ ಸಪ್ಟೆಂಬರ್ ನಲ್ಲಿ ಜನಿಸಿದ್ದರು. ಥಾಯ್ಲೆಂಡ್ ನ ಅಮೋರ್ನ್ಸನ್ ಸನ್ಥಾರ್ನ್ ಮಲಿರತ್ ಮತ್ತು ಫಚಾರ್ಪೋರ್ನ್ ಇವರ ಪೋಷಕರು. ಇವರು ತಮ್ಮ ಅವಳಿಗಳಿಗೆ ಮದುವೆ ಮಾಡುತ್ತಾರೆಂದು ಆ ಕ್ಷಣವೇ ಆಲೋಚಿಸಿದ್ದರು. ಮದುವೆಯು ಸಂಪ್ರದಾಯಬದ್ಧ ಹಾಗೂ ವಿಧಿವಿಧಾನದಂತೆ ನಡೆಯಬೇಕೆಂದು ಅವರು ಬಯಸಿದ್ದರು.

    ಬೌದ್ಧರ ನಂಬಿಕೆ

    ಬೌದ್ಧರ ನಂಬಿಕೆ

    ಬೌದ್ಧರ ನಂಬಿಕೆ ಪ್ರಕಾರ ಗಂಡು ಹಾಗೂ ಹೆಣ್ಣು ಅವಳಿಗಳು ಹುಟ್ಟಿದರೆ ಅವರು ಹಿಂದಿನ ಜನ್ಮದ ಸಂಬಂಧದಿಂದ ಮಾಡಿದ ಕರ್ಮದಿಂದಾಗಿ ಹೀಗೆ ಜನಿಸುವರು ಮತ್ತು ಹಿಂದಿನ ಜನ್ಮದ ಸಾಲ ತೀರಿಸುವ ಸಲುವಾಗಿ ಅವರು ಹೀಗೆ ಜನ್ಮ ತಾಳುವರು. ಹಿಂದಿನಿಂದಲೂ ಇದನ್ನು ಬೌದ್ಧ ಧರ್ಮದವರು ನಂಬಿಕೊಂಡು ಬರುತ್ತಿದ್ದಾರೆ ಎಂದು ವರದಿಗಳು ಹೇಳಿವೆ.

    Most Read: ನಿಮ್ಮ ಕೆಲವೊಂದು ತಪ್ಪು ಕಾರ್ಯಗಳಿಂದಲೇ ಮನೆಯೊಳಗೆ ನಕಾರಾತ್ಮಕ ಶಕ್ತಿ ಬರುವುದಂತೆ!

    ಇದರಿಂದ ಮದುವೆಯೇ ಇದಕ್ಕೆ ಪರಿಹಾರ

    ಇದರಿಂದ ಮದುವೆಯೇ ಇದಕ್ಕೆ ಪರಿಹಾರ

    ದಂಪತಿಯು ಈ ನಂಬಿಕೆಯನ್ನು ಪಾಲಿಸುವ ಸಲುವಾಗಿ ತಮ್ಮ ಅವಳಿ ಮಕ್ಕಳಿಗೆ ಆದಷ್ಟು ಬೇಗನೆ ಮದುವೆ ಮಾಡಲು ನಿರ್ಧರಿಸಿದರು. ಮಕ್ಕಳು ಸಣ್ಣವರಾಗಿದ್ದಾಗಲೇ ಮದುವೆ ಮಾಡಿದರೆ ಅದರಿಂದ ಮಕ್ಕಳು ಭವಿಷ್ಯದಲ್ಲಿ ದುರಾದೃಷ್ಟಕ್ಕೆ ಒಳಗಾಗುವುದು ತಪ್ಪುತ್ತದೆ ಎಂದು ಅವರು ನಂಬಿದ್ದಾರೆ.

    ಭವ್ಯ ಸಮಾರಂಭದಲ್ಲಿ ಮದುವೆ ನೆರವೇರಿತು

    ಭವ್ಯ ಸಮಾರಂಭದಲ್ಲಿ ಮದುವೆ ನೆರವೇರಿತು

    ಅವಳಿಗಳಿಗೆ ಮದುವೆ ಮಾಡಿಕೊಡುವ ಸಮಾರಂಭದಲ್ಲಿ ಹಲವಾರು ಮಂದಿ ಭಾಗಿಯಾದರು. ಇದರಲ್ಲಿ ಸ್ನೇಹಿತರು, ಸಂಬಂಧಿಗಳು ಮತ್ತು ಸ್ಥಳೀಯರು ಭಾಗಿಯಾಗಿ ವಧುವರರನ್ನು ಆಶೀರ್ವದಿಸಿದರು. ಭವ್ಯವಾಗಿ ನಡೆದ ಮೆರವಣಿಗೆ ಬಲಿಕ ಸಂಪ್ರದಾಯದಂತೆ ನಡೆಯುವ ಆಟವೊಂದರಲ್ಲಿ ವರನು ವಿಭಿನ್ನವಾಗಿರುವಂತಹ 9 ಗೇಟ್ ಗಳನ್ನು ದಾಟಿಕೊಂಡು ಬಂದು ವಧುವನ್ನು ಭೇಟಿಯಾಗಬೇಕು. ಇದರ ಬಳಿಕ ಬಾಲಕನಿಗೆ ವರದಕ್ಷಿಣೆ ರೂಪದಲ್ಲಿ 2000,000 ಬಹ್ತ್ ನಗದು ಮತ್ತು ಸುಮಾರು 1000 ಪೌಂಡ್ ಮೌಲ್ಯದ ಚಿನ್ನಾಭರಣಗಳನ್ನು ನೀಡಲಾಯಿತು.

    Most Read: ಹುಟ್ಟಿದ ದಿನಾಂಕ ಗೊತ್ತಿದ್ದರೆ ಸಾಕು, ವೈವಾಹಿಕ ಜೀವನದ ಬಗ್ಗೆ ತಿಳಿಯಬಹುದು!

    ಆದರೆ ಮದುವೆ ಕಾನೂನು ಬದ್ಧವಾಗಿಲ್ಲ

    ಆದರೆ ಮದುವೆ ಕಾನೂನು ಬದ್ಧವಾಗಿಲ್ಲ

    ತುಂಬಾ ಅದ್ಧೂರಿಯಾಗಿ ಅವಳಿಗಳ ಮದುವೆ ನಡೆದಿದ್ದರೂ ಇದು ಯಾವುದೇ ರೀತಿಯ ಕಾನೂನು ಮಾನ್ಯತೆ ಪಡೆದಿಲ್ಲವೆಂದು ಹೇಳಲಾಗಿದೆ. ವರದಿಗಳ ಪ್ರಕಾರ ಕೆಲವು ವರ್ಷಗಳ ಬಳಿಕ ಇವರಿಬ್ಬರು ಹದಿಹರೆಯಕ್ಕೆ ಬಂದ ಬಳಿಕ ತಮ್ಮದೇ ಆದ ಸಂಗಾತಿಯನ್ನು ಆಯ್ಕೆ ಮಾಡಿಕೊಳ್ಳಬಹುದು ಎಂದು ಹೇಳಲಾಗಿದೆ. ಇಂತಹ ನಂಬಿಕೆ ಬಗ್ಗೆ ನಿಮ್ಮ ಅನಿಸಿಕೆ ಏನು? ಇಂತಹ ಸಂಪ್ರದಾಯಗಳನ್ನು ಪಾಲಿಸಬೇಕೆಂದು ನಿಮಗೆ ಅನಿಸುತ್ತದೆಯಾ? ನಿಮ್ಮ ಅಭಿಪ್ರಾಯಗಳನ್ನು ಕಮೆಂಟ್ ಬಾಕ್ಸ್ ಗೆ ಹಾಕಿ.

    English summary

    These Twins Were Married To Each Other By Their Own Parents

    A young boy, nicknamed Guitar, and his sister named Kiwi, were born in September 2012. Their parents Amornsan Sunthorn Malirat, 31, and Phacharaporn, 30, hail from Thailand. The parents believed that the kids were lovers from the past birth and hence decided to marry them to each other. A wedding ceremony was arranged at a great expense on the outskirts of Bangkok.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more