ಇಂದು ಆಕಾಶದಲ್ಲಿ ತುಂಬಾ ಪ್ರಕಾಶಮಾನ ಹಾಗೂ ಅತೀ ದೊಡ್ಡ ಚಂದ್ರನನ್ನು ಕಾಣಬಹುದು!

ಸೂಪರ್ ಮೂನ್ ಬಗ್ಗೆ

ಚಂದ್ರನು ತುಂಬಾ ಬೃಹತ್ ಆಕಾರದಲ್ಲಿ ಕಾಣಿಸಿಕೊಂಡಾಗ ಅದನ್ನು ಸೂಪರ್ ಮೂನ್ ಎಂದು ಕರೆಯಲಾಗುತ್ತದೆ. ಯಾಕೆಂದರೆ ಚಂದ್ರನು ಈ ಸಮಯದಲ್ಲಿ ತನ್ನ ಕಕ್ಷೆಯಲ್ಲಿ ಭೂಮಿಗೆ ತುಂಬಾ ಹತ್ತಿರವಾಗಿ ಇರುವನು. ಪ್ರತೀ ತಿಂಗಳಲ್ಲಿ ಒಂದು ಸಲ ಸೂಪರ್ ಮೂನ್ ಕಾಣಿಸಿಕೊಳ್ಳುವುದು. ಈ ಸಮಯದಲ್ಲಿ ಚಂದ್ರನು ಬೃಹತ್ ಆಕಾರ ಮತ್ತು ಪ್ರಕಾಶಮಾನವಾಗಿ ಕಾಣಿಸುವನು.

ಇದನ್ನು ಸೂಪರ್ ಸ್ನೋ ಮೂನ್ ಎಂದು ಕರೆಯಲಾಗುವುದು

ನಾಸಾದ ಪ್ರಕಾರ ಇದನ್ನು ಸೂಪರ್ ಸ್ನೋ ಮೂನ್ ಎಂದು ಕರೆಯಲಾಗುತ್ತದೆ. ಯಾಕೆಂದರೆ ಇದು ಚಳಿಗಾಲದ ಎರಡನೇ ಹುಣ್ಣಿಮೆಯಾಗಿರುವುದು. ಅಮೆರಿಕಾದಲ್ಲಿನ ಬುಡಕಟ್ಟು ಜನಾಂಗದವರು ಇದಕ್ಕೆ ಈ ಹೆಸರನ್ನು ನೀಡಿರುವರು. ಇದರ ಹೊರತಾಗಿ ಇದು ಚಳಿಗಾಲದಲ್ಲಿ ಹಿಮಪಾತ ಆಗುವ ಸಂದರ್ಭದಲ್ಲಿ ಕಾಣಿಸಿಕೊಳ್ಳುವ ಕಾರಣದಿಂದಲೂ ಹೀಗೆ ಹೇಳುವರು.

ಜನರು ಸೂಪರ್ ಸ್ನೋ ಮೂನ್ ನ್ನು ಯಾವಾಗ ನೋಡಬಹುದು?

ಚಂದ್ರನು ಬೃಹತ್ ಆಗಿ ಕಾಣಿಸುವಂತಹ ಸಮಯವೆಂದರೆ ಅದು ಫೆ.19, ಪೂರ್ವಾಹ್ನ 10.54 ಕಾಣಿಸುವುದು. ಆದರೆ ದುರಾದೃಷ್ಟದಿಂದ ಅಮೆರಿಕಾದಲ್ಲಿ ಈ ಸಮಯದಲ್ಲಿ ಚಂದ್ರನು ಕಾಣಿಸಲು ಸಿಗದು.

ಮುಂದಿನ ಸೂಪರ್ ಮೂನ್ ಯಾವಾಗ?

ಮುಂದಿನ ಸೂಪರ್ ಮೂನ್ ಯಾವಾಗ ಎಂದು ಕಾತರದಿಂದ ಇರುವಂತಹ ವ್ಯಕ್ತಿಗಳಿಗೆ ನಾಸಾವು ಅದರ ದಿನಾಂಕವನ್ನು ನೀಡಿದೆ. ಮುಂದಿನ ಸೂಪರ್ ಮೂನ್ ಮಾರ್ಚ್ 20, 2019ರಲ್ಲಿ ನಡೆಯಲಿದೆ. ಆದರೆ ಫೆಬ್ರವರಿಯ ಸೂಪರ್ ಮೂನ್ ಈ ವರ್ಷದ ಅತೀ ದೊಡ್ಡ ಸೂಪರ್ ಮೂನ್ ಆಗಿದೆ ಎಂದು ಹೇಳಲಾಗುತ್ತದೆ.