ದೇವರು ಕನಸಿನಲ್ಲಿ ಬಂದರೆ, ಇದರ ಅರ್ಥ ಏನು ಗೊತ್ತೇ?

ಭರವಸೆಯ ಚಿಹ್ನೆ

ನೀವು ದೇವರನ್ನು ಆಗಾಗ ಕನಸಿನಲ್ಲಿ ಕಾಣುತ್ತಿದ್ದರೆ ಅದಕ್ಕೆ ಭಯ ಪಡುವ ಅಗತ್ಯವಿಲ್ಲ. ಏಕೆಂದರೆ ಅದೇ ನಿಮಗೆ ಒಂದು ಭರವಸೆಯ ಚಿಹ್ನೆ ಆಗಿರುತ್ತದೆ . ಸುಮ್ಮನೆ ಹಾಗೆ ಒಮ್ಮೆ ಯೋಚಿಸಿ ನೋಡಿ . ನೀವೇನಾದರೂ ಕಷ್ಟದ ದಿನಗಳನ್ನು ದೂಡುತ್ತಿದ್ದರೆ , ಮಾನಸಿಕ ನೆಮ್ಮದಿ ಇಲ್ಲದಂತಾಗಿದ್ದರೆ ಆ ವೇಳೆಯಲ್ಲಿ ಈ ರೀತಿಯ ಕನಸು ನಿಮಗೆ ಬಿದ್ದಿದ್ದರೆ ಅಥವಾ ಬಿದ್ದರೆ ನಿಮ್ಮ ಕಷ್ಟದ ದಿನಗಳು ಕಳೆದು ಒಳ್ಳೆಯ ಕಾಲ ಬರುವುದು ಬಹಳ ದೂರ ಉಳಿದಿಲ್ಲ ಎಂದು ಅರ್ಥ.

ಆಂತರಿಕ ಧ್ವನಿ

ಎಂದಾದರೂ ನಿಮಗೆ ದೇವರು ಸಲಹೆ ನೀಡುತ್ತಿರುವಂತೆ ಕನಸು ಬಿದ್ದರೆ ,ಅದು ನೀವು ನಿಮ್ಮ ಮನಃಸಾಕ್ಷಿ ಹೇಳಿದಂತೆ ಕೇಳಬೇಕು ಎಂದರ್ಥ. ಏಕೆಂದರೆ ನಿಮ್ಮನ್ನು ನಿಮಗಿಂತ ಚೆನ್ನಾಗಿ ಅರ್ಥ ಮಾಡಿಕೊಂಡಿರುವವರೂ ಮತ್ತು ಅರ್ಥ ಮಾಡಿಕೊಳ್ಳುವವರು ಬೇರೆ ಯಾರು ಇರುವುದಿಲ್ಲ . ಹಾಗಾಗಿ ಅರ್ಥ ಮಾಡಿಕೊಂಡಿರುವವರು ನೀಡುವ ಸಲಹೆ ಜೀವನದಲ್ಲಿ ಬಹಳ ಅರ್ಥಪೂರ್ಣವಾಗಿರುತ್ತದೆ . ಅದು ನಿಮಗೆ ನೀವೇ ನೆನಪಿರಲಿ.

ದೇವರ ಆಶೀರ್ವಾದ

ನೀವು ದೇವರನ್ನು ಕನಸಿನಲ್ಲಿ ಯಾವ ಯಾವ ಜಾಗದಲ್ಲಿ ಕಾಣುತ್ತೀರೋ ಆ ಸ್ಥಳಕ್ಕೆ ಅದರದೇ ಆದ ಸ್ವಂತ ವಿಶ್ಲೇಷಣೆ ಇರುತ್ತದೆ. ಉದಾಹರಣೆಗೆ ನಿಮ್ಮ ಸ್ವಂತ ಮನೆಯಲ್ಲೇ ದೇವರು ಕಂಡಂತೆ ನಿಮಗೆ ಕನಸು ಬಿದ್ದರೆ , ದೇವರ ಆಶೀರ್ವಾದ ನಿಮ್ಮ ಮನೆಯ ಮೇಲಿದೆ ಮತ್ತು ಯಾವುದೇ ನಕಾರಾತ್ಮಕ ಶಕ್ತಿಗಳು ನಿಮ್ಮ ಮನೆಯನ್ನು ಪ್ರವೇಶಿಸುವುದಿಲ್ಲ ಎಂದು ಅರ್ಥ. ಅದೇ ರೀತಿ ನೀವು ಪ್ರತಿನಿತ್ಯ ದುಡಿಯುವವರಾಗಿದ್ದರೆ , ಕೆಲಸ ಮಾಡುವ ಸ್ಥಳದಲ್ಲಿ ದೇವರನ್ನು ಕಂಡಂತೆ ಕನಸು ಬಿದ್ದರೆ ನೀವು ಇನ್ನೂ ಬಹಳ ಕಷ್ಟ ಪಟ್ಟು ದುಡಿದು ನಿಮ್ಮ ಜೀವನವನ್ನು ರೂಪಿಸಿಕೊಳ್ಳಬೇಕೆಂದೂ ಮತ್ತು ನೀವು ವಿದ್ಯಾರ್ಥಿಯಾಗಿ ಶಾಲೆಯಲ್ಲಿ ದೇವರು ಕಂಡಂತೆ ಕನಸು ಬಿದ್ದರೆ ಕಷ್ಟ ಪಟ್ಟು ಓದಬೇಕೆಂದೂ ಇದರ ತಾತ್ಪರ್ಯ.

ಕೋಪ

ದೇವರಿಗೆ ಸಂಬಂಧಿಸಿದಂತೆ ಬೀಳುವ ಕನಸುಗಳೆಲ್ಲವೂ ಸಕಾರಾತ್ಮಕ ಅಥವಾ ಒಳ್ಳೆಯ ಭಾವನೆಗಳನ್ನೇ ಕೊಡುತ್ತವೆ ಎಂದೇನಿಲ್ಲ. ಉದಾಹರಣೆಗೆ ದೇವರು ನಿಮ್ಮ ಮೇಲೆ ಕೋಪಿಸಿಕೊಂಡಂತೆ ಕನಸು ಬಿದ್ದರೆ , ನೀವು ದೇವರಿಗೆ ಇಷ್ಟವಿಲ್ಲದಂಥ ಕೆಲಸ ಮಾಡುತ್ತಿದ್ದೀರಿ ಮತ್ತು ನೇಮ ನಿಷ್ಠೆ ಮಡಿಯನ್ನು ಪಾಲಿಸುತ್ತಿಲ್ಲ ಎಂದರ್ಥ. ಒಂದು ವೇಳೆ ಈ ರೀತಿಯ ಕನಸು ನಿಮಗೆ ಆಗಾಗ್ಗೆ ಬೀಳುತ್ತಿದ್ದರೆ ನೀವು ಆದಷ್ಟು ಬೇಗ ನಿಮ್ಮ ಅನೀತಿಯಿಂದ ಕೂಡಿದ ಪದ್ದತಿಯನ್ನು ಬದಲಿಸಿಕೊಂಡು ಭಕ್ತಿಯಿಂದ ನಡೆದುಕೊಳ್ಳುವುದು ಒಳಿತು.