ಸುಮಾರು 3 ಗಂಟೆಯಿಂದ ಡೋರ್ ಬೆಲ್ ನೆಕ್ಕಿದ ವ್ಯಕ್ತಿ! ಇಲ್ಲಿದೆ ನೋಡಿ ವಿಡಿಯೋ!

Published: Thursday, January 10, 2019, 17:09 [IST]

ಆಧುನಿಕ ಯುಗದಲ್ಲಿ ಏನೇ ಮಾಡಿದರೂ ಅದು ಇಡೀ ಜಗತ್ತಿಗೆ ತಿಳಿಯುತ್ತದೆ. ಯಾಕೆಂದರೆ ಪ್ರತಿಯೊಂದು ಕಡೆಯಲ್ಲೂ ಈಗ ಸಿಸಿಟಿವಿ ಇರುವ ಕಾರಣದಿಂದಾಗಿಯಾವುದೇ ಕೃತ್ಯ ಮಾಡಿದರೂ ಅದು ಬೆಳಕಿಗೆ ಬರುತ್ತದೆ. ಹಿಂದೆ ಕೆಲವೊಂದು ಪ್ರಮುಖ ಸ್ಥಳಗಳಲ್ಲಿ ಮಾತ್ರ ಸಿಸಿಟಿವಿ ಇತ್ತು. ಆದರೆ ಇಂದು ಮನೆ ಹಾಗೂ ಸಣ್ಣ ಅಂಗಡಿಗಳಲ್ಲೂ ಸಿಸಿಟಿವಿ ಅಳವಡಿಸಲಾಗುತ್ತಿದೆ. ಯಾಕೆಂದರೆ ಇದರಿಂದ ಹಲವಾರು ಲಾಭಗಳು ಇವೆ. ಕಳ್ಳತನದಂತಹ ಕೃತ್ಯಗಳನ್ನು ಇದು ಸೆರೆ ಹಿಡಿಯುವುದು. ಇನ್ನು ಕೆಲವೊಮ್ಮೆ ಯಾವುದೇ ಸಂಶಯಾಸ್ಪದ ವ್ಯಕ್ತಿಗಳು ಮನೆ ಅಥವಾ ಅಂಗಡಿ ಸುತ್ತಲು ತಿರುಗಾಡಿದರೂ ಇದರಿಂದ ನಮಗೆ ತಿಳಿಯುವುದು.

ಈ ಎಲ್ಲಾ ಲಾಭಗಳನ್ನು ನೀಡುವಂತಹ ಸಿಸಿಟಿವಿಯಲ್ಲಿ ಕೆಲವೊಂದು ಸಂದರ್ಭದಲ್ಲಿ ವಿಚಿತ್ರವಾಗಿರುವ ದೃಶ್ಯಗಳು ಸೆರೆಯಾಗುವುದು. ಇದು ನಮ್ಮನ್ನು ಖಂಡಿತವಾಗಿಯೂ ನಗೆಗಡಲಿನಲ್ಲಿ ತೇಲಿಸುವುದು. ಇಂತಹ ಹಲವಾರು ವಿಡಿಯೋಗಳನ್ನು ನಾವು ಈಗಾಗಲೇ ನೋಡಿರುತ್ತೇವೆ. ಇದು ಅದಕ್ಕೆ ಮತ್ತೊಂದು ಸೇರ್ಪಡೆಯಾಗಿದೆ. ಹೌದು, ಈ ಲೇಖನದಲ್ಲಿ ನಾವು ಮನೆಯ ಡೋರ್ ಬೆಲ್ ನ್ನು ನೆಕ್ಕುವ ವ್ಯಕ್ತಿಯೊಬ್ಬ ಸಿಸಿಟಿವಿಯಲ್ಲಿ ಸೆರೆಯಾಗಿರುವ ವಿಡಿಯೋ ಬಗ್ಗೆ ಹೇಳಲಿದ್ದೇವೆ. ಆತ ಮೂರು ಗಂಟೆಗಳ ಕಾಲ ಡೋರ್ ಬೆಲ್ ನ್ನು ನೆಕ್ಕಿದ್ದಾನೆ. ಅದನ್ನು ನೀವು ಓದಿ, ನಗಲು ತಯಾರಾಗಿ...

ಘಟನೆ ನಡೆದಿರುವುದು ಕ್ಯಾಲಿಫೋರ್ನಿಯಾದಲ್ಲಿ….

ಕ್ಯಾಲಿಫೋರ್ನಿಯಾದ ಸಾಲಿನಸ್ ಎಂಬಲ್ಲಿ 33ರ ಹರೆಯದ ರಾಬರ್ಟ್ ಡೇನಿಯಲ್ ಅರ್ರೊಯೊ ಎಂಬಾತ ವಿಚಿತ್ರವಾಗಿ ವರ್ತಿಸುತ್ತಿರುವಂತಹ ದೃಶ್ಯವು ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ದೃಶ್ಯಾವಳಿಗಳು ತೋರಿಸಿದಂತೆ...

ಮನೆಯ ಮುಖ್ಯ ಬಾಗಿಲಿನ ಹೊರಗಡೆ ಇರುವಂತಹ ಇಂಟರ್ ಕಾಮ್ ಗೆ ವಿರುದ್ಧವಾಗಿ ತನ್ನ ತಲೆ ತೂರಿಸಿಕೊಳ್ಳುವ ಈ ವ್ಯಕ್ತಿ ಹಲವಾರು ಕಡೆಗಳಿಂದ ಡೋರ್ ಬೆಲ್ ನ್ನು ಮೂರು ಗಂಟೆಗಳ ಕಾಲ ನೆಕ್ಕುತ್ತಿರುವಂತಹ ದೃಶ್ಯವು ಸಿಸಿಟಿವಿಯಲ್ಲಿ ಕಾಣಿಸಿಕೊಂಡಿದೆ.

ಮುಂಜಾನೆ ಐದು ಗಂಟೆಗೆ ಈ ಘಟನೆ ನಡೆದಿದೆ!

ಈ ಘಟನೆಯು ನಡೆದಿರುವ ವೇಳೆ ಮನೆಯ ಮಾಲಕರು ಮನೆಯಲ್ಲಿರಲಿಲ್ಲ. ಆದರೆ ಮನೆಯಲ್ಲಿ ಅವರ ಮಕ್ಕಳು ಇದ್ದ ಕಾರಣ ಅವರಿಗೆ ಸಿಸಿಟಿವಿಯಲ್ಲಿ ಚಲನವಲನಗಳ ಬಗ್ಗೆ ಮಾಹಿತಿ ಸಿಕ್ಕಿದೆ. ಸಿಸಿಟಿವಿ ವಿಡಿಯೋವನ್ನು ನೋಡಿದಾಗ ವ್ಯಕ್ತಿಯೊಬ್ಬ ಬೆಲ್ ನ್ನು ನೆಕ್ಕುತ್ತಿರುವಂತಹ ದೃಶ್ಯವು ಅವರನ್ನು ಅಚ್ಚರಿಗೀಡು ಮಾಡಿದೆ.

ಈ ವಿಡಿಯೋ ವೈರಲ್ ಆಯಿತು…

ತುಂಬಾ ವಿಚಿತ್ರವಾಗಿರುವಂತಹ ವಿಡಿಯೋವು ಈಗ ವೈರಲ್ ಆಗಿದೆ ಮತ್ತು ಈ ಕ್ಯಾಮರಾದಲ್ಲಿ ವ್ಯಕ್ತಿಯ ಮುಖವು ಸರಿಯಾಗಿ ಸೆರೆಯಾದ ಕಾರಣದಿಂದ ಆ ವ್ಯಕ್ತಿಯನ್ನು ಪೊಲೀಸರಿಗೆ ಬಂಧಿಸಲು ಸಹಕಾರಿಯಾಗಿದೆ. ಆದರೆ ಆ ವ್ಯಕ್ತಿಯು ಮನೆಯ ಯಾವುದೇ ವಸ್ತುವಿಗೆ ಹಾನಿ ಮಾಡಿಲ್ಲ ಮತ್ತು ಕಳ್ಳತನವು ನಡೆದಿಲ್ಲವೆಂದು ಪೊಲೀಸರು ತಿಳಿಸಿದ್ದಾರೆ. ಆದರೆ ಈ ಸಂಪೂರ್ಣ ವಿಡಿಯೋ ಮಾತ್ರ ತುಂಬಾ ವಿಚಿತ್ರ ವ್ಯಕ್ತಿತ್ವವನ್ನು ತೋರಿಸುವುದು. ಈ ವಿಡಿಯೋ ಬಗ್ಗೆ ನಿಮ್ಮ ಅನಿಸಿಕೆಯೇನು? ನಿಮ್ಮ ಅಭಿಪ್ರಾಯವನ್ನು ಕಮೆಂಟ್ ಬಾಕ್ಸ್ ಗೆ ಹಾಕಿ.

Comments

English summary

Man Licking Doorbell For 3 Long Hours!

A very bizarre and weird footage of a CCTV camera as it showed an unknown intruder licking a family doorbell for about 3 hours long. As per the reports, the owners of the house were not around at the time of the incident. But the kids were said to have been indoors while the funny scene was taking place outside.

Story first published: Thursday, January 10, 2019, 18:30 [IST]

Other articles published on Jan 10, 2019