ಮಹಿಳೆಯ ಹೊಟ್ಟೆಯಲ್ಲಿತ್ತು ಒಂದು ಅಡಿ ಉದ್ದದ ಹುಳ

ಹತ್ತು ವರ್ಷಗಳಿಂದ ಆಕೆ ಬಳಲುತ್ತಿದ್ದರು

ಕಳೆದ ಹತ್ತು ವರ್ಷಗಳಿಂದ ಯಂಗ್ ಎಂಬ ಮಹಿಳೆಯು ಹೊಟ್ಟೆ ನೋವಿನಿಂದಾಗಿ ತುಂಬಾ ಸಂಕಷ್ಟ ಪಡುತ್ತಿದ್ದರು. ನಗರದಲ್ಲಿರುವ ಹಲವಾರು ಆಸ್ಪತ್ರೆಗಳು ಹಾಗೂ ವೈದ್ಯರನ್ನು ಆಕೆ ಭೇಟಿಯಾಗಿದ್ದರು. ಆದರೆ ಹೊಟ್ಟೆ ನೋವಿಗೆ ನಿಖರ ಕಾರಣ ಮಾತ್ರ ತಿಳಿದುಬಂದಿರಲಿಲ್ಲ.

ಇತ್ತೀಚೆಗೆ ಆಕೆಯ ಹೊಟ್ಟೆ ನೋವಿಗೆ ನಿಖರ ಕಾರಣ ತಿಳಿಯಿತು

ಇತ್ತೀಚೆಗೆ ಮಹಿಳೆಯ ಎಂಡೋಸ್ಕೋಪಿ ಮಾಡಿದ ವೇಳೆ ವೈದ್ಯರಿಗೆ ಆಕೆಯ ಕರುಳಿನಲ್ಲಿ ಜಂತುಹುಳು ಇರುವುದು ಪತ್ತೆಯಾಗಿದೆ. ಈ ಪರಾವಲಂಬಿಯು ಹೊಟ್ಟೆಯಲ್ಲಿ ಸುತ್ತಿಕೊಂಡಿತ್ತು. ಹೊಟ್ಟೆಯಲ್ಲಿ ಇದು ಸುತ್ತಿಕೊಂಡಿದ್ದ ಕಾರಣದಿಂದಾಗಿ ಅದಕ್ಕೆ ಬೆಳೆಯಲು ಸರಿಯಾದ ಪರಿಸ್ಥಿತಿ ನಿರ್ಮಾಣವಾಯಿತು ಎಂದು ವೈದ್ಯರು ಹೇಳಿರುವರು. ಮಹಿಳೆಗೆ ದಶಕದಿಂದ ಆಸ್ಕರಿಯಾಸಿಸ್ ಕಾಡುತ್ತಲಿತ್ತು. ಬಿಸಿ ಮಾಡದೆ ಇರುವ ನೀರನ್ನು ಆಕೆ ಕುಡಿಯುತ್ತಲಿದ್ದರು ಎಂದು ಆಕೆ ಹೇಳಿಕೊಂಡಿರುವರು.

ಡಾ. ಲೀ ಜುಯಾನ್ ಹೇಳುವ ಪ್ರಕಾರ

ಡಾ. ಲೀ ಜುಯಾನ್ ಅವರು ಮಹಿಳೆಗೆ ಎಂಡೋಸ್ಕೋಪಿ ಮಾಡುವಂತೆ ಸೂಚಿಸಿದ್ದರು. ಯಾಕೆಂದರೆ ಇದರಿಂದಾಗಿ ಆಕೆಯ ಸಮಸ್ಯೆಯನ್ನು ಸರಿಯಾಗಿ ಪರಿಹರಿಸಲು ಸಾಧ್ಯವಾಗುತ್ತಿತ್ತು. ಆಕೆಯನ್ನು ಪರೀಕ್ಷಿಸಿದ ಬಳಿಕ ಹೊಟ್ಟೆಯಲ್ಲಿ ಹುಳು ಇರುವುದು ಕಂಡುಬಂದಿದೆ.

ಹುಳುವನ್ನು ತೆಗೆಯಲಾಯಿತು

ಎರಡು ಚಿಮುಟ ಬಳಸಿಕೊಂಡು ಹುಳುವನ್ನು ಮಹಿಳೆಯ ಹೊಟ್ಟೆಯಿಂದ ಹೊರಗೆ ತೆಗೆಯಲಾಯಿತು. ಎಂಡೋಸ್ಕೋಪಿಯಲ್ಲಿ ಮಾಡಿರುವಂತಹ ಸಣ್ಣ ತೂತಿನಿಂದಾಗಿ ಇದನ್ನು ಹೊರಗೆ ಎಳೆಯಲಾಯಿತು. ಇದರ ಬಳಿಕ ಯಾಂಗ್ ಮತ್ತು ಅವರ ಸಂಪೂರ್ಣ ಕುಟುಂಬಕ್ಕೆ ಪರಾವಲಂಬಿ ವಿರೋಧಿ ಔಷಧಿಯನ್ನು ನೀಡಲಾಯಿತು. ಇದರಿಂದ ಮುಂದೆ ಸೋಂಕು ಬರುವುದು ತಡೆಯಬಹುದಾಗಿದೆ.

ಆಸ್ಕರಿಯಾಸಿಸ್ ಎನ್ನುವುದು ಹುಳುಗಳ ಮೊಟ್ಟೆಯು ಹೊಟ್ಟೆಯ ಒಳಗೆ ಹೋಗುವುದರಿಂದ ಬರುವುದಾಗಿದೆ. ಕಲುಷಿತ ಕೈಗಳು ಅಥವಾ ಬೆರಳುಗಳಿಂದ ನಾವು ಏನಾದರೂ ತಿಂದರೆ ಹೀಗೆ ಆಗುವುದು. ಹೀಗಾಗಿ ನಾವು ತರಕಾರಿ ಹಾಗೂ ಹಣ್ಣುಗಳನ್ನು ತಿನ್ನುವ ಬದಲು ಅದನ್ನು ಸರಿಯಾಗಿ ತೊಳೆಯಬೇಕು.