ಅಚ್ಚರಿ ಜಗತ್ತು: ಹಣೆಗೆ ನಾಲಿಗೆ ತಾಗಿಸುವ ನೇಪಾಳದ ವ್ಯಕ್ತಿ!

35ರ ಹರೆಯದ ಕತುವಾಲ್

ಯಾಗ್ಯ ಬಹದೂರ್ ಕತುವಾಲ್ 35ರ ಹರೆಯದ ವ್ಯಕ್ತಿ. ಆತ ತನ್ನ ಅತೀ ಉದ್ದದ ನಾಲಗೆಯಿಂದ ತನ್ನ ಹಣೆಯನ್ನು ನೆಕ್ಕಬಲ್ಲನು. ನೇಪಾಳದಲ್ಲಿ ಶಾಲಾ ಬಸ್ ನ ಚಾಲಕನಾಗಿರುವ ಈತ ವಿಶ್ವದಲ್ಲಿ ಅತೀ ಉದ್ದದ ನಾಲಗೆ ಇರುವುದಾಗಿ ಹೇಳುತ್ತಿದ್ದಾನೆ.

ಸೆಕೆಂಡುಗಳಲ್ಲಿ ತನ್ನ ಮುಖವನ್ನು ರಬ್ಬರ್ ತರಹ ಮಾಡುವನು!

ಯಾಗ್ಯ ಬಹದೂರ್ ಕತುವಾಲ್ ತನ್ನ ಮುಖವನ್ನು ರಬ್ಬರ್ ನಂತೆ ತಿರುಗಿಸುವಲ್ಲಿ ತುಂಬಾ ನಿಪುಣನಾಗಿದ್ದಾನೆ. ಆತನ ಒಂದು ಹಲ್ಲು ಮಾತ್ರ ಬಾಯಿಯಲ್ಲಿ ಇದೆ. ಇದರಿಂದಾಗಿ ಆತ ಕೆಲವೇ ಸೆಕೆಂಡುಗಳಲ್ಲಿ ರಬ್ಬರ್ ನ ಮುಖವನ್ನು ಮಾಡಬಲ್ಲನು. ತನಗೆ ಮುಖ ತೊಳೆಯುವ ವೇಳೆ ನಾಲಗೆಯನ್ನು ಸ್ವಚ್ಛ ಮಾಡಿಕೊಳ್ಳಲು ಹೆಚ್ಚಿನ ಸಮಯ ಬೇಕಾಗುತ್ತದೆ. ಯಾಕೆಂದರೆ ಅದು ಸಾಮಾನ್ಯ ನಾಲಗೆಗಿಂತ ಅತೀ ಉದ್ದವಿದೆ ಎಂದು ಆತ ಹೇಳುತ್ತಾನೆ.

ಈತನ ವಿಚಿತ್ರ ಹಾವಭಾವ

ಈತನ ಈ ವಿಚಿತ್ರ ಹಾವಭಾವದಿಂದಾಗಿ ಶಾಲಾ ಬಸ್ಸಿನಲ್ಲಿ ತೆರಳುವ ಮಕ್ಕಳನ್ನು ಭೀತಿಗೊಳಿಸುವ ಕಾರಣದಿಂದಾಗಿ ಆತನಿಗೆ ಬಸ್ ನಲ್ಲಿ ಇದನ್ನು ಪ್ರದರ್ಶಿಸಲು ಅವಕಾಶ ನೀಡಲಾಗಿಲ್ಲ. ತನ್ನ ವಿಚಿತ್ರ ಹಾವಭಾವದಿಂದಾಗಿ ಮಕ್ಕಳು ಚಡ್ಡಿಯಲ್ಲೇ ಸೂಸೂ ಮಾಡಿಕೊಂಡಿರುವರು ಮತ್ತು ದೊಡ್ಡವರು ಕೂಡ ತುಂಬಾ ಭೀತಿಗೊಳಗಾಗಿದ್ದಾರೆ.

ಫೇಸ್ ಬುಕ್ ನಲ್ಲಿ ವಿಡಿಯೋ

ಆತನ ಗೆಳೆಯ ಫೇಸ್ ಬುಕ್ ನಲ್ಲಿ ವಿಡಿಯೋ ಹಾಕಿದ ಯಾಗ್ಯ ಬಹದೂರ್ ಕತುವಾಲ್ ನ ಗೆಳೆಯನೊಬ್ಬ ಫೇಸ್ ಬುಕ್ ನಲ್ಲಿ ವಿಡಿಯೋ ಅಪ್ ಲೋಡ್ ಮಾಡಿದ ಬಳಿಕ ಬಹದೂರ್ ಈಗ ತನ್ನ ಊರಿನಲ್ಲಿ ದೊಡ್ಡ ಸೆಲೆಬ್ರಿಟಿಯಾಗಿದ್ದಾನೆ. ಆತ ಹಣೆಯನ್ನು ನೆಕ್ಕಿಕೊಳ್ಳುವ ವಿಡಿಯೋವನ್ನು ಫೇಸ್ ಬುಕ್ ಗೆ ಹಾಕಲಾಗಿದೆ. ಯಾಗ್ಯ ಸಣ್ಣ ವಯಸ್ಸಿನಲ್ಲೇ ತನ್ನಲ್ಲಿರುವಂತಹ ಪ್ರತಿಭೆಯನ್ನು ಗುರುತಿಸಿಕೊಂಡಿದ್ದ ಮತ್ತು ಮುಖವನ್ನು ವಿಚಿತ್ರವಾಗಿ ತಿರುಗಿಸಲು ಆತನಿಗೆ ಯಾವುದೇ ಹಿಂಜರಿಕೆಯಾಗುತ್ತಿಲ್ಲ.

ಜನರು ಏನು ಬೇಕಾದರೂ ಹೇಳಿಕೊಳ್ಳಲಿ, ಈತನಿಗೆ ಅದು ಕ್ಯಾರೇ ಇಲ್ಲ!

ಯಾಗ್ಯ ಬಹದೂರ್ ಕತುವಾಲ್ ಹೆಚ್ಚಿನ ಆತ್ಮವಿಶ್ವಾಸ ಹೊಂದಿರುವ ವ್ಯಕ್ತಿಯಾಗಿದ್ದಾನೆ. ಇದರಿಂದಾಗಿ ಬೇರೆಯವರು ಏನೇ ಟೀಕೆ ಮಾಡಿದರೂ ಇದು ಆತನ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ. ಆತ ತುಂಬಾ ಸುಂದರವಾಗಿ ಕಾಣಿಸುತ್ತಾನೆ ಮತ್ತು ತನ್ನ ಸುತ್ತಲು ಇರುವಂತಹ ಜನರನ್ನು ಮನರಂಜಿಸಲು ಆತನಿಗೆ ಇಷ್ಟವಂತೆ. ಈ ಸುದ್ದಿ ಬಗ್ಗೆ ನಿಮ್ಮ ಅಭಿಪ್ರಾಯವೇನು? ನಿಮ್ಮ ಅನಿಸಿಕೆಗಳನ್ನು ಕಮೆಂಟ್ ಬಾಕ್ಸ್ ಗೆ ಹಾಕಲು ಮರೆಯಬೇಡಿ.