ಅಗ್ನಿ ಚಿಹ್ನೆಗಳು ಎಂದರೇನು? ಇದರ ಅಡಿಯಲ್ಲಿ ಯಾವ್ಯಾವ ರಾಶಿಯವರು ಬರುತ್ತಾರೆ?

ಉಷ್ಣತೆ ಹಾಗೂ ಸ್ವಾಗತದ ಸ್ವಭಾವ

ಬೆಂಕಿ ಎಂದರೆ ಉಷ್ಣತೆ ಎನ್ನುವುದು ಸಾಮಾನ್ಯವಾಗಿ ಎಲ್ಲರೂ ತಿಳಿದ ವಿಚಾರ. ಬೆಂಕಿಯ ಚಿಹ್ನೆಯು ಅದನ್ನೇ ಪ್ರತಿಬಿಂಬಿಸುತ್ತದೆ. ಇದೇ ಗುಣವನ್ನು ಅಗ್ನಿ ಚಿಹ್ನೆ ಹೊಂದಿರುವ ವ್ಯಕ್ತಿಗಳಲ್ಲಿ ಅಡಕವಾಗಿರುತ್ತವೆ. ಹೆಚ್ಚು ಉಷ್ಣತೆಯ ಸ್ವಭಾವ ಹಾಗೂ ಸ್ನೇಹಿತರನ್ನು ನಗುಮುಖದಿಂದ ಸ್ವಾಗತಿಸುವ ಗುಣಗಳು ಇರುತ್ತವೆ. ಆಯಾ ರಾಶಿಚಕ್ರಗಳ ಮನೆಯವರು ಅವರ ಸ್ವಭಾವದಲ್ಲಿ ಹೆಚ್ಚು ಆರಾಮಾದಾಯಕವಾಗಿರುತ್ತಾರೆ. ಅಗ್ನಿ ಚಿಹ್ನೆಯನ್ನು ಹೊಂದಿರುವವರ ಆಪ್ತರು ಅವರಿಂದ ಬೆಚ್ಚಗಿನ ಅಥವಾ ಸುರಕ್ಷಿತವಾದ ಭರವಸೆಯನ್ನು ಹೊಂದಿರುತ್ತಾರೆ. ಬೆಂಕಿಯ ಚಿಹ್ನೆಯಡಿಯಲ್ಲಿ ಬರುವ ರಾಶಿಚಕ್ರದವರು ತಮ್ಮವರು ಹಾಗೂ ಅವರ ಸ್ನೇಹಿತರಿಗೆ ಹೆಚ್ಚು ರಕ್ಷಣಾತ್ಮಕವಾಗಿ ಇರುತ್ತಾರೆ. ಇವರ ಸುತ್ತಲಿರುವ ವ್ಯಕ್ತಿಗಳು ಇವರಿಗೆ ನೋವಾಗದಂತೆ ಮಾಡದಿದ್ದರೆ ಸಂತೋಷದಿಂದ ಇರುತ್ತಾರೆ ಎಂದು ಹೇಳಬಹುದು.

ಕೆಲವೊಮ್ಮೆ ಅನಿಯಂತ್ರಿತ ಆದರೂ ಸ್ವತಂತ್ರ

ಚೆಂಕಿಯ ಚಿಹ್ನೆ ಹೊಂದಿರುವವರು ಸ್ವಾತಂತ್ರ್ಯವನ್ನು ಬಯಸುತ್ತಾರೆ. ಅವರ ದಾರಿಯಲ್ಲಿ ಅಡೆತಡೆ ಉಂಟಾದರೆ ಬೆಂಕಿಯಂತಹ ಕೋಪ ಬರುವುದು. ಸ್ವಂತ ಮನೆಯಲ್ಲಿಯೇ ಅಗ್ನಿಯ ಚಿಹ್ನೆ ಹೊಂದಿರುವುದರಿಂದ ಇವರಿಗೆ ತಕ್ಷಣಕ್ಕೆ ಹೆಚ್ಚು ಕೋಪ ಬರುವುದು. ಇವರು ಇತರರು ಮಾಡುವ ಅನಪೇಕ್ಷಿತ ಪ್ರಶ್ನೆಗಳನ್ನು ಇಷ್ಟಪಡುವುದಿಲ್ಲ. ಜೊತೆಗೆ ಇವರು ಕೆಲಸ ಮಾಡುವ ಸ್ಥಳದಲ್ಲಿ ಇತರರು ಆದೇಶ ಮಾಡುವುದನ್ನು ಬಯಸದ ವ್ಯಕ್ತಿಗಳು ಎನ್ನಲಾಗುವುದು. ಇವರು ತಮ್ಮ ಜೀವನದಲ್ಲಿ ಅತ್ಯುತ್ತಮ ವ್ಯಕ್ತಿಗಳು ಎಂದು ಭಾವಿಸುವರು. ಜೊತೆಗೆ ಇತರರು ಹಾಗೆಯೇ ಭಾವಿಸಬೇಕೆಂದು ಬಯಸುವರು. ಕೆಲವೊಮ್ಮೆ ಇವರ ಸ್ವಭಾವದಲ್ಲಿ ಅನಿಯಂತ್ರಿತರಾಗಿರುವಂತೆ ಕಾಣುವರು. ಇವರು ಇತರರ ಆದೇಶಗಳನ್ನು ಸ್ವೀಕರಿಸದ ವ್ಯಕ್ತಿಗಳಾಗಿರುತ್ತಾರೆ.

ಬೆಂಕಿಯಂತೆ ಉತ್ಕಟ ಭಾವದಿಂದ ಸಕ್ರಿಯರಾಗಬಹುದು:

ಬೆಂಕಿ ಅರ್ಧ ಸುಟ್ಟು ಬೂದಿಯಾದ ಮೇಲೂ ಮತ್ತೊಮ್ಮೆ ಕಿಡಿಕಾಡಲು ನಿರ್ಧರಿಸಬಹುದು. ಇಲ್ಲವೇ ಗಾಳಿಯನ್ನು ಅನುಸರಿಸಿ ಪುನಃ ಬೆಂಕಿಯಾಗಿ ಉರಿಯಲು ಕಾರಣವಾಗಬಹುದು. ಹಾಗೆಯೇ ಬೆಂಕಿಯ ಚಿಹ್ನೆ ಹೊಂದಿರುವ ವ್ಯಕ್ತಿಗಳು ಹೆಚ್ಚು ಸಕ್ರಿಯರಾಗಿರುತ್ತಾರೆ. ಅವರು ಯಾವುದಾದರೂ ವಿಚಾರಗಳಿಗೆ ಭಾವೋದ್ರಿಕ್ತರಾಗಿದ್ದರೆ ಅದರಲ್ಲಿ ಮಹತ್ತರವಾದ ಉತ್ಸಾಹವನ್ನು ತೋರಿಸುತ್ತಾರೆ. ಅಪೇಕ್ಷಿತ ವಿಚಾರಗಳನ್ನು ನೋಡಲು ಹಾಗೂ ಅದರಲ್ಲಿ ತಮ್ಮನ್ನು ತೊಡಗಿಸಿಕೊಳ್ಳಲು ಹೆಚ್ಚಿನ ಉತ್ಸಾಹವನ್ನು ತೋರುವರು. ಈ ಸ್ವಭಾವವು ಇವರಿಗೆ ದೈಹಿಕ ಜೀವನ ಕ್ರಮಗಳನ್ನು ನೇರವಾಗಿ ಶಕ್ತಿಯಿಂದ ನಿರ್ದೇಶಿಸಲು ಸಹಾಯ ಮಾಡುವುದು. ಕೆಲವೊಮ್ಮೆ ಗಾಳಿಯ ಉಪಸ್ಥಿತಿ ಬರುವವರೆಗೂ ಬೆಂಕಿ ಅಡಗಿರುತ್ತದೆಯೋ ಹಾಗೆಯೇ ಇವರು ಜೀವನದಲ್ಲಿ ಕೆಲವೊಮ್ಮೆ ಸೋಮಾರಿ ವರ್ತನೆಯಿಂದ ಸುಮ್ಮನೆ ಕುಳಿತುಕೊಳ್ಳಬಹುದು.

ದೌರ್ಬಲ್ಯವನ್ನು ಅಡಗಿಸಲು ಇವರು ಅವಕಾಶವಾದಿಗಳು

ಅವಕಾಶ ಸಿಕ್ಕಿದ ತಕ್ಷಣ ಅದನ್ನು ಬಳಸಿಕೊಳ್ಳುವರು. ಅವಕಾಶಕ್ಕಾಗಿ ಕಾದು ಕುಳಿತುಕೊಳ್ಳುವ ಪ್ರವೃತ್ತಿ ಇವರದ್ದಾಗಿರುವುದಿಲ್ಲ. ಏಕೆಂದರೆ ಇವರಿಗೆ ಹೆಚ್ಚು ಕಾಲ ಕಾಯುವ ತಾಳ್ಮೆ ಹಾಗೂ ಮನಸ್ಸು ಎರಡೂ ಇರುವುದಿಲ್ಲ. ಸಿಕ್ಕ ಅವಕಾಶಗಳನ್ನು ಬಿಡುವುದಿಲ್ಲ. ಆದ್ದರಿಂದ ಇವರನ್ನು ಅವಕಾಶವಾದಿಗಳು ಎಂದು ಕರೆಯುತ್ತಾರೆ. ಇವರು ತಮ್ಮ ದೌರ್ಬಲ್ಯ ಏನು ಎನ್ನುವುದು ಚೆನ್ನಾಗಿ ತಿಳಿದಿರುತ್ತಾರೆ. ಅದನ್ನು ಪ್ರಪಂಚಕ್ಕೆ ತೋರಿಸಿಕೊಳ್ಳಲು ಬಯಸುವುದಿಲ್ಲ. ಇವರು ಮಾನಸಿಕ ಶಕ್ತಿಯನ್ನು ಹೆಚ್ಚು ಪ್ರದರ್ಶನ ಮಾಡುತ್ತಾರೆ. ಇದು ಕೆಲವೊಮ್ಮೆ ಅವರ ಅಹಂಕಾರಕ್ಕೆ ಕಾರಣವಾಗಬಹುದು ಎನ್ನಲಾಗುವುದು.