'ಮಲದ ಕಸಿ'ಯ ಹೊಸ ಚಿಕಿತ್ಸೆ! ಅಚ್ಚರಿಯಾದರೂ ನಂಬಲೇಬೇಕು

ಕ್ಲಾಸ್ಟ್ರಿಡಿಯಮ್ ಡಿಫಿಸಿಲ್ ಇನ್ಫೆಕ್ಷನ್ ಎನ್ನುವ ಕಾಯಿಲೆ

ಕ್ಲಾಸ್ಟ್ರಿಡಿಯಮ್ ಡಿಫಿಸಿಲ್ ಇನ್ಫೆಕ್ಷನ್ ಎನ್ನುವು ಕರುಳಿನ ಉರಿಯೂತ ಕಾಯಿಲೆ(ಐಬಿಡಿ)ಯ ಪರಿಸ್ಥಿತಿಯಾಗಿದೆ. ಇದರಿಂದ ದೀರ್ಘಕಾಲದ ಉರಿಯೂತ ಮತ್ತು ಜೀರ್ಣಕ್ರಿಯೆ ವ್ಯವಸ್ಥೆಯಲ್ಲಿ ಅಲ್ಸರ್ ಉಂಟಾಗುವುದು. ಇದು ದೊಡ್ಡಕರುಳಿನ ತುಂಬಾ ಒಳಗಿನ ಪದರ ಮತ್ತು ಗುದನಾಳಕ್ಕೆ ಪರಿಣಾಮ ಬೀರುವುದು. ಇದರಿಂದ ಗುದನಾಳದಲ್ಲಿ ರಕ್ತಸ್ರಾವ, ಭೇದಿ ಮತ್ತು ಹೊಟ್ಟೆಯಲ್ಲಿ ಕಿರಿಕಿರಿ ಕಾಣಿಸಬಹುದು.

ಮೊದಲ ಕಸಿ ಮಾಡಿಸಿದಾಗ ಮಹಿಳೆ

ವರದಿಗಳ ಪ್ರಕಾರ ಈ ಕಸಿ ಮಾಡಿಸಿಕೊಂಡವರು 80ರ ಹರೆಯದ ಮಹಿಳೆ. ಆಕೆಯು ಹೊಟ್ಟಯ ಸೋಂಕು ಕ್ಲಾಸ್ಟ್ರಿಡಿಯಮ್ ಡಿಫಿಸಿಲ್ ಇನ್ಫೆಕ್ಷನ್ ನಿಂದ ತೀವ್ರವಾಗಿ ಬಳಲುತ್ತಿದ್ದಳು. ರೋಗಿಯ ನರ್ಸ್ ನ ಪತಿಯಿಂದ ಪಡೆದ ಮಲದ ಸ್ಯಾಂಪಲ್ ನ್ನು ವೈದ್ಯರು ಪಡೆದರು ಮತ್ತು ಅದರಿಂದ ಮಲದ ಶೇಕ್ ಮಾಡಿದರು. ಇದನ್ನು ಕ್ಯಾಲಿಫೋರ್ನಿಯಾದ ಮೊದಲ ಮಲದ ಕಸಿ ಎಂದು ಕರೆಯಲಾಯಿತು. ಇದನ್ನು ಎಫ್ ಎಂಟಿ ಎಂದೂ ಕರೆಯಲಾಗುತ್ತದೆ. ಕಸಿಯು ಯಶಸ್ವಿಯಾಗಿದೆ ಮತ್ತು ಮಹಿಳೆಯು ಸಂಪೂರ್ಣವಾಗಿ ಚೇತರಿಸಿಕೊಂಡಿದ್ದಾಳೆ.

ಕಸಿ ಹೇಗೆ ಮಾಡಲಾಯಿತು?

ಕಸಿಗೆ ಸುರಕ್ಷಿತವೆಂದು ಕಂಡುಬರುವ ಆರೋಗ್ಯವಂತ ವ್ಯಕ್ತಿಗಳಿಂದ ಮಲದ ಸ್ಯಾಂಪಲ್ ನ್ನು ಆಸ್ಪತ್ರೆಯು ಪಡೆಯುತ್ತದೆ. ಇದರ ಬಳಿಕ ಮಲವನ್ನು ಸಂಸ್ಕರಿಸಿ ಅದನ್ನು ಬಳಸಲು ಯೋಗ್ಯವನ್ನಾಗಿಸಲಾಗುವುದು. ಕೊಲೊನೊಸ್ಕೊಪಿ, ಎಂಟೊಸ್ಕೊಪಿ ಅಥವಾ ಎನೆಮಾ ಮೂಲಕ ಮಲವನ್ನು ಕಸಿ ಮಾಡಲಾಗುವುದು.

ಅಮೆರಿಕಾದಲ್ಲಿ ಈ ಚಿಕಿತ್ಸೆ ಜನಪ್ರಿಯವಾಗುತ್ತಿದೆ

ಮಲದ ಕಸಿ ಮಾಡುವಂತಹ ಆಸ್ಪತ್ರೆಗೆ ಎರಡು ಗಂಟೆಯಲ್ಲಿ ತಲುಪಬಹುದಾದ ವ್ಯಾಪ್ತಿಯಲ್ಲಿ ಶೇ. 98ರಷ್ಟು ಅಮೆರಿಕಾದ ಜನಸಂಖ್ಯೆಯು ವಾಸಿಸುತ್ತಿದೆ ಎಂದು ಸಂಶೋಧನ ಸಮೀಕ್ಷೆಗಳು ಹೇಳಿವೆ. ಮಲವನ್ನು ಶೀತಲೀಕರಣಗೊಳಿಸಿ ಒಂದು ವಾರದ ಅವಧಿಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆಯಂತೆ.

ಮಲದ ಕಸಿಯು ಹೊಸ ಟ್ರೆಂಡ್ ಆಗುತ್ತಿದೆ

ಜನರು ಈ ಚಿಕಿತ್ಸೆ ಬಗ್ಗೆ ಹೆಚ್ಚಿನ ಆಸಕ್ತಿ ವಹಿಸುತ್ತಿರುವ ಹಿನ್ನೆಲೆಯಲ್ಲಿ ಮಲದ ಕಸಿ ಚಿಕಿತ್ಸೆಯು ಟ್ರೆಂಡ್ ಆಗುತ್ತಿದೆ. ಈ ಚಿಕಿತ್ಸೆಯು ಐಬಿಡಿಯಿಂದ ಆಟೋಇಮ್ಯೂನ್ ಕಾಯಿಲೆಗಳಿಗೆ ಬಳಸಬಹುದು ಎಂದು ವೈದ್ಯರು ಹೇಳಿದ್ದಾರೆ. ಈ ಹೊಸ ಚಿಕಿತ್ಸೆ ಬಗ್ಗೆ ನಿಮ್ಮ ಅನಿಸಿಕೆಯೇನು? ನಿಮ್ಮ ಅನಿಸಿಕೆಯನ್ನು ಮನದಲ್ಲೇ ಇರಲು ಬಿಡಬೇಡಿ. ಬರೆದು ಕಮೆಂಟ್ ಬಾಕ್ಸ್ ಗೆ ಹಾಕಿ.