ಅಂಗೈ ನೋಡಿ ನೀವು ಲಾಟರಿ ಗೆಲ್ಲುತ್ತೀರಾ, ಇಲ್ಲವಾ? ಎಂದು ಹೇಳಬಹುದಂತೆ!!

ಅಂಗೈಯಲ್ಲಿ ಹೆಚ್ಚಿನ ಹಣದ ಗೆರೆಗಳಿದ್ದರೆ...

ಉಂಗುರದ ಬೆರಳು ಮತ್ತು ಕಿರುಬೆರಳಿನ ಮಧ್ಯೆ ಹಣದ ಗೆರೆಯು ಇರುವುದು. ಹಣದ ಗೆರೆಯು ಒಂದಕ್ಕಿಂತ ಹೆಚ್ಚು ಇದ್ದರೆ ಆಗ ಲಾಟರಿ ಗೆಲ್ಲುವ ಅಥವಾ ಜಾಕ್ ಪಾಟ್ ಹೊಡೆಯುವ ಸಂಭವವಿರುವುದು. ಇದನ್ನು ಹೊರತುಪಡಿಸಿ, ನೀವು ಈ ಕೆಲಸದಲ್ಲಿ ಸ್ಥಿರತೆಯಿಂದ ಇದ್ದರೆ ಲಾಟರಿ ಒಲಿಯುವುದು.

ತಲೆಗೆರೆಯು ಮೇಲ್ಮುಖವಾಗಿದ್ದರೆ...

ಹಸ್ತಮುದ್ರಿಕಾ ಶಾಸ್ತ್ರದಲ್ಲಿ ತಲೆಗೆರೆಯು ತುಂಬಾ ಪ್ರಾಮುಖ್ಯತೆ ಪಡೆದಿದೆ. ತಲೆಗೆರೆಯು ಅಂತ್ಯದಲ್ಲಿ ಕವಲೊಡೆದು, ಮೇಲ್ಮುಖವಾಗಿ ಸಾಗಿದರೆ ಇದರರ್ಥ ಒಳ್ಳೆಯ ಅದೃಷ್ಟವಿದೆ ಮತ್ತು ಶ್ರೀಮಂತರಾಗುವ ಲಕ್ಷಣಗಳಿವೆ. ಅರಿವಿಲ್ಲದೆಯೇ ನೀವು ಅದೃಷ್ಟ ಪರೀಕ್ಷೆ ಮಾಡಬಹುದು.

ವಿಧಿಗೆರೆಯು ಮೇಲ್ಮುಖವಾಗಿ ಕವಲೊಡೆದಿರುವುದು

ಕವಲೊಡೆದ ವಿಧಿಗೆರೆಯು ಮೇಲ್ಮುಖವಾಗಿ ಸಾಗಿದಾಗ ನಿಮಗೆ ಹಠಾತ್ ಆಗಿ ಲಾಟರಿಯಲ್ಲಿ ಕೋಟ್ಯಂತರ ರೂ. ಗೆಲ್ಲುವಂತಹ ಸಂಭವವಿದೆ ಎಂದು ಹೇಳಬಹುದು.

ಜೀವನದ ಗೆರೆ ಮತ್ತು ತಲೆಗೆರೆ ಆರಂಭದಲ್ಲಿ ಮೇಲ್ಮುಖವಾದ ಗೆರೆ

ಜೀವನದ ಗೆರೆ ಮತ್ತು ತಲೆಗೆರೆಯ ಆರಂಭದಲ್ಲಿ ಮೇಲ್ಮುಖವಾದ ಗೆರೆಯಿದ್ದರೆ ಆಗ ಆ ವ್ಯಕ್ತಿಯು ಲಾಟರಿ ಗೆಲ್ಲುವ ಸಾಧ್ಯತೆಯು ಹೆಚ್ಚಾಗಿರುವುದು. ಈ ವ್ಯಕ್ತಿಗಳಿಗೆ ಜೀವನದಲ್ಲಿ ಹೆಚ್ಚು ಕಷ್ಟಗಳು ಬರಲ್ಲ.

ಗುರು ಅಥವಾ ಅಪೋಲೊ ಪರ್ವತದಲ್ಲಿ ನಕ್ಷತ್ರ

ಗುರು ಅಥವಾ ಅಪೋಲೊ ಪರ್ವತದಲ್ಲಿ ನಕ್ಷತ್ರ ಕಂಡುಬಂದರೆ ಆಗ ಇದನ್ನು ತುಂಬಾ ಅದೃಷ್ಟವೆಂದು ಪರಿಗಣಿಸಲಾಗುವುದು. ಇಂತಹ ಚಿಹ್ನೆಯಿದ್ದರೆ ಆಗ ನೀವು ಅನಿರೀಕ್ಷಿತವಾಗಿ ಲಾಟರಿ ಗೆಲ್ಲುವ ಅಥವಾ ಜಾಕ್ ಪಾಟ್ ಹೊಡೆಯುವ ಸಾಧ್ಯತೆಯಿರುವುದು.

ಒಳಜ್ಞಾನದ ಗೆರೆ

ಕಿರುಬೆರಳಿನಿಂದ ವಕ್ರವಾಗಿರುವ ಗೆರೆಗಳು ಕೆಳಗಡೆ ಸಾಗುತ್ತಲಿದ್ದರೆ ಆಗ ಇದನ್ನು ಒಳಜ್ಞಾನದ ಗೆರೆ ಎಂದು ಕರೆಯಲಾಗುವುದು. ಈ ಗೆರೆಯು ಅಂಗೈಯಲ್ಲಿದ್ದರೆ ಆಗ ಹಣ ಬರುವುದು. ಅನಿರೀಕ್ಷಿತವಾಗಿ ನಿಮಗೆ ಧನಲಾಭವಾಗಬಹುದು. ಸೂಕ್ಷ್ಮ ಹಾಗೂ ಒಳಜ್ಞಾನದಿಂದ ನೀವು ಹಣ ಪಡೆಯಲು ಅದೃಷ್ಟವಂತರಾಗಿರುವಿರಿ.