ಯಾವ ಪ್ರಾಣಿಗಳು ದಾರಿಗೆ ಅಡ್ಡ ಬಂದರೆ ಶುಭಶಕುನ? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್

ಹಲ್ಲಿ

ಆಧ್ಯಾತ್ಮಿಕ ನಂಬಿಕೆಗಳ ಪ್ರಕಾರ ಹಲ್ಲಿಯು ತುಂಬಾ ಅದೃಷ್ಟ ಮತ್ತು ಪವಿತ್ರವೆಂದು ಪರಿಗಣಿಸಲಾಗಿದೆ. ಇದು ನಿಮ್ಮ ದಾರಿಗೆ ಅಡ್ಡವಾಗಿ ಬಂದರೆ ಆಗ ಮುಂದಿನ ದಿನಗಳಲ್ಲಿ ನಿಮಗೆ ತುಂಬಾ ಒಳ್ಳೆಯದಾಗಲಿದೆ ಎಂದು ತಿಳಿದುಕೊಳ್ಳಬೇಕು. ನೀವು ಯಾವುದಾದರೂ ಮುಖ್ಯ ಕೆಲಸಕ್ಕೆ ಹೋಗುತ್ತಲಿದ್ದರೆ ಆಗ ಹಲ್ಲಿ ಅಡ್ಡಬಂದರೆ ಅದು ಯಶಸ್ಸಿನ ಸೂಚನೆಯೆಂದು ಹೇಳಲಾಗುತ್ತದೆ.

Most Read: ಗೌಳಿ ಶಾಸ್ತ್ರ: ಬನ್ನಿ ಬನ್ನಿ ಹಲ್ಲಿ ಶಕುನ ಕೇಳ ಬನ್ನಿ!

ಗೂಬೆ

ಗೂಬೆಯು ನಿಮ್ಮ ದಾರಿಗೆ ಅಡ್ಡ ಬಂದರೆ ಅಥವಾ ಇದು ನಿಮ್ಮ ಕಣ್ಣಿಗೆ ಪದೇ ಪದೇ ಕಾಣಿಸಿಕೊಂಡರೆ ಆಗ ಅದು ಪ್ರಕೃತಿಯ ಕರೆಯೆಂದು ತಿಳಿದುಕೊಳ್ಳಬೇಕು. ಗೂಬೆಯು ಜ್ಞಾನ ಹಾಗೂ ಸ್ವಾತಂತ್ರ್ಯದ ಸಂಕೇತವಾಗಿದೆ. ನೀವು ಯಾವುದೇ ರೀತಿಯ ಗೊಂದಲದಲ್ಲಿ ಇದ್ದರೆ ಆಗ ಪ್ರಕೃತಿಯು ನಿಮಗೆ ನೆರವಾಗಲು ಮುಂದೆ ಬರುವುದು. ನಿಮ್ಮ ಸ್ವಾತಂತ್ರ್ಯದ ಮೇಲೆ ನಂಬಿಕೆಯನ್ನಿಟ್ಟುಕೊಳ್ಳಿ. ಯಾವುದೇ ಪರಿಸ್ಥಿತಿಯಲ್ಲೂ ಬೇರೆಯವರು ನಿಮ್ಮನ್ನು ದಾರಿ ತಪ್ಪಿಸುವುದನ್ನು ತಡೆಯಿರಿ ಎನ್ನುವುದರ ಸೂಚನೆಯಾಗಿದೆ.

Most Read: ನಾಲ್ಕು ಗೂಬೆಗಳಲ್ಲಿ ಒಂದನ್ನ ಆಯ್ಕೆ ಮಾಡಿ... ನಿಮ್ಮ ವ್ಯಕ್ತಿತ್ವ ಎಂತಹದು ಎಂದು ಹೇಳುತ್ತೇವೆ

ಗಿಳಿ

ಗಿಳಿಯು ನಿಮ್ಮ ದಾರಿಗೆ ಅಡ್ಡ ಬರುವುದು ಅಥವಾ ಪದೇ ಪದೇ ನಿಮ್ಮ ಕಣ್ಣಿಗೆ ಕಾಣಿಸುವುದು ಶುಭ ಶಕುನವೆಂದು ಪರಿಗಣಿಸಲಾಗಿದೆ. ಈ ಪಕ್ಷಿಯು ನಿಮಗೆ ಪಿತೃಗಳ ಆಶೀರ್ವಾದದ ಸೂಚನೆಯಾಗಿದೆ ಮತ್ತು ನಿಮ್ಮ ಮೇಲೆ ನಂಬಿಕೆಯನ್ನು ಇಟ್ಟುಕೊಂಡು ಆತ್ಮವಿಶ್ವಾಸದಿಂದ ಜೀವನದಲ್ಲಿ ಮುಂದುವರಿಯಬೇಕೆಂದು ಇದು ಹೇಳುತ್ತದೆ.

ಗಿಡುಗ

ಗಿಡುಗನ ದೊಡ್ಡ ಕಣ್ಣುಗಳು ಕುತೂಹಲದ ಸಂಕೇತವಾಗಿದೆ. ಗಿಡುಗ ನಿಮ್ಮ ದಾರಿಗೆ ಅಡ್ಡ ಬಂದರೆ ಅಥವಾ ಪದೇ ಪದೇ ನಿಮ್ಮ ಕಣ್ಣಿಗೆ ಗೋಚರಿಸಿದರೆ ಆಗ ನಿಮಗೆ ಮುಂದಿನ ದಿನಗಳಲ್ಲಿ ಜೀವನವು ದೊಡ್ಡ ಪಾಠ ಕಲಿಸಲಿದೆ ಎಂದು ಪ್ರಕೃತಿಯ ಸೂಚನೆಯಾಗಿದೆ.

ಗೋಸುಂಬೆ

ಜೀವನದಲ್ಲಿ ಕೆಲವೊಂದು ಸಲ ನೀವು ತುಂಬಾ ಕಠಿಣ ಪರಿಶ್ರಮಪಟ್ಟರೂ ಅದರಿಂದ ನಿರೀಕ್ಷಿತ ಮಟ್ಟದ ಫಲಿತಾಂಶ ಪಡೆಯಲು ತುಂಬಾ ಕಷ್ಟವಾಗುವುದು. ಇಂತಹ ಸಮಯದಲ್ಲಿ ನೀವು ಜೀವನದ ಗುರಿ ಬದಲಾವಣೆ ಮಾಡುವಿರಿ ಮತ್ತು ಅನುಕೂಲವಾಗಿರುವುದರ ಬಗ್ಗೆ ಆಲೋಚನೆ ಮಾಡುವಿರಿ. ಇಂತಹ ಸಮಯದಲ್ಲಿ ಗೋಸುಂಬೆಯು ದಾರಿಗೆ ಅಡ್ಡ ಬಂದರೆ ಅಥವಾ ಪದೇ ಪದೇ ನಿಮ್ಮ ಕಣ್ಣಿಗೆ ಕಾಣಿಸಿದರೆ, ನೀವು ಅದೇ ಗುರಿಯ ಮೇಲೆ ಗಮನಹರಿಸಬೇಕು ಎಂದು ಪ್ರಕೃತಿಯು ನೀಡುವ ಸೂಚನೆಯಾಗಿರುವುದು.