For Quick Alerts
ALLOW NOTIFICATIONS  
For Daily Alerts

ಹಿಂದಿನ ಕಾಲದಲ್ಲಿ ಗರ್ಭಧಾರಣೆ ತಡೆಯಲು, ಇಂತಹ ವಿಚಿತ್ರ ಸಂಗತಿಗಳನ್ನು ಮಾಡುತ್ತಿದ್ದರಂತೆ!

|

ಸಂಗಾತಿಗಳು ಸೆಕ್ಸ್ ನಲ್ಲಿ ತೊಡಗಿಕೊಳ್ಳುವರು. ಆದರೆ ಅವರಿಗೆ ಮಗು ಬೇಕೆಂದಿರುವುದಿಲ್ಲ. ಇಂತಹ ಸಮಯದಲ್ಲಿ ಗರ್ಭನಿರೋಧಿಕ ಬಳಸಿಕೊಳ್ಳುವುದು ಸಹಜ. ಕಾಂಡೋಮ್ ನಂತಹ ಗರ್ಭನಿರೋಧಕದಿಂದಾಗಿ ಬರುವಂತಹ ಹಲವಾರು ರೀತಿಯ ಲೈಂಗಿಕ ರೋಗಗಳನ್ನು ಕೂಡ ತಡೆಗಟ್ಟಬಹುದು. ಹಿಂದಿನ ಕಾಲದಲ್ಲಿ ಆಧುನಿಕ ಯುಗದಂತೆ ಗರ್ಭಧಾರಣೆ ತಡೆಯಲು ಬೇಕಾಗಿರುವಂತಹ ಸುರಕ್ಷಿತ ವಿಧಾನಗಳು ಇರಲಿಲ್ಲ.

bizarre things ancients used to prevent pregnancy!

ಈ ಕಾರಣದಿಂದಾಗಿ ಶತಮಾನಗಳ ಹಿಂದೆ ಗರ್ಭಧಾರಣೆ ತಡೆಗಟ್ಟಲು ಏನು ಮಾಡುತ್ತಿದ್ದರು ಎನ್ನುವ ಪ್ರಶ್ನೆ ಕಾಡುವುದು ಸಹಜ. ಇಂತಹ ಸಮಯದಲ್ಲಿ ಕೆಲವು ಮಂದಿ ತುಂಬಾ ವಿಚಿತ್ರ ವಿಧಾನಗಳನ್ನು ಪ್ರಯತ್ನಿಸುತ್ತಿದ್ದರು. ಆದರೆ ಇದು ತುಂಬಾ ಅಪಾಯಕಾರಿಯಾಗಿತ್ತು. ಯಾಕೆಂದರೆ ಇದರಿಂದ ಬೇರೆ ಅಡ್ಡಪರಿಣಾಮಗಳು ಉಂಟಾಗುವ ಸಾಧ್ಯತೆಗಳು ಹೆಚ್ಚಾಗಿದ್ದವು. ಗರ್ಭಧಾರಣೆ ತಡೆಯಲು ಹಿಂದಿನ ಕಾಲದಲ್ಲಿ ವಿಶ್ವದೆಲ್ಲೆಡೆಯಲ್ಲಿ ಬಳಸುತ್ತಿದ್ದ ವಿಧಾನಗಳು ಯಾವುದು ಎಂದು ನೀವು ಈ ಲೇಖನ ಓದುತ್ತಾ ತಿಳಿಯಿರಿ.

ವಿಚಿತ್ರ ಬಗೆಯ ಮಂತ್ರವಿದ್ಯೆ

ವಿಚಿತ್ರ ಬಗೆಯ ಮಂತ್ರವಿದ್ಯೆ

ಮುಂಗುಸಿ ವೃಷಣ, ಕತ್ತೆಯ ಮಲ, ಕಪ್ಪು ಬೆಕ್ಕಿನ ಎಲುಬು ಅಥವಾ ಹೆಸರಗತ್ತೆಯ ಗರ್ಭಕೋಶವನ್ನು ಗರ್ಭ ನಿರೋಧಕವಾಗಿ ಬಳಸಲಾಗುತ್ತಿತ್ತು. ಇದನ್ನು ಮಹಿಳೆಯ ಕುತ್ತಿಗೆಗೆ ನೇತು ಹಾಕಲಾಗುತ್ತಿತ್ತು ಅಥವಾ ಇದನ್ನು ಮಂತ್ರವಿದ್ಯೆ ಮಾಡಿಕೊಂಡ ಬಳಿಕ ಮಹಿಳೆಯ ತೊಡೆಗೆ ಕಟ್ಟಲಾಗುತ್ತಿತ್ತು. ಇದರ ಪರಿಣಾಮ ಏನೆಂದು ಖಂಡಿತವಾಗಿಯೂ ತಿಳಿದಿಲ್ಲ. ಆದರೆ ತೊಡೆಗೆ ಮುಂಗುಸಿ ವೃಷಣ ಕಟ್ಟಿರುವಂತಹ ಮಹಿಳೆಯೊಂದಿಗೆ ಪುರುಷನು ಖಂಡಿತವಾಗಿಯೂ ಸರಿಯಾಗಿ ಸುಖ ಪಡೆಯಲು ಸಾಧ್ಯವಿಲ್ಲ.

ಲಿಂಬೆ

ಲಿಂಬೆ

ಮಹಿಳೆಯ ಯೋನಿಯೊಳಗಡೆ ಲಿಂಬೆ ತುರುಕಿಸುವ ಕಾರಣದಿಂದಾಗಿ ಗರ್ಭಧಾರಣೆ ತಡೆಯಬಹುದು ಎಂದು ಹಿಂದೆ ನಂಬಿದ್ದರು. ಲಿಂಬೆಯಲ್ಲಿ ಇರುವಂತಹ ಸಿಟ್ರಿಕ್ ಆಮ್ಲವು ವೀರ್ಯವನ್ನು ಕೊಲ್ಲುವುದು ಎಂದು ನಂಬಲಾಗಿತ್ತು. ಮಹಿಳೆಯರು ತಮ್ಮ ದೇಹದೊಳಗೆ ವೀರ್ಯ ಹೋಗದಂತೆ ತಡೆಯಲು ಲಿಂಬೆ ಬಟ್ಟೆಗಳನ್ನು ಬಳಸುತ್ತಿದ್ದರು ಎಂದು ಹೇಳಲಾಗಿದೆ.

Most Read:Most Read: ಏನಾಶ್ಚರ್ಯ! ಈ ಮಹಿಳೆ ದಿನಕ್ಕೆ ನೂರು ಸಲ ವಾಂತಿ ಮಾಡುತ್ತಾಳಂತೆ!

ಮೊಸಳೆ ಮಲ!

ಮೊಸಳೆ ಮಲ!

ಪುರಾತನ ಈಜಿಪ್ಟ್ ನಲ್ಲಿ ಮಹಿಳೆಯರು ಮೊಸಲೆ ಮಲ ಮತ್ತು ಜೇನುತುಪ್ಪವನ್ನು ಬೆರೆಸಿ ಅದರ ಪೇಸ್ಟ್ ಮಾಡಿಕೊಂಡು ತಮ್ಮ ಯೋನಿಗೆ ಹಚ್ಚಿಕೊಳ್ಳುತ್ತಿದ್ದರು. ಇದರಿಂದ ವೀರ್ಯವು ಒಳಗೆ ಹೋಗುತ್ತಿರಲಿಲ್ಲವಂತೆ. ದಾಖಲೆಗಳ ಪ್ರಕಾರ ಇದು ತುಂಬಾ ಪರಿಣಾಮಕಾರಿಯಾಗಿ ಕೆಲಸ ಮಾಡಿದೆ ಎಂದು ಹೇಳಲಾಗಿದೆ.

ಆಲಿವ್ ತೈಲ

ಆಲಿವ್ ತೈಲ

ಗ್ರೀಕ್ ನಲ್ಲಿನ ಜನರ ನಂಬಿಕೆಯ ಪ್ರಕಾರ ಆಲಿವ್ ತೈಲವನ್ನು ಸೀಡರ್ ತೈಲದೊಂದಿಗೆ ಬೆರೆಸಿಕೊಂಡಾಗ ಇದು ವೀರ್ಯವನ್ನು ಕೊಲ್ಲುವುದು. ಇದು ವೀರ್ಯದ ಚಲನಶೀಲತೆ ಕಡಿಮೆ ಮಾಡುವುದು ಮತ್ತು ಮಹಿಳೆಯರಿಗೆ ಸ್ಖಲನದ ಬಳಿಕ ಯೋನಿಯನ್ನು ತೊಳೆದುಕೊಳ್ಳಲು ಸಮಯಾವಕಾಶ ನೀಡುವುದು ಎಂದು ನಂಬಲಾಗಿತ್ತು.

ಲೆಡ್ ಬೆರೆಸಿದ ನೀರು

ಲೆಡ್ ಬೆರೆಸಿದ ನೀರು

ಗರ್ಭಧಾರಣೆ ತಡೆಯಲು ಚೀನಾ ಹಾಗೂ ಗ್ರೀಕ್ ನಲ್ಲಿ ಹೆಚ್ಚಿನ ಮಹಿಳೆಯರು ಲೆಡ್ ಬೆರೆಸಿದ ನೀರನ್ನು ಸೇವಿಸುತ್ತಿದ್ದರು. ಲೆಡ್ ನಿಂದಾಗಿ ಮಹಿಳೆಯರಲ್ಲಿ ಫಲವತ್ತತೆ ಕಡಿಮೆಯಾಗುವುದು. ಆದರೆ ಲೆಡ್ ನಿಂದಾಗಿ ಇತರ ಹಲವಾರು ರೀತಿಯ ಅಡ್ಡಪರಿಣಾಮಗಳು ಇವೆ.

ಪಾದರಸ

ಪಾದರಸ

ಲೆಡ್ ನಂತೆ ಚೀನಾದಲ್ಲಿನ ಮಹಿಳೆಯರು ಪಾದರಸವನ್ನು ನೇರವಾಗಿ ಸೇವಿಸುತ್ತಿದ್ದರು. ಆದರೆ ಪಾದರಸ ಸೇವನೆ ಮಾಡುವುದರಿಂದಾಗಿ ಕಿಡ್ನಿ ವೈಫಲ್ಯ ಅಥವಾ ಮೆದುಳಿಗೆ ಹಾನಿಯಾಗಬಹುದು.

ಈ ಮೇಲಿನ ಯಾವುದನ್ನೂ ಪ್ರಯತ್ನಿಸಬೇಡಿ

ಈ ಮೇಲಿನ ಯಾವುದನ್ನೂ ಪ್ರಯತ್ನಿಸಬೇಡಿ

ಈ ಮೇಲಿನ ಅವೈಜ್ಞಾನಿಕ ವಿಧಾನಗಳು ಯಾವ ರೀತಿಯ ಪರಿಣಾಮ ಬೀರಬಹುದು ಎನ್ನುವುದು ನಮಗೆ ಕೂಡ ತಿಳಿದಿಲ್ಲ. ಇದರಿಂದ ನೀವು ಇದನ್ನು ಪ್ರಯತ್ನಿಸಲು ಹೋಗಬೇಡಿ. ನೀವು ಇದನ್ನು ಓದಿದ್ದೀರಿ ಎನ್ನುವುದನ್ನು ಮರೆತುಬಿಟ್ಟು, ಮುಂದೆ ಸಾಗಿ. ಇಂದಿನ ಆಧುನಿಕ ಯುಗದಲ್ಲಿ ಬೇಕಾದಷ್ಟು ಸುರಕ್ಷಿತ ಗರ್ಭ ನಿರೋಧಕಗಳಿವೆ. ಅದನ್ನು ಬಳಸಿಕೊಳ್ಳಿ.

English summary

bizarre things ancients used to prevent pregnancy!

There was an age when condoms and hormonal contraception weren’t even imagined yet. People based contraception on hit and trial, on things that coincidentally worked for them (or not), on anything such as weasel testicles or lemons.. have a look
X
Desktop Bottom Promotion