2018 ರ ಸಮೀಕ್ಷೆಯ ಪ್ರಕಾರ ಈ ದೇಶಗಳು ಮಹಿಳೆಯರಿಗೆ ಹೆಚ್ಚು ಅಪಾಯಕಾರಿ

1. ಭಾರತ

ಭಾರತದಲ್ಲಿ ಮಹಿಳೆಯರು ಲೈಂಗಿಕ ದೌರ್ಜನ್ಯದ ಅಪಾಯವನ್ನು ಅತಿಯಾಗಿ ಎದುರಿಸುವ ಮೊದಲ ರಾಷ್ಟ್ರವಾಗಿದೆ ಮತ್ತು ಇವರನ್ನು ಕೂಲಿಕಾರ್ಮಿಕರಾಗಿ ಬಳಸಿಕೊಳ್ಳಲಾಗುತ್ತದೆ. ಇದು ಒಂದು ರೀತಿಯಲ್ಲಿ ಜೀತಕ್ಕೆ ಸಮಾನವಾಗಿದೆ. ಮಹಿಳೆಯರ ಜನನೇಂದ್ರೀಯ ತಿರುಚುವಿಕೆ, ಬಾಲ್ಯ ವಿವಾಹ, ಲೈಂಗಿಕ ಕಿರುಕುಳ ಮತ್ತು ಇತರ ಕೆಲವೊಂದು ಕಾರಣಗಳಿಂದಾಗಿ ಭಾರತವು ವಿಶ್ವದಲ್ಲಿ ಮಹಿಳೆಯರಿಗೆ ತುಂಬಾ ಅಪಾಯಕಾರಿ ದೇಶಗಳಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿದೆ ಎಂದು ಸಮೀಕ್ಷೆಯು ಹೇಳಿದೆ. ನಾಲ್ಕು ವರ್ಷಗಳ ಮೊದಲು ಇದೇ ಸಮೀಕ್ಷೆಯಲ್ಲಿ ಭಾರತವು ನಾಲ್ಕನೇ ಸ್ಥಾನದಲ್ಲಿತ್ತು. ಆದರ ಈಗ ಮೊದಲ ಸ್ಥಾನ ಪಡೆದಿರುವುದು ತುಂಬಾ ಬೇಸರ ಸಂಗತಿಯಾಗಿದೆ.

2. ಅಫ್ಘಾನಿಸ್ತಾನ

ಯುದ್ಧ ಮತ್ತು ಭಯೋತ್ಪಾದಕ ಚಟುವಟಿಕೆಗಳು ಈ ದೇಶದ ಮೇಲೆ ತುಂಬಾ ಗಂಭೀರ ಪರಿಣಾಮ ಬೀರಿದೆ. ಈ ಕಾರಣದಿಂದಾಗಿ ಇಲ್ಲಿನ ಮಹಿಳೆಯರು ಹಾಗೂ ಹುಡುಗಿಯರ ಜೀವನದ ಅಪಾಯನ್ನು ಹೆಚ್ಚಿಸಿದೆ. ಆತ್ಮಾಹುತಿ ಬಾಂಬರ್ ಗಳಿಂದ ಹಿಡಿದು ಮಹಿಳೆಯರನ್ನು ನಿರಾಶ್ರಿತ ಶಿಬಿರಗಳಲ್ಲಿ ಅತ್ಯಾಚಾರ ಮಾಡುವುದು ಮತ್ತು ಲೈಂಗಿಕ ಕಿರುಕುಳ ನೀಡುವುದು ಈ ದೇಶವು ಎರಡನೇ ಸ್ಥಾನ ಪಡೆಯಲು ಕಾರಣವಾಗಿದೆ.

3. ಸಿರಿಯಾ

ಆತ್ಯಾಚಾರ, ಲೈಂಗಿಕ ಕಿರುಕುಳ, ವೇಶ್ಯಾವಾಟಿಕೆಗೆ ತಳ್ಳುವುದು ಮತ್ತು ಮಹಿಳೆಯರಿಗೆ ಅತ್ಯಾಚಾರ ಪ್ರಕರಣಗಳಲ್ಲಿ ಹೆಚ್ಚಾಗಿ ಸರಿಯಾದ ನ್ಯಾಯ ಸಿಗದೆ ಇರುವುದು ಕೂಡ ಈ ದೇಶವು ಮೂರನೇ ಸ್ಥಾನ ಪಡೆಯಲು ಕಾರಣವಾಗಿದೆ. ಯುದ್ಧ ಪೀಡಿತ ದೇಶವಾಗಿರುವ ಇಲ್ಲಿ ಮಹಿಳೆಯರ ಸುರಕ್ಷತೆಯನ್ನು ಕಡೆಗಣಿಸಲಾಗಿದೆ.

4. ಸೋಮಾಲಿಯಾ

ರಾಯಿಟರ್ಸ್ ನಡೆಸಿರುವಂತಹ ಸಮೀಕ್ಷೆಯಲ್ಲಿ ಸೋಮಾಲಿಯಾವು ನಾಲ್ಕನೇ ಸ್ಥಾನ ಪಡೆದುಕೊಂಡಿದೆ. ತುಂಬಾ ಬಡ ರಾಷ್ಟ್ರವಾಗಿರುವಂತಹ ಸೋಮಾಲಿಯಾದಲ್ಲಿ ಆರೋಗ್ಯ ವ್ಯವಸ್ಥೆ ಸರಿಯಾಗಿಲ್ಲ ಮತ್ತು ಮಹಿಳೆಯರಲ್ಲಿ ಅಲ್ಲಿನ ಸಂಪ್ರದಾಯ ಮತ್ತು ಸಂಸ್ಕೃತಿಗೆ ತುಂಬಾ ಭಿನ್ನವಾಗಿ ನೋಡಿಕೊಳ್ಳಲಾಗುತ್ತದೆ. ಇಲ್ಲಿ ಮಹಿಳೆಯರ ಮೇಲೆ ಆ್ಯಸಿಡ್ ದಾಳಿ, ಜನನೇಂದ್ರೀಯ ತಿರುಚುವಿ�%B