ಈ ರಾಷ್ಟ್ರಗಳಲ್ಲಿ ಅತ್ಯಾಚಾರಿಗಳಿಗೆ ನೀಡುವ ಶಿಕ್ಷೆ ಹೇಗಿರುತ್ತೆ ನೋಡಿ

ಚೀನಾ

ಚೀನಾ ಅತ್ಯಾಚಾರ ಸಾಬೀತಾದರೆ, ಯಾವುದೇ ಮುಲಾಜಿಲ್ಲದೆ ನೇಣು ಶಿಕ್ಷೆಯನ್ನು ವಿಧಿಸುತ್ತದೆ. ಇನ್ನೂ ಕೆಲವರನ್ನು ಇರಿದು ಸಹ ಕೊಲ್ಲುವ ಶಿಕ್ಷೆಯನ್ನು ನೀಡಲಾಗುತ್ತದೆ. ಅದು ಅವರ ಅಪರಾಧಕ್ಕೆ ಅನುಗುಣವಾಗಿ.

ಇರಾನ್

ಈ ದೇಶದಲ್ಲಿ ಅತ್ಯಾಚಾರಿಗಳನ್ನು ಗಲ್ಲುಗಂಬಕ್ಕೆ ಏರಿಸಲಾಗುತ್ತದೆ ಇಲ್ಲವೇ ಗುಂಡಿಟ್ಟು ಕೊಲ್ಲಲಾಗುತ್ತದೆ. ಅತ್ಯಾಚಾರಿಗಳಿಗೆ ಮರಣ ಶಿಕ್ಷೆಯನ್ನೇ ನೀಡಬೇಕು ಎಂಬುದೇ ಈ ದೇಶದ ವಾದ.

ಅಫ್ಘಾನಿಸ್ಥಾನ

ಈ ದೇಶದಲ್ಲಿ ಅತ್ಯಾಚಾರಿಗಳನ್ನು ನ್ಯಾಯಾಲಯದ ತೀರ್ಪು ಬಂದ ನಾಲ್ಕು ದಿನಗಳ ಒಳಗೆ ಗುಂಡಿಟ್ಟು ಕೊಲ್ಲಲಾಗುತ್ತದೆ ಅಥವಾ ನೇಣುಗಂಬಕ್ಕೆ ಏರಿಸಲಾಗುತ್ತದೆ.

ಫ್ರಾನ್ಸ್

ಈ ದೇಶದಲ್ಲಿ ಗುಂಡಿಟ್ಟು ಕೊಲ್ಲಲಾಗುವುದಿಲ್ಲ ಅಥವಾ ಗಲ್ಲು ಗಂಬಕ್ಕೆ ಏರಿಸಲಾಗುವುದಿಲ್ಲ. ಬದಲಿಗೆ 15 ವರ್ಷಗಳ ಕಠಿಣ ಶಿಕ್ಷೆಯನ್ನು ವಿಧಿಸಲಾಗುತ್ತದೆ. ಕೆಲವೊಂದು ಸಂದರ್ಭಗಳಲ್ಲಿ ಇದು 30 ವರ್ಷಗಳಿಗೆ ಸಹ ವಿಸ್ತರಿಸಲಾಗುತ್ತದೆ.

ಉತ್ತರ ಕೊರಿಯಾ

ಈ ದೇಶದಲ್ಲಿ ಅತ್ಯಾಚಾರಿಗಳಿಗೆ ಶೀಘ್ರ ಶಿಕ್ಷೆಯನ್ನು ನೀಡಲಾಗುತ್ತದೆ. ಅಪರಾಧ ಸಾಬೀತಾದ ತಕ್ಷಣ ತಲೆಗೆ ಗುಂಡು ಹಾರಿಸಲಾಗುತ್ತದೆ ಇಲ್ಲವೇ ಮರ್ಮಾಂಗಕ್ಕೆ ಗುಂಡಿಟ್ಟು ಆರೋಪಿಯನ್ನು ಕೊಂದು ಹಾಕುತ್ತಾರೆ.

ರಷ್ಯಾ

ಈ ದೇಶದಲ್ಲಿ ಇತರೆ ದೇಶಗಳಿಗೆ ಹೋಲಿಸಿದರೆ ಅತ್ಯಾಚಾರಿಗಳಿಗೆ ಕಠಿಣ ಶಿಕ್ಷೆ ನೀಡಲಾಗುವುದಿಲ್ಲ. ಈ ದೇಶದಲ್ಲಿ ಅತ್ಯಾಚಾರ ಆರೋಪಿಗಳು 3 ರಿಂದ 6 ವರ್ಷಗಳ ಕಾಲ ಜೈಲು ಶಿಕ್ಷೆಯನ್ನು ಅನುಭವಿಸುತ್ತಾರೆ. ಒಮ್ಮೊಮ್ಮೆ ಗಂಭೀರ ಪ್ರಕರಣಗಳಲ್ಲಿ ಇದು 10-20 ವರ್ಷಗಳಿಗೆ ವಿಸ್ತರಿಸಬಹುದು.

ನಾರ್ವೆ

ಈ ದೇಶದಲ್ಲಿ ಅತ್ಯಾಚಾರಿಯು 4-15 ವರ್ಷಗಳ ಬಂಧನದ ಶಿಕ್ಷೆಗೆ ಗುರಿಯಾಗಬೇಕಾಗುತ್ತದೆ. ಇದು ಆತ ಮಾಡಿರುವ ಅಪರಾಧದ ಪ್ರಮಾಣಕ್ಕೆ ಅನುಗುಣವಾಗಿ ನಿರ್ಧಾರವಾಗುತ್ತದೆ. ಈ ದೇಶದಲ್ಲಿ ಸಹಮತವಿಲ್ಲದೆ ನಡೆಯುವ ಯಾವುದೇ ರೀತಿಯ ಲೈಂಗಿಕ ಕ್ರಿಯೆಯನ್ನು ಲೈಂಗಿಕ ದೌರ್ಜನ್ಯ ಇಲ್ಲವೇ ಅತ್ಯಾಚಾರವೆಂದೆ ಪರಿಗಣಿಸಲಾಗುತ್ತದೆ.

ಭಾರತ

ಅತ್ಯಾಚಾರ ವಿರೋಧಿ ಕಾಯ್ದೆಯು 2013 ರಲ್ಲಿ ಜಾರಿಗೊಂಡಿದೆ. ಇದು ಅತ್ಯಾಚಾರಿಗಳ ಬಗ್ಗೆ ಇದ್ದ ಎಲ್ಲಾ ಕಾನೂನುಗಳನ್ನು ಬದಲಾಯಿಸಿದೆ. ನಮ್ಮ ದೇಶದಲ್ಲಿ ಮರಣ ದಂಡನೆ ಶಿಕ್ಷೆ ಅತಿ ಅಪರೂಪ. 14 ವರ್ಷಗಳ ಶಿಕ್ಷೆಯ ನಂತರ ಆರೋಪಿಯನ್ನು ಬಿಡುಗಡೆ ಮಾಡಲಾಗುತ್ತದೆ. ಆದ್ದರಿಂದ ನಮ್ಮ ದೇಶದಲ್ಲಿ ಅತ್ಯಾಚಾರ ಪ್ರಕರಣಗಳು ಹೆಚ್ಚಾಗುತ್ತ ಸಾಗುತ್ತಿವೆ.