ಅಚ್ಚರಿ ಜಗತ್ತು: ನಿದ್ದೆ ಮಾಡುವುದರಲ್ಲಿ ಈ ಪ್ರಾಣಿಗಳು ನಂ.1...

ಕಾಡುಪಾಪ

ದಿನದ ಅತಿ ಹೆಚ್ಚು ಕಾಲ ಮಲಗುವ ಪ್ರಾಣಿ ಎಂದರೆ ಕಾಡುಪಾಪ ಅಥವಾ ಕೊವಾಲಾ ಕರಡಿ. ಈ ಪ್ರಾಣಿ ದಿನದ ಇಪ್ಪತ್ತೆರಡು ಗಂಟೆ ಕಾಲ ನಿದ್ರಿಸಬಲ್ಲುದು. ಅಂದರೆ ದಿನದ 91.7%ರಷ್ಟು ಕಾಲ!

ಬೃಹತ್ ಆರ್ಮಡಿಲ್ಲೋ (Giant Armadillo)

ಕೆಲವೊಮ್ಮೆ ಇಡಿಯ ದಿನ, ಕೆಲವೊಮ್ಮೆ ಮುಕ್ಕಾಲು ದಿನ ಮಲಗುವ ಈ ಪ್ರಾಣಿಯ ಸರಾಸರಿ ಮಲಗುವ ಸಮಯ ದಿನಕ್ಕೆ 18.1 ಗಂಟೆಗಳು, ಅಂದರೆ 75.4% ರಷ್ಟು ಸಮಯ. ಏಕೆ ಹೊಟ್ಟೆಕಿಚ್ಚಾಯಿತೇ?

ಒಪ್ಪೋಸಮ್

ಒಂದು ವೇಳೆ ಮುಳ್ಳುಹಂದಿಯ ಮುಳ್ಳುಗಳನ್ನು ನಿವಾರಿಸಿ ಇದಕ್ಕೆ ಬಿಳಿನರಿಯ ಮುಖ ತೊಡಿಸಿದರೆ ಹೇಗಿರುತ್ತದೆಯೋ ಹಾಗೇ ಕಾಣುವ ಓಪ್ಪೋಸಮ್ ಸಹಾ ದಿನದ ಹದಿನೆಂಟು ಗಂಟೆ ನಿದ್ರಿಸುತ್ತದೆ. ಅಂದರೆ ದಿನದ 70% ಸಮಯ.

ಲೆಮೂರ್

ಮಂಗನ ದೇಹ, ಮುಖವಾಡ ತೊಟ್ಟ ಬೆಕ್ಕು ಮತ್ತು ಪಟ್ಟೆ ಪಟ್ಟೆಯ ಬಾಲ ಹೊಂದಿರುವ ಲೆಮೂರ್ ಸಹಾ ದಿನದ ಹದಿನಾರು ಗಂಟೆ ಮಲಗುತ್ತದೆ.

ಅಳಿಲು

ದಿನವಿಡೀ ಚೂಟಿಯಾಗಿ ಓಡಾಡುವ ಪುಟ್ಟ ಅಳಿಲು ಸಹಾ ದಿನದ 14.9 ಗಂಟೆ ಅಂದರೆ 62% ರಷ್ಟು ಸಮಯವನ್ನು ಮಲಗಿಯೇ ಕಳೆಯುತ್ತದೆ. ಅಂದರೆ ಅಳಿಲ ಸೇವೆ ಸಲ್ಲಿಸಲು 38% ಸಮಯ ಮಾತ್ರ ಉಳಿದಂತಾಯಿತು.

ಹ್ಯಾಮ್ಸ್ಟರ್

ಪುಟ್ಟ ಗಿನಿಪಿಗ್ ನಂತಿರುವ ಇಲಿಯ ಜಾತಿಗೆ ಸೇರಿದ ಹ್ಯಾಮ್ಸ್ಟರ್ ಸಹಾ ದಿನದ ಹದಿನಾಲ್ಕು ಗಂಟೆ ಸತತವಾಗಿ ಮಲಗುತ್ತದೆ. ಇದು ಇಷ್ಟೊಂದು ಮುದ್ದಾಗಿರಲು ಇದೇ ಕಾರಣವಿರಬಹುದು.

ಸಿಂಹ

ಕಾಡಿನ ರಾಜ ಸಿಂಹವೂ ದಿನದಲ್ಲಿ ಹದಿಮೂರು ಗಂಟೆ ನಿದ್ರಿಸುತ್ತದೆ. ಕಾಡಿನ ರಾಜನಾದರೂ ಬೇಟೆಯಾಡುವುದು ಕಡಿಮೆ, ಸಿಂಹಿಣಿಯೇ ಬೇಟೆಯಾಡಿ ತಂದ ಅಹಾರವನ್ನು ತಿಂದು ಮತ್ತೆ ಮಲಗುತ್ತದೆ. ಮತ್ತೆ, ಕಾಡಿನ ರಾಜ ದಿನವಿಡೀ ಕಾಡು ಸುತ್ತುತ್ತಿದ್ದರೆ ರಾಜ ಎನ್ನಲಾಗುತ್ತದೆಯೇ?