ವಿಶ್ವ ಚಹಾ ದಿನಾಚರಣೆ-ಚಹಾದ ಕುರಿತ ಇಂಟರೆಸ್ಟಿಂಗ್ ಸಂಗತಿ

ಚಹಾ ಎಂದ ಕೂಡಲೇ ಎಲ್ಲರಿಗೂ ಒಂದು ಹಿತವಾದ ಅನುಭವದ ನೆನಪಾಗುತ್ತದೆ. ಎಲ್ಲರ ಜೀವನದಲ್ಲೂ ಒಂದಲ್ಲಾ ಒಂದು ರೀತಿಯಲ್ಲಿ ತಮ್ಮದೇ ಆದ ಚಹಾ ಸವಿದ ಅನೇಕ ಅನುಭವಗಳಾಗಿರುತ್ತದೆ. ಬೆಳಗ್ಗೆ ಎದ್ದ ಕೂಡಲೇ ಹೆಚ್ಚಿನವರಿಗೆ ಚಹಾ ಇಲ್ಲದಿದ್ದರೆ ಅಂದಿನ ಕೆಲಸವೇ ಆಗುವುದಿಲ್ಲವೆಂಬಂತೆ ಇತ್ತೀಚಿನ ದಿನಗಳಲ್ಲಿ ಚಹಾ ತನ್ನದೇ ಆದ ಪ್ರಾತಿನಿಧ್ಯವನ್ನು ಹೊಂದುತ್ತಿದೆ. ಹಿಂದಿನ ಕಾಲದಲ್ಲಿ ವಿಶೇಷ ಸಂದರ್ಭಗಳಲ್ಲಿ ಅಥವಾ ವಿಶೇಷ ಅತಿಥಿಗಳು ಆಗಮಿಸಿದಲ್ಲಿ ಚಹಾವನ್ನು ನೀಡಲಾಗುತ್ತಿತ್ತು. ಆದರೆ ಇತ್ತೀಚಿನ ದಿನಗಳಲ್ಲಿ ಅದೊಂದು ದೈನಂದಿನ ಆರೋಗ್ಯಕರ ಪಾನೀಯವಾಗಿ ಮಾರ್ಪಟ್ಟಿದೆ. ಈಗಂತೂ ಚಹಾ ಸಿಗದ ಪ್ರದೇಶವೇ ನಿಮಗೆ ಕಾಣಸಿಗುವುದಿಲ್ಲ. ಮನೆಯಿಂದ ಹೊರಗೆ ಒಂದು ಸುತ್ತು ಹಾಕಿದರೆ ಸಾಕು ಅನೇಕ ರುಚಿರುಚಿಯ ವಿವಿಧ ವೈವಿಧ್ಯದ ಚಹಾ ನೀಡುವ ಅಂಗಡಿಗಳನ್ನು ನೀವು ಕಾಣಬಹುದು.

ಅದರಲ್ಲೂ ಹೆಚ್ಚು ರುಚಿಯಾದ ಮತ್ತು ವೈವಿಧ್ಯತೆಯ ಚಹಾ ಸಿಗುವ ಜಾಗದಲ್ಲಂತೂ ನೀವು ಚಹಾ ಸವಿಯಲು ಸಾಲಿನಲ್ಲಿ ನಿಂತು ಕಾಯಬೇಕು. ಹೀಗೆ ದಿನಕಳೆದಂತೆ ಚಹಾದ ಬೇಡಿಕೆಯೂ ಹೆಚ್ಚುತ್ತಿದೆ. ಒಮ್ಮೆ ಬೆಂಗಳೂರಿಗೆ ಹೊಸದಾಗಿ ಬಂದಾಗ ಮಾಗಡಿ ರಸ್ತೆಯಲ್ಲಿರುವ ಹಟ್ಟಿ ಕಾಫಿ ಎಂಬ ಅಂಗಡಿಯನ್ನು ಗಮನಿಸಿದೆ. ಅಲ್ಲಿ ವಿವಿಧ ಚಹಾಗಳ ಪಟ್ಟಿಯನ್ನೇ ಹಾಕಲಾಗಿತ್ತು. ಅದೇನೇ ಇರಲಿ ಸಿಂಪಲ್ ಆಗಿ ಚಹಾ ಆರ್ಡರ್ ಮಾಡೋಣ ಎಂದು ಒಳಹೋದರೆ, ಚಹಾಗಾಗಿ ಕಾದು ನಿಂತ ಗ್ರಾಹಕರ ದೊಡ್ಡ ಸಾಲೇ ಇದೆ...! ಇದನ್ನು ನೋಡಿದ ಮೇಲಂತೂ ಇಲ್ಲಿ ಚಹಾ ಸವಿಯಲೇಬೇಕೆಂದು ನಿರ್ಧರಿಸಿ, ಸಾಲಿನಲ್ಲಿ ನಿಂತು ಚಹಾ ಸ್ವೀಕರಿಸಿದೆ. ಅಬ್ಬಾ, ನಿಜಕ್ಕೂ ಅದು ಸವಿಯಲು ಅದ್ಭುತವಾಗಿತ್ತು. ನಂತರ ಆ ಮಾರ್ಗದಲ್ಲಿ ಹೋದಾಗಲೆಲ್ಲ ಅಲ್ಲಿನ ಚಹಾವನ್ನು ಸವಿಯದೇ ಹಿಂದಿರುಗಲು ಮನಸ್ಸಾಗುವುದಿಲ್ಲ. ನೀವು ಚಹಾ ಪ್ರಿಯರೇ? ಈ 10 ಅಂಶಗಳನ್ನು ಗಮನಿಸಿ ನೋಡಿ

ಇತ್ತೀಚೆಗೆ ಭಾರತದ ಪ್ರಧಾನ ಮಂತ್ರಿಗಳಾದ ಶ್ರೀ ನರೇಂದ್ರ ಮೋದಿಯವರು ಚಾಯ್ ಪೇ ಚರ್ಚಾ ಅಥವಾ ಚಹಾ ಸವಿಯುತ ಸಂವಾದ ಎಂಬ ವಿನೂತನ ಕಾರ್ಯಕ್ರಮವೊಂದನ್ನು ಹಮ್ಮಿಕೊಂಡಿದ್ದು, ದೇಶಾದ್ಯಂತ ಭಾರೀ ಪ್ರಶಂಸೆಗೆ ಒಳಗಾಗಿದೆ. ಇಲ್ಲಿಯೂ ಸಹ ಚಹಾವನ್ನು ಸಂವಾದಕ್ಕೆ ಆಯ್ಕೆಮಾಡಿರುವುದು ನಿಜಕ್ಕೂ ಗಮನಾರ್ಹ ಸಂಗತಿ. ಅಷ್ಟಕ್ಕೂ, ಚಹಾದ ಬಗ್ಗೆ ಇಷ್ಟೊಂದು ಸಂಗತಿಗಳನ್ನು ನಿಮಗೇಕೆ ನೀಡುತ್ತಿದ್ದೇವೆ ಎಂದು ಆಲೋಚಿಸುತ್ತಿದ್ದೀರಾ? ಹೌದು, ಡಿಸೆಂಬರ್ ಮಾಸದ 15ನೇ ತಾರೀಖನ್ನು ವಿಶ್ವ ಚಹಾ ದಿನವೆಂದು ವಿಶ್ವದಾದ್ಯಂತ ಆಚರಿಸಲಾಗುತ್ತಿದೆ. ಈ ಸಂಪ್ರದಾಯವು 2005 ರಿಂದ ಚಹಾ ಉತ್ಪಾದಿಸುವ ರಾಷ್ಟ್ರಗಳಾದ ಚೀನಾ ಮತ್ತು ಭಾರತ ದೇಶಗಳು ಪ್ರಾರಂಭಿಸಿದವು. ಅಂದಿನಿಂದ ಈ ದಿನವನ್ನು ವಿಶ್ವ ಚಹಾ ದಿನವಾಗಿ ಆಚರಿಸಿಕೊಂಡು ಬರಲಾಗುತ್ತಿದೆ. ಈಗಂತೂ ಅನೇಕ ರೀತಿಯ ದುಬಾರಿ ಚಹಾ ವಿಧಗಳು ಮಾರುಕಟ್ಟೆಯಲ್ಲಿ ಸುಲಭವಾಗಿ ದೊರೆಯುತ್ತಿವೆ. ನೀವು ಚಹಾ ಬಗ್ಗೆ ತಿಳಿದಿರದ ಕೆಲವು ಸಂಗತಿಗಳನ್ನು ಈ ತಾಣದಲ್ಲಿ ನಿಮಗಾಗಿ ನೀಡುತ್ತಿದ್ದೇವೆ, ಮುಂದೆ ಓದಿ... ಸ್ವಾದಿಷ್ಟವಾದ ಹತ್ತು ವೈವಿಧ್ಯಮಯ ಹಸಿರು ಚಹಾದ ವೈಶಿಷ್ಟ್ಯವೇನು?

1. ಪ್ರಪಂಚದಲ್ಲೇ ಚಹಾ ಪಾನೀಯವು ಎರಡನೇ ಹೆಚ್ಚು ಸೇವಿಸುವ ಸಾಮಾನ್ಯ ಪಾನೀಯವೆಂದು ತಿಳಿದುಬಂದಿದೆ. ಇದು ಹೆಚ್ಚು ಎಲ್ಲರೂ ಬಳಸುವ ನೀರು ಮಿಶ್ರಿತ ಪಾನೀಯವಾಗಿ ಸವಿಯಲಾಗುತ್ತಿದೆ.
2. ಚಹಾ ಚೀನಾದ ಒಂದು ಸಾಮಾನ್ಯ ಪರಿಕಲ್ಪನೆ. ಇದು ಮೊಟ್ಟಮೊದಲ ಬಾರಿಗೆ 1400ರ ಕಾಲದಲ್ಲಿ ಚೀನಾದ ದೊರೆಯೊಬ್ಬ ಬಳಸಲು ಪ್ರಾರಂಭಿಸಿದನು.
3. ಇನ್ನೊಂದು ಮುಖ್ಯವಾದ ಸಂಗತಿಯೆಂದರೆ ಚಹಾದಲ್ಲಿ ಎರಡು ಬಗೆಯ ವಿಧಗಳಿವೆ. ಒಂದು ಚೀನಾದಲ್ಲಿ ಹೆಚ್ಚು ಸಾಮಾನ್ಯವಾಗಿ ಬಳಸುವ ಚಹಾ ಆಗಿದ್ದು, ಮತ್ತೊಂದು ಭಾರತದ ಗುಡ್ಡ ಪ್ರದೇಶಗಳಾದ ಅಸ್ಸಾಂ ಮತ್ತು ಡಾರ್ಜಿಲಿಂಗ್‌ ನಲ್ಲಿ ಬೆಳೆಯುವಂತಹ ಚಹಾ ಗಿಡಗಳು.
4. ಆದರೆ ಚಹಾಗಳಲ್ಲಿ ಮೂಲತ: 6 ವಿಧದ ಮಾದರಿಗಳಿವೆ. ಕಪ್ಪು, ಬಿಳಿ, ಹಸಿರು, ಹಳದಿ, ಊಲೂಂಗ್ ಚಹಾ ಹಾಗೂ ಚೀನಾದಲ್ಲಿ ಸಾಮಾನ್ಯವಾಗಿ ಬಳಸುವ ಪ್ಯೂರ್ ಚಹಾ.