ರಂಜಾನ್ ತಿಂಗಳು: ಪವಿತ್ರ ಮಾಸದಲ್ಲಿ ಮಾಡಬೇಕಾದ ಹಾಗೂ ಮಾಡಲೇಬಾರದ ಕಾರ್ಯಗಳಿವು

ಕುರಾನ್ ಪಠಿಸಿ:

ರಂಜಾನ್ ತಿಂಗಳಲ್ಲಿ ಮುಸ್ಲಿಮರು ಪವಿತ್ರ ಕುರಾನ್ ಓದಬೇಕು. ಅಲ್ಲಾರ ಬೋಧನೆಗಳು ಕುರಾನ್ ರೂಪದಲ್ಲಿ ಸ್ವರ್ಗದಿಂದ ಭೂಮಿಗೆ ಬಂದಿದ್ದು, ಈ ತಿಂಗಳಲ್ಲಿ ಪ್ರವಾದಿ ಮಹಮ್ಮದ್ ಅದನ್ನು ಬಹಿರಂಗ ಪಡಿಸಿದರು ಎಂಬ ನಂಬಿಕೆಯಿದೆ. ಆದ್ದರಿಂದ ಈ ತಿಂಗಳಲ್ಲಿ ಇದನ್ನು ಓದುವುದರಿಂದ ಅಲ್ಲಾಹುವಿನೊಂದಿಗೆ ಹತ್ತಿರವಾಗಬಹುದು ಎಂಬ ಭಾವನೆ ಮಸ್ಲಿಂ ಭಾಂದವರಲ್ಲಿದೆ.

ದಿನಕ್ಕೆ ಐದು ಬಾರಿ ಪ್ರಾರ್ಥನೆ ಸಲ್ಲಿಸಿ:

ಪ್ರಾರ್ಥನೆಗಳನ್ನು ದಿನಕ್ಕೆ ಐದು ಬಾರಿ ಸಲ್ಲಿಸಬೇಕು. ರಂಜಾನ್ ಸಮಯದಲ್ಲಿ, ಒಂದು ದಿನವು ಫಜ್ರ್ ಬೆಳಗ್ಗಿನ ಸಮಯದಲ್ಲಿ), ಝುಹ್ರ್ (ಮಧ್ಯಾಹ್ನ), ಅಸ್ರ್(ಮಧ್ಯಾಹ್ನ), ಮಗ್ರಿಬ್(ಸಂಜೆ) ಮತ್ತು ಇಶಾ (ರಾತ್ರಿ) ಯೊಂದಿಗೆ ಮುಕ್ತಾಯವಾಗುತ್ತದೆ.

ಉಪವಾಸವನ್ನು ಆಚರಿಸಿ :

ಮೇಲೆ ಹೇಳಿದಂತೆ, ಉಪವಾಸವು ಇಸ್ಲಾಂ ಧರ್ಮದ ಐದು ಸ್ತಂಭಗಳಲ್ಲಿ ಒಂದಾಗಿದೆ. ಆದ್ದರಿಂದ, ಈ ತಿಂಗಳಲ್ಲಿ ಮುಸ್ಲಿಮರು ಉಪವಾಸ ಮಾಡಬೇಕು. ರಂಜಾನ್ ತಿಂಗಳಿನಲ್ಲಿನ ಉಪವಾಸದಿಂದ ಆಧ್ಯಾತ್ಮಿಕ ಪ್ರತಿಫಲಗಳು ಅನೇಕ ಪಟ್ಟು ಹೆಚ್ಚಾಗುತ್ತದೆ ಎಂದು ಹೇಳಲಾಗುತ್ತದೆ.

ಅಗತ್ಯವಿರುವವರಿಗೆ ದಾನ ಮಾಡಿ:

ರಂಜಾನ್ ಸಹಾನುಭೂತಿ ಮತ್ತು ಸಹೋದರತ್ವವನ್ನು ಪ್ರೋತ್ಸಾಹಿಸುವುದರಿಂದ ಅಗತ್ಯವಿರುವವರಿಗೆ ದಾನ ಮಾಡಿ. ದತ್ತಿ ಕಾರ್ಯಗಳಿಗೆ ಝಕಾತ್ (ನಿಮ್ಮ ಸಂಪತ್ತಿನ ಶೇಕಡಾವಾರು) ನೀಡಿ. ಇಸ್ಲಾಮಿನ ಐದು ಸ್ತಂಭಗಳಲ್ಲಿ ಇದೂ ಕೂಡ ಒಂದು.

ಸ್ವಯಂ ನಿಯಂತ್ರಣವನ್ನು ಅಭ್ಯಾಸ ಮಾಡಿ:

ಈ ತಿಂಗಳು ಸಹಾನುಭೂತಿಯ ಬಗ್ಗೆ ಸಾರುವುದರಿಂದ, ಮುಸ್ಲಿಮರು ಶಾಂತವಾಗಿರಲು ಮತ್ತು ಸ್ವಯಂ-ಶಿಸ್ತು ಮತ್ತು ಸ್ವಯಂ ನಿಯಂತ್ರಣವನ್ನು ಅಭ್ಯಾಸ ಮಾಡಬೇಕು. ಯಾವುದೇ ಕೆಟ್ಟ ಕಾರ್ಯಗಳಲ್ಲೂ, ಕೆಟ್ಟ ಆಲೋಚನೆಗಳಲ್ಲೂ ತಮ್ಮ ಮನಸ್ಸನ್ನು ತೊಡಗಿಸಿಕೊಳ್ಳಬಾರದು.

ಬ್ರಹ್ಮಚರ್ಯವನ್ನು ಕಾಪಾಡಿಕೊಳ್ಳಿ:

ರಂಜಾನ್ ತಿಂಗಳಲ್ಲಿ ಬ್ರಹ್ಮಚರ್ಯವನ್ನು ಕಾಪಾಡಿಕೊಳ್ಳಿ ಮತ್ತು ನಿಮ್ಮ ಸಮಯವನ್ನು ಪ್ರಾರ್ಥನೆಗಳಿಗೆ ಮೀಸಲಿಡಿ.

ರಂಜಾನ್ ತಿಂಗಳಲ್ಲಿ ಮಾಡಬಾರದ ಕೆಲಸಗಳು ಹೀಗಿವೆ:

ಉಪವಾಸದ ಸಮಯದಲ್ಲಿ ಆಹಾರ ಅಥವಾ ನೀರನ್ನು ಸೇವಿಸಬೇಡಿ:

ರಂಜಾನ್ ಸಮಯದಲ್ಲಿ ಉಪವಾಸವು ಅತ್ಯಂತ ಮಹತ್ವದ ಕರ್ತವ್ಯವಾಗಿರುವುದರಿಂದ, ಸೂರ್ಯೋದಯ ಮತ್ತು ಸೂರ್ಯಾಸ್ತದ ನಡುವೆ ಆಹಾರ ಮತ್ತು ನೀರನ್ನು ಕುಡಿಯುವುದನ್ನು ತ್ಯಜಿಸಿ. ಅನಾರೋಗ್ಯದಿಂದ ಬಳಲುತ್ತಿರುವವರು, ವೃದ್ಧರು ಮತ್ತು ಗರ್ಭಿಣಿ/ಸ್ತನ್ಯಪಾನ ಮಾಡುವ/ಮುಟ್ಟಿನ ಮಹಿಳೆಯರನ್ನು ಹೊರತುಪಡಿಸಿ, ಎಲ್ಲರೂ ರಂಜಾನ್ ತಿಂಗಳಲ್ಲಿ ಉಪವಾಸ ಮಾಡುತ್ತಾರೆ. ಆದಾಗ್ಯೂ, ಅನಾರೋಗ್ಯ ಅಥವಾ ಗರ್ಭಿಣಿಯರು ನಂತರದ ದಿನಗಳಲ್ಲಿ ಉಪವಾಸ ಮಾಡುವ ಮೂಲಕ ಪರಿಹಾರವನ್ನು ನೀಡುತ್ತಾರೆ.

ಸಂಗೀತ/ಹಾಡುಗಳನ್ನು ಕೇಳಬೇಡಿ:

ಪ್ರಾರ್ಥನೆಗೆ ಸಮಯವನ್ನು ವಿನಿಯೋಗಿಸಿ ಮತ್ತು ಅಲ್ಲಾಹುನನ್ನು ಸ್ಮರಿಸಿ. ಸಂಗೀತ ಅಥವಾ ಹಾಡುಗಳನ್ನು ಕೇಳಬೇಡಿ.

ಸಮಯ ವ್ಯರ್ಥ ಮಾಡಬೇಡಿ:

ಟಿವಿ ನೋಡುವುದು, ಅತಿಯಾಗಿ ಮಲಗುವುದು ಅಥವಾ ಶಾಪಿಂಗ್ ಮಾಡುವ ಬದಲು, ಸಮಯವನ್ನು ರಚನಾತ್ಮಕವಾಗಿ ಬಳಸಿಕೊಳ್ಳಿ. ನೆನಪಿಡಿ, ರಂಜಾನ್ ಶಿಸ್ತನ್ನು ಪೋಷಿಸುವ ಸಮಯ.

ಇತರರ ಬಗ್ಗೆ ಕೆಟ್ಟದಾಗಿ ಮಾತನಾಡಬೇಡಿ:

ಗಾಸಿಪ್ ಮತ್ತು ಸುಳ್ಳು ಮಾತುಕತೆಗಳಿಂದ ತುಂಬಿರುವ ಸಂಭಾಷಣೆಗೆ ಹೋಗಬೇಡಿ. ಜೊತೆಗೆ ಇತರರ ಬಗ್ಗೆ ಕೆಟ್ಟದಾಗಿ ಮಾತನಾಡಲು ಹೋಗಬಾರದು.