ನೀರೆಯರ ಮನಗೆಲ್ಲುವ ಬೆಂಗಾಲಿ ಸೀರೆಗಳು

ತಾಂತ್ ಸೀರೆ:

ಈ ಬಗೆಯ ಸೀರೆಗಳನ್ನು ಹಬ್ಬದ ಸಮಯದಲ್ಲಿ ಹೆಚ್ಚಾಗಿ ಧರಿಸುತ್ತಾರೆ. ಈ ಸೀರೆ ಕೆಂಪು ಬಾರ್ಡರ್ ನಲ್ಲಿದ್ದು ಹೆಂಗಳೆಯರ ಮನ ಸೆಳೆಯುವ ವಿನ್ಯಾಸದಿಂದ ಕೂಡಿರುತ್ತದೆ. ಈ ಬಗೆಯ ಸೀರೆಗಳನ್ನು ಧರಿಸಿದಾಗ ಕಂಫರ್ಟ್ ಅನಿಸುವುದರ ಜೊತೆಗೆ ಆಕರ್ಷಕವಾಗಿಯೂ ಕಾಣುವಿರಿ.

ಪ್ಯೂರ್ ಸಿಲ್ಕ್:

ಸಿಲ್ಕ್ ಅಂದರೆ ರೇಷ್ಮೆ ಸೀರೆಯೂ ಬೆಂಗಾಲಿಯರ ಸಾಂಪ್ರದಾಯಕವಾದ ಉಡುಗೆಯಾಗಿದೆ. ಈ ಸಿಲ್ಕ್ ಸೀರೆಯಲ್ಲಿ ಕೊರಿಯಲ್, ಗರದ್, ಮಸ್ಲೀನ್, ಮೂಗಾ, ಬಲುಂಚರಿ ಈ ಬಗೆಯ ಸೀರೆಗಳೂ ಹೆಚ್ಚು ಪ್ರಸಿದ್ಧಿಯನ್ನು ಗಳಿಸಿವೆ. ರೇಷ್ಮೆ ಸೀರೆಯಲ್ಲಿ ಜಾರದೋಸಿ ಕೆಲಸ, ಪಾಶಮಿನಾ, ನಾರೋಶಿ ವಿನ್ಯಾಸವೂ ಈ ಸೀರೆಗಳು ಹೆಚ್ಚು ಸೊಬಗಿನಿಂದ ಕಾಣುತ್ತದೆ.

ಜಾಂದಾನಿ:

ಇದನ್ನು ಪರಿಶುದ್ಧವಾದ ಮಸ್ಲೀನ್ ನೂಲಿನಿಂದ ಮಾಡಲಾಗಿರುತ್ತದೆ. ಇದನ್ನು ಕೈಯಿಂದ ತಯಾರಿಸಲಾಗುವುದು. ಈ ಸೀರೆಯನ್ನು ಮಾಡಲು ಒಂದು ವರ್ಷ ತೆಗೆದುಕೊಳ್ಳುತ್ತದೆ. ಇದರಲ್ಲಿ ಬಿಳಿ ಹಾಗೂ ಗ್ರೇ ಮಿಶ್ರಿತ ಬಣ್ಣ ಹಾಗೋ ಕೆಂಪು ಹಾಗೂ ಚಿನ್ನದ ಬಣ್ಣ ಮಿಶ್ರಿತ ಸೀರೆ ಹೆಚ್ಚಿನ ಜನಪ್ರಿಯತೆಯನ್ನು ಪಡೆದಿದೆ.

ಕಾಂತ ಸ್ಟಿಚ್:

ಇದು ಸಾಮಾನ್ಯ ಸೀರೆಯಾಗಿದ್ದು ಹಳ್ಳಿ ಪ್ರದೇಶದ ಮಹಿಳೆಯರು ದಿನನಿತ್ಯ ಉಡುಗೆಗೆ ಇದನ್ನು ಬಳಸುತ್ತಾರೆ. ಈ ಸೀರೆಯಲ್ಲಿ ಅತ್ಯಾಧುನಿಕ ವಿನ್ಯಾಸಗಳು ಬಂದಿದ್ದು ಫಂಕ್ಷನ್ ಗಳೀಗೆ ಕೂಡ ಹೋಗಬಹುದಾಗಿದೆ.

ಕಾಟನ್ ಸೀರೆ:

ಇಲ್ಲಿ ಕಾಟನ್ ಸೀರೆಗಳು ಕೂಡ ಜನಪ್ರಿಯತೆಯನ್ನು ಗಳಿಸಿದೆ. ಇಲ್ಲಿ ಸೆಕೆ ಜಾಸ್ತಿ ಇರುವುದರಿಂದ ಈ ಬಗೆಯ ಸೀರೆಯನ್ನು ಧರಿಸಿದಾಗ ತುಂಬಾ ಕಂಫರ್ಟ್ ಅನಿಸುತ್ತದೆ.