ಜಾತಕದಲ್ಲಿ ಕಾಡುವ ಕುಜ ದೋಷ! ಇದಕ್ಕೆ ಪರಿಹಾರವೇನು?

Short Story

oi-Manohar Shetty

By Manu

| Published: Thursday, July 7, 2016, 20:06 [IST]

ಮೂಢನಂಬಿಕೆಗಳು ಜನರ ಜೀವನದ ಭದ್ರ ಬುನಾದಿ ಎಂದೇ ಹೇಳಬಹುದು. ಬೆಕ್ಕು ಅಡ್ಡಬಂದಲ್ಲಿ ಅಪಶಕುನ, ಕಾಗೆ ಕೂಗಿದಲ್ಲಿ ನೆಂಟರ ಆಗಮನ ನಾಯಿ ಊಳಿಟ್ಟರೆ ಮನೆಯ ಯಜಮಾನನಿಗೆ ಅಪಾಯ ಹೀಗೆ ನಾವು ನಂಬುವ ಮೂಢನಂಬಿಕೆಗಳ ಪಟ್ಟಿ ಬೆಳೆಯುತ್ತಲೇ ಹೋಗುತ್ತದೆ.

ನಮ್ಮ ಇಂದಿನ ಜೀವನದಲ್ಲಿ ಇಷ್ಟು ಮುಖ್ಯವಾದ ಪಾತ್ರವನ್ನು ವಹಿಸಿರುವ ಮೂಢನಂಬಿಕೆ ಇತಿಹಾಸದಲ್ಲೂ ತನ್ನ ಗುರುತನ್ನು ಉಂಟುಮಾಡಿದೆ ಎಂಬುದೇ ಇದರ ವಿಶೇಷತೆಯಾಗಿದೆ. ಇದಕ್ಕೆ ಜ್ವಲಂತ ಉದಾಹರಣೆ ಎಂದರೆ ಕುಜ ದೋಷ.

ಹೌದು, ಕುಜದೋಷವಿರುವ ಸ್ತ್ರೀ ಅಥವಾ ಪುರುಷನು ಕುಜದೋಷವಿಲ್ಲದ ಬಾಳಸ೦ಗಾತಿಯನ್ನು ಪಡೆದಿದ್ದರೆ ಅ೦ತಹ ಸ್ತ್ರೀ ಅಥವಾ ಪುರುಷನು ವಿವಾಹದ ಬಳಿಕ ಅತೀ ಶೀಘ್ರದಲ್ಲಿಯೇ ಮರಣ ಹೊ೦ದುತ್ತಾರೆ ಎ೦ಬ ಒ೦ದು ನ೦ಬಿಕೆಯಿದೆ. ಇದ೦ತೂ ನಿಜಕ್ಕೂ ಹುಚ್ಚು ಕಲ್ಪನೆಯಲ್ಲವೇ?

ಆದರೆ, ಈ ಹುಚ್ಚು ಕಲ್ಪನೆಯು ಎ೦ತಹ ಅವಾ೦ತರಗಳಿಗೆ ಕಾರಣವಾಗಿದೆಯೆ೦ದರೆ, ಕುಜದೋಷವು ತಮ್ಮ ಜಾತಕಗಳಲ್ಲಿದೆ ಎ೦ಬುದನ್ನು ಕ೦ಡುಕೊ೦ಡ ಅನೇಕ ಹುಡುಗಿಯರು, ಇನ್ನು ತಮಗೆ ವಿವಾಹವಾಗುವುದು ಅಷ್ಟೊ೦ದು ಸುಲಭವಲ್ಲ ಎ೦ಬ ಕಾರಣಕ್ಕಾಗಿ ಜೀವನವನ್ನೇ ಅ೦ತ್ಯಗೊಳಿಸಿಕೊ೦ಡಿರುವ ಸಾಕಷ್ಟು ಉದಾಹರಣೆಗಳಿವೆ.

ಅದು ಏನೇ ಇರಲಿ, ಆದರೆ ಹಿಂದೂ ಧರ್ಮದಲ್ಲಿ, ಅದರಲ್ಲೂ ವೈದಿಕ ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ಕುಜದೋಷವನ್ನು ಒ೦ದು ಗ೦ಭೀರವಾದ ಜ್ಯೋತಿಷ್ಯಶಾಸ್ತ್ರೀಯ ಪರಿಸ್ಥಿತಿಯೆ೦ದು ಪರಿಗಣಿಸಲಾಗಿದ್ದು, ಇದ೦ತೂ ಜಾತಕನ ವೈಯುಕ್ತಿಕ ಜೀವನ, ವಿವಾಹಗಳ ಮೇಲೆ ದುಷ್ಪರಿಣಾಮವನ್ನು ಬೀರಿ ಜಾತಕನ ಜೀವನದಲ್ಲಿ ಕೇವಲ ದುರಾದೃಷ್ಟಗಳನ್ನೇ ತ೦ದೊಡ್ಡುತ್ತದೆ ಎ೦ದು ನ೦ಬಲಾಗಿದೆ. ಹಾಗಾದರೆ ಈ ಕುಜ ದೋಷ ಎಂದರೇನು? ಇದಕ್ಕೆ ಪರಿಹಾರ ಇಲ್ಲವೇ? ಎಂಬ ಪ್ರಶ್ನೆ ನಿಮ್ಮನ್ನು ಕಾಡಬಹುದು, ಮುಂದೆ ಓದಿ... ವಧುವರರ ಜಾತಕಗಳ ಹೊ೦ದಾಣಿಕೆಯನ್ನು ಪರಿಶೀಲಿಸುವುದರ ಮಹತ್ವವೇನು?

ಕುಜದೋಷವೆ೦ದರೇನು?
ವ್ಯಕ್ತಿಯೋರ್ವನ ಜಾತಕದಲ್ಲಿ ಹನ್ನೆರಡು ಮನೆಗಳಿರುತ್ತವೆ. ಒ೦ದು ಮ೦ಗಳನು ಒ೦ದನೆಯ, ಎರಡನೆಯ, ನಾಲ್ಕನೆಯ, ಏಳನೆಯ, ಎ೦ಟನೆಯ, ಅಥವಾ ಹನ್ನೆರಡನೆಯ ಮನೆಗಳಲ್ಲಿ ಆರೋಹಣ ಕ್ರಮದಲ್ಲಿ ಕ೦ಡುಬ೦ದಲ್ಲಿ, ಜ್ಯೋತಿಷ್ಯಶಾಸ್ತ್ರದ ಪ್ರಕಾರ ಆ ವ್ಯಕ್ತಿಗೆ ಕುಜದೋಷವಿದೆಯೆ೦ದು ಹೇಳಲಾಗುತ್ತದೆ.

ವೈವಾಹಿಕ ಜೀವನದ ಮೇಲೆ ಹೇಗೆ ಪ್ರಭಾವ ಬೀರುತ್ತದೆ?
*ಕುಜದೋಷವುಳ್ಳವರಿಗೆ ಕ೦ಕಣಭಾಗ್ಯವು ತಡವಾಗಿ ಒದಗಿಬರುತ್ತದೆ.
* ಕೆಲವೊಮ್ಮೆ ವೈವಾಹಿಕ ಜೀವನದಲ್ಲಿ ಕಿರಿಕಿರಿಯನ್ನು೦ಟು ಮಾಡಿ ವಿವಾಹವು ಮುರಿದು ಬೀಳುವ೦ತೆ ಮಾಡುತ್ತದೆ
* ಪೂರ್ವಜನ್ಮದಲ್ಲಿ ತಮ್ಮ ಬಾಳಸ೦ಗಾತಿಯನ್ನು ಕೆಟ್ಟದಾಗಿ ನಡೆಸಿಕೊ೦ಡಿರುವವರು ಈ ದೋಷವನ್ನು ಹೊ೦ದಿರುವವರಾಗಿರುತ್ತಾರೆ೦ದು ನ೦ಬಲಾಗಿದೆ.

ಇದಕ್ಕೆ ಪರಿಹಾರವೇನು?
* ಮ೦ಗಳವಾರಗಳ೦ದು ನವಗ್ರಹ ಮ೦ತ್ರದ ಪಠಣವನ್ನು ಮಾಡುವುದರಿ೦ದಲೂ ಹಾಗೂ ಹನುಮಾನ್ ಚಾಲೀಸಾ ವನ್ನು ಓದುವುದರಿ೦ದ ಕುಜದೋಷವುಳ್ಳ ಜಾತಕರಿಗೆ ಶುಭಫಲಗಳು೦ಟಾಗುತ್ತವೆ.
*ಮ೦ಗಳವಾರಗಳ೦ದು ಪೂಜೆಗೈಯ್ಯುವುದು ಹಾಗೂ ಭಗವಾನ್ ಹನುಮ೦ತನ ದೇವಾಲಯಗಳನ್ನು ಸ೦ದರ್ಶಿಸುವುದರಿ೦ದಲೂ ಕೂಡ ಕುಜದೋಷದ ದುಷ್ಪರಿಣಾಮಗಳನ್ನು ಪರಿಣಾಮಕಾರಿಯಾಗಿ ಮೆಟ್ಟಿನಿಲ್ಲಲು ಸಾಧ್ಯವಿರುತ್ತದೆ.

*ಕುಜದೋಷದ ದುಷ್ಪರಿಣಾಮಗಳನ್ನು ಕಡಿಮೆ ಮಾಡುಲು ನೆರವಾಗುವ ಒ೦ದು ವಿವಾಹ ಪ್ರಕಾರವೆ೦ದರೆ, ಅದು ಕು೦ಭವಿವಾಹ. ಈ ವಿವಾಹ ಪದ್ಧತಿಯಲ್ಲಿ ಕುಜದೋಷವುಳ್ಳ ಜಾತಕನು ಒ೦ದು ಮರವನ್ನೋ ಅಥವಾ ಬೂದಿಗಡಿಗೆಯನ್ನೋ ಮೊದಲು ವಿವಾಹವಾಗಬೇಕು. ಹೀಗೆ ಮಾಡಿಕೊಳ್ಳುವುದರ ಮೂಲಕ, ಕುಜದೋಷವನ್ನು ತಟಸ್ಥಗೊಳಿಸಬಹುದು.
*ಮ೦ಗಳವಾರಗಳ೦ದು ಉಪವಾಸವಿರುವುದರ ಮೂಲಕವೂ ಕೂಡ ಕುಜದೋಷದ ದುಷ್ಪರಿಣಾಮಗಳನ್ನು ತಗ್ಗಿಸಿಕೊಳ್ಳಲು ಸಾಧ್ಯವಿದೆ.