27 ವರ್ಷಗಳ ಬಳಿಕ ದೀಪಾವಳಿ ಸಂದರ್ಭದಲ್ಲಿ ಗ್ರಹಣ: ಗ್ರಹಣದ ಬಳಿಕವಷ್ಟೇ ಈ ದೀಪಾವಳಿ ಪೂಜೆಗಳನ್ನು ಮಾಡಿ

ಸೂರ್ಯಗ್ರಹಣ:

ಅಕ್ಟೋಬರ್ 25 ರಂದು ಸಂಜೆ 4 ಗಂಟೆಯಿಂದ ಸೂರ್ಯಗ್ರಹಣ ಆರಂಭವಾಗಲಿದೆ. ಸಂಜೆ 6.25ಕ್ಕೆ ಗ್ರಹಣ ಮುಗಿಯಲಿದೆ. ದೇಶದ ಉತ್ತರ ಮತ್ತು ಪಶ್ಚಿಮ ಭಾಗಗಳಲ್ಲಿ ಸೂರ್ಯಗ್ರಹಣವು ಸುಲಭವಾಗಿ ಗೋಚರಿಸುತ್ತದೆ. ಈ ಗ್ರಹಣವು ದೇಶದ ಪೂರ್ವ ಭಾಗಗಳಲ್ಲಿ ಗೋಚರಿಸುವುದಿಲ್ಲ.

ದೀಪಾವಳಿ ಪೂಜೆಯ ಮೇಲೆ ಸೂರ್ಯಗ್ರಹಣದ ಪ್ರಭಾವ

ಜ್ಯೋತಿಷ್ಯದ ಲೆಕ್ಕಾಚಾರದ ಪ್ರಕಾರ 27 ವರ್ಷಗಳ ನಂತರ ದೀಪಾವಳಿ ಸಂದರ್ಭದಲ್ಲಿ ಇಂತಹ ಕಾಕತಾಳೀಯ ಸಂಭವಿಸುತ್ತಿದೆ. ಈ ಹಿಂದೆ 1995ರ ದೀಪಾವಳಿಯಂದು ಸೂರ್ಯಗ್ರಹಣ ಸಂಭವಿಸಿತ್ತು. ಹಾಗಾಗಿ ಈ ದಿನ ಗೋವರ್ಧನ ಪೂಜೆ ಮಾಡಲಾಗುವುದಿಲ್ಲ, ನಾಳೆ ಗೋವರ್ಧನ ಪೂಜೆ ಮಾಡಲಾಗುವುದು.

ಸೂರ್ಯಗ್ರಹಣದ ಬಳಿಕ ಮನೆಯನ್ನು ಸ್ವಚ್ಛಮಾಡಿ

ಸೂರ್ಯಗ್ರಹಣ ಬಳಿಕ ದೀಪಾವಳಿ ಪೂಜೆಯ ಕಡೆಗೆ ಗಮನ ನೀಡಬೇಕಾಗಿರುವುದರಿಂದ ಗ್ರಹಣ ಮಗಿದ ಬಳಿಕ ಮನೆಯನ್ನು ಒರೆಸಿ, ಗುಡಿಸಿ ನಂತರ ಸ್ನಾನ ಮಾಡಬೇಕು. ಆ ಬಳಿಕ ದೀಪಾವಳಿಯಲ್ಲಿ ನಡೆಯಬೇಕಾಗಿರುವ ಗೋವರ್ಧನ ಪೂಜೆಯ ಕಡೆಗೆ ಗಮನಹರಿಸಬೇಕು.

ರಾತ್ರಿ ಹೊತ್ತು ಹಣತೆಯನ್ನು ಹಚ್ಚಬಹುದೇ?

ದೀಪಾವಳಿಯಲ್ಲಿ ರಾತ್ರಿಯಲ್ಲಿ ಹಣತೆಯನ್ನು ಹಚ್ಚುವ ಸಂಪ್ರದಾಯವಿದೆ. ಅಕ್ಟೋಬರ್ 25ಕ್ಕೆ ಸೂರ್ಯಗ್ರಹಣ ಕಾರಣ ಯಾವುದೇ ಹಬ್ಬದ ಆಚರಣೆಯಿಲ್ಲ, ಆದರೆ ಗ್ರಹಣ ಮುಗಿದ ಮೇಲೆ ಅದರ ಸೂತಕ ಕೂಡ ಮುಗಿಯುವುದು. ಹೀಗಾಗಿ ರಾತ್ರಿ ಹೊತ್ತಿನಲ್ಲಿ ಮನೆಯಲ್ಲಿ ಹಣತೆಯನ್ನು ಹಚ್ಚಬಹುದು.

ಗೋವರ್ಧನ ಪೂಜೆ

ಗೋವರ್ಧನ ಪೂಜೆ 2022 ದಿನಾಂಕ- ಅಕ್ಟೋಬರ್ 26, ಬುಧವಾರ

ಪ್ರತಿಪದ ಪ್ರಾರಂಭ- 25 ಅಕ್ಟೋಬರ್ 4:18 ರಿಂದ

ಪ್ರತಿಪದ ಮುಕ್ತಾಯ- ಅಕ್ಟೋಬರ್ 26 ಮಧ್ಯಾಹ್ನ 2:42 ಕ್ಕೆ

ಗೋವರ್ಧನ ಪೂಜೆ ಶುಭ ಮುಹೂರ್ತ- ಬೆಳಗ್ಗೆ 6:29 ರಿಂದ 8.43 ರವರೆಗೆ

ಪೂಜೆಯ ಒಟ್ಟು ಅವಧಿ - 2 ಗಂಟೆ 14 ನಿಮಿಷಗಳು

ಸೂರ್ಯಗ್ರಹಣದ ಸಮಯದಲ್ಲಿ ಜಾಗ್ರತೆ

ಜ್ಯೋತಿಷ್ಯದ ಪ್ರಕಾರ ಅಕ್ಟೋಬರ್ 25 ರಂದು ಸೂರ್ಯಗ್ರಹಣದ ಬಗ್ಗೆ ವೃಷಭ, ಮಿಥುನ, ಕನ್ಯಾ ಮತ್ತು ತುಲಾ ರಾಶಿಯ ಜನರು ಜಾಗರೂಕರಾಗಿರಬೇಕು. ಇದರ ಹೊರತಾಗಿ ಎಣ್ಣೆ ಮಸಾಜ್ ಮತ್ತು ಧೂಪ, ಆರತಿ ಅಥವಾ ಹವನವನ್ನು ದೀಪಗಳಿಂದ ಮಾಡಬಾರದು. ಈ ಸಮಯದಲ್ಲಿ ಗರ್ಭಿಣಿಯರು ಮತ್ತು ಜಾತಕ ದೋಷವುಳ್ಳವರು ಸಹ ಜಾಗರೂಕರಾಗಿರಬೇಕು.