ಶನಿ ಜಯಂತಿ: ಶುಭ ಕಾರ್ಯಕ್ಕೆ ಏನು ಮಾಡಬೇಕು? ಈ ಲೇಖನ ಓದಿ...

ಮನೆಯ ಹೊಸ್ತಿಲಿನಲ್ಲಿ

ನಿಮ್ಮ ಮನೆಯ ಹೊಸ್ತಿನ ಎರಡೂ ಬದಿಗಳಲ್ಲಿ ಎರಡು ಮಣ್ಣಿನ ದೀವಟಿಗೆಗಳನ್ನು ಹಚ್ಚಿಡಿ. ಇದರಿಂದ ನಿಮ್ಮ ಮನೆಯೊಳಗೆ ಋಣಾತ್ಮಕ ಶಕ್ತಿ ಪ್ರವೇಶ ಪಡೆಯಲು ಸಾಧ್ಯವಾಗದು.

ದೀವಟಿಗೆಯ ಮಹತ್ವ

ನಿಮ್ಮ ದೀವಟಿಗೆಯಲ್ಲಿರುವ ಎಣ್ಣೆ ಕೊಳೆ ಅಥವಾ ಕುಂದುಗಳನ್ನು ಪ್ರತಿನಿಧಿಸುತ್ತದೆ. ಅತಿಯಾಸೆ, ಮತ್ಸರ, ದ್ವೇಶ, ಲಾಲಸೆ ಮೊದಲಾದವುಗಳನ್ನು ಮಾನವರು ತಮ್ಮ ಉಪಪ್ರಜ್ಞೆಯಲ್ಲಿ ಬೆಳೆಸಿಕೊಂಡು ಬಂದಿದ್ದು ಎಣ್ಣೆಯನ್ನು ಉರಿಸುವ ಮೂಲಕ ಈ ಗುಣಗಳನ್ನು ಸುಡುವುದು ಸಾಂಕೇತಿಕವಾಗಿದೆ. ಹತ್ತಿಯ ಬತ್ತಿ ಆತ್ಮದ ಪ್ರತೀಕವಾಗಿದ್ದು ಇದರ ಮೂಲಕ ಎಣ್ಣೆಯನ್ನು ಉರಿಸಿ ಜ್ಞಾನ ಹಾಗೂ ತಿಳಿವಳಿಕೆಯನ್ನು ಪಡೆಯುವುದಾಗಿದೆ.

ಪೂಜಾಗೃಹದಲ್ಲಿ

ನಿಮ್ಮ ಪೂಜಾಗೃಹದಲ್ಲಿಯೂ ದೀಪವೊಂದನ್ನು ಹಚ್ಚಿ. ಈ ಪವಿತ್ರ ದೀಪವನ್ನು ಹಚ್ಚುವುದರಿಂದ ಕುಟುಂಬದಲ್ಲಿ ಸಮೃದ್ಧಿಯುಂಟಾಗುವುದು ಎಂದು ಹೇಳಲಾಗುತ್ತದೆ.

ತುಳಸಿ ಕಟ್ಟೆ

ನಿಮ್ಮ ಮನೆಯ ತುಳಸಿ ಕಟ್ಟೆಯ ಸಮೀಪದಲ್ಲಿಯೂ ಒಂದು ದೀಪವನ್ನು ಸಂಜೆಯ ಹೊತ್ತು ಅಂದರೆ ಸೂರ್ಯಾಸ್ತವಾದ ತಕ್ಷಣ ಹಚ್ಚಿ. ಅಮಾವಾಸ್ಯೆ ಇರುವ ರಾತ್ರಿಯಂದು ಈ ದೀಪ ಇಡಿಯ ರಾತ್ರಿ ಬೆಳಗುತ್ತಿರುವಂತೆ ಮಾಡುವುದರಿಂದ ಶುಭಕರವಾಗುತ್ತದೆ. ತುಳಸಿಕಟ್ಟೆಯ ಬಳಿ ಇರುವ ಈ ಪವಿತ್ರ ಬೆಳಕು ದೇವತೆಗಳನ್ನು ಆಕರ್ಷಿಸುತ್ತದೆ ಎನ್ನಲಾಗುತ್ತದೆ.

ಅಮಾವಾಸ್ಯೆಯ ರಾತ್ರಿಯ ಸಮಯದಲ್ಲಿ

ನಿಮ್ಮ ಮನೆಯ ಛಾವಣಿಯನ್ನೂ ಮರೆಯಕೂಡದು. ಅಮಾವಾಸ್ಯೆಯ ರಾತ್ರಿಯ ಸಮಯದಲ್ಲಿ ನಿಮ್ಮ ಮನೆಯ ಛಾವಣಿಯ ಮೇಲೂ ಕೆಲವು ಚಿಕ್ಕ ದೀಪಗಳನ್ನು ಹಚ್ಚಿಡಿ. ಒಂದು ವೇಳೆ ಛಾವಣೆಯ ಮೇಲೆ ವಿದ್ಯುತ್ ದೀಪವಿದ್ದರೆ ಇದನ್ನು ಬೆಳಗಿಸಿ. ಈ ಬೆಳಕು ಇಡಿಯ ರಾತ್ರಿ ಬೆಳಗುವಂತೆ ಮಾಡಿ. ಇದರಿಂದ ಋಣಾತ್ಮಾ ಶಕ್ತಿ ನಿಮ್ಮ ಮನೆಯ ಪ್ರದೇಶವನ್ನು ಆವರಿಸುವುದರಿಂದ ತಡೆದಂತಾಗುತ್ತದೆ.

ಅರಳಿ ಮರ

ನಿಮ್ಮ ಮನೆಯ ಹತ್ತಿರ ಅರಳಿ ಮರವಿದ್ದರೆ ಅದರ ಬುಡದಲ್ಲಿಯೂ ಒಂದು ದೀಪವನ್ನು ಬೆಳಗಿಸಿ. ಇದರಿಂದ ನಿಮ್ಮ ಜೀವನದಲ್ಲಿ ಶನಿಗೆ ಸಂಬಂಧಿಸಿದ ತೊಂದರೆಗಳು ದೂರಾಗುತ್ತವೆ.

ದೀಪದ ಬೆಳಕು ಜ್ಞಾನವನ್ನು ಪ್ರತಿನಿಧಿಸುತ್ತದೆ

ಹೌದು, ದೀಪದ ಬೆಳಕು ಜ್ಞಾನವನ್ನು ಪ್ರತಿನಿಧಿಸುತ್ತದೆ. ದೀಪವನ್ನು ಬೆಳಗಿಸುವುದೆಂದರೆ ಮುಗ್ಧ ಮನಸ್ಸಿನ ವ್ಯಕ್ತಿ ಅಂಧಕಾರದಿಂದ ಜ್ಞಾನದ ಬೆಳಕನ್ನು ಪಡೆಯುವುದೇ ಆಗಿದೆ. ಇನ್ನೊಂದು ಅರ್ಥದಲ್ಲಿ ಹೇಳಬೇಕೆಂದರೆ ಮನಸ್ಸಿನಲ್ಲಿರುವ ಅಜ್ಞಾನವನ್ನು ತೊಡೆದು ಜ್ಞಾನವನ್ನು ಪಡೆಯುವುದಾಗಿದೆ. ಈ ಜ್ಞಾನವನ್ನು ಒಳ್ಳೆಯ ಮತ್ತು ಸಮಾಜದ ಏಳ್ಗೆಗಾಗಿ, ಸದುದ್ದೇಶಗಳಿಗಾಗಿ ಉಪಯೋಗಿಸುವುದು ಈ ಜ್ಞಾನವನ್ನು ಪಡೆಯುವ ಮುಖ್ಯ ಉದ್ದೇಶವಾಗಿರುವುದು ಸಹಾ ಅಗತ್ಯವಾಗಿದೆ.