ಪಿತೃದೋಷದ ಸೂಚನೆಗಳು ಮತ್ತು ಅದಕ್ಕೆ ಪರಿಹಾರಗಳು

ಪಿತೃದೋಷದ ಸೂಚನೆಗಳು

ಒಂದು ಕುಟುಂಬದಲ್ಲಿ ಪಿತೃದೋಷವಿದ್ದರೆ ಅಲ್ಲಿ ಸಂತಾನಕ್ಕೆ ಸಂಬಂಧಿಸಿದ ಸಮಸ್ಯೆಗಳು ಇರುತ್ತವೆ.ಅಂತಹವರ ಮನೆಯಲ್ಲಿ ಹಲವಾರು ಬಾರಿ ಗರ್ಭಪಾತಗಳಾಗುತ್ತವೆ.ಮನೆಯಲ್ಲಿರುವ ಮಕ್ಕಳಿಗೆ ಆರೋಗ್ಯದ ಸಮಸ್ಯೆಗಳು ಉಂಟಾಗುತ್ತವೆ.ಈ ಸಮಸ್ಯೆ ಹೆಚ್ಚಾಗಿ ಮನೆಯಲ್ಲಿರುವ ಗಂಡು ಮಕ್ಕಳಿಗೆ ಉಂಟಾಗುತ್ತದೆ.ಅವರ ಸಂಸಾರ ಬಡತನದ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.ಕೆಲವೊಮ್ಮೆ ಸಾಮಾನ್ಯವಾದ ಜೀವನವನ್ನು ನಡೆಸಲೂ ಅವರಿಗೆ ಕಷ್ಟವಾಗಬಹುದು.ಇದರೊಂದಿಗೆ ಮನೆಯಲ್ಲಿ ಪದೇ ಪದೇ ಜಗಳಗಳೂ ನಡೆಯಬಹುದು. ಪಿತೃದೋಷದಿಂದ ಹೊರಗೆ ಬರಲು ಕೆಲವು ಪರಿಹಾರಗಳಿವೆ. ಅವೇನೆಂದು ತಿಳಿಯೋಣ

ಪಿತೃಪಕ್ಷ ಅಥವಾ ಶ್ರಾದ್ಧವನ್ನು ಆಚರಿಸುವುದು

ಪಿತೃಪಕ್ಷ ಎನ್ನುವುದು ೧೦ ದಿನಗಳ ಅವಧಿಯಲ್ಲಿ ಆಚರಿಸುವ ಒಂದು ಪದ್ಧತಿ.ಈ ಸಮಯವು ಬಹಳ ಮಂಗಳಕರವಾಗಿದ್ದು ನಮ್ಮ ಪೂರ್ವಿಕರಿಗೆ ಸಲ್ಲಿಸಬೇಕಾದ ಎಲ್ಲ ಕಾರ್ಯಗಳನ್ನು ಮಾಡುವುದು ಬಹಳ ಪ್ರಶಸ್ತ.ಈ ದಿನಗಳಲ್ಲಿ ನಾವು ನಮ್ಮ ಕರ್ತವ್ಯಗಳನ್ನು ಪಾಲಿಸಿ ನಮ್ಮ ಹಿರಿಯರ ಕಾರ್ಯಗಳನ್ನು ಮಾಡಬೇಕು.ಈ ಆಚರಣೆಗಳಲ್ಲಿ ಮುಖ್ಯವಾಗಿ ನಾವು ತೀರಿ ಹೋಗಿರುವ ನಮ್ಮ ಹಿರಿಯರಿಗೆ ವಸ್ತ್ರಗಳನ್ನು ಹಾಗೂ ಆಹಾರವನ್ನು ನೀಡಬೇಕು.ಈ ೧೫ ದಿನಗಳ ಸಮಯದಲ್ಲಿ ಹಿರಿಯರ ಆತ್ಮಗಳು ಮನೆಗೆ ಭೇಟಿ ನೀಡಿ ಹೋಗುತ್ತವೆ ಎಂಬ ನಂಬಿಕೆಗಳಿವೆ.

ಅರಳಿ ಮರಕ್ಕೆ ನೀರೆರೆಯುವುದು

ಅರಳಿ ಮರಕ್ಕೆ ಆಗಾಗ್ಗೆ ನೀರನ್ನು ಹಾಕುವುದರಿಂದ ಪಿತೃ ದೋಷದಿಂದ ಪರಿಹಾರವನ್ನು ಕಂಡುಕೊಳ್ಳಬಹುದು.ಪ್ರತಿ ದಿನವೂ ಅರಳಿ ಮರದ ಬೇರುಗಳಿಗೆ ನೀರೆರೆಯುವುದು ಬಹಳ ಒಳ್ಳೆಯದು.ಅರಳಿ ಮರವು ಬ್ರಹ್ಮ ದೇವರು ಹಾಗು ನಮ್ಮ ಪೂರ್ವಿಕರೊಂದಿಗೆ ಬಾಂಧವ್ಯವನ್ನು ಹೊಂದಿದೆ ಎಂದು ಹೇಳಲಾಗುತ್ತದೆ.ಹಿಂದೂ ಧರ್ಮದಲ್ಲಿ ಪಿತೃ ಗಳನ್ನು ಪೂಜಿಸಲಾಗುತ್ತದೆ, ಹಾಗಾಗಿ ಪ್ರತಿ ದೇವಸ್ಥಾನದಲ್ಲೂ ಅರಳಿ ಮರಗಳು ಇರುತ್ತವೆ.ಇದರೊಂದಿಗೆ ವ್ಯಕ್ತಿಗಳು ಸತ್ತಾಗ ಅವರ ಎಲ್ಲಾ ಕಾರ್ಯಗಳನ್ನು ಶ್ರದ್ಧೆಯಿಂದ ಮಾಡಬೇಕು.

ಅಮಾವಾಸ್ಯೆ ಪೂಜೆ

ಅಮಾವಾಸ್ಯೆಯೂ ಕೂಡ ನಮ್ಮ ಹಿರಿಯರಿಗೆ ಮೀಸಲಾಗಿದೆ.ಶ್ರಾದ್ಧದ ದಿನಗಳಂದು ನಡೆಯುವ ಆಚರಣೆಗಳನ್ನು ಅಮಾವಾಸ್ಯೆಯ ಸಂದರ್ಭದಲ್ಲೂ ಮಾಡಬಹುದು.ಮಹಿಳೆಯರು ಕೆಲವು ವಸ್ತುಗಳನ್ನು (ಅವರ ಕುಟುಂಬದ ಸಂಪ್ರದಾಯದಿಂದ ಬಂದಿರುವ) ನೀಡಿ ಹಿರಿಯರನ್ನು ಬೇಡಿಕೊಳ್ಳುತ್ತಾರೆ. ಬಹಳಷ್ಟು ಜನರು ಪಿತೃ ಪೂಜೆಯನ್ನು ಕೂಡ ಅಮಾವಾಸ್ಯೆಯಂದು ಮಾಡುತ್ತಾರೆ.