ಇಲ್ಲಿ ಪುರುಷರು ಸೀರೆಯುಟ್ಟು, ಕೈಗೆ ಬಳೆ ಹಾಕಿ ದೇವಿಗೆ ಪೂಜೆ ಮಾಡುತ್ತಾರೆ!

ಯಾವ ದೇಗುಲ?

ಕೇರಳದ ಕೊಲ್ಲಂ ಜಿಲ್ಲೆಯ ಚವರ ಬಳಿ ಇರುವ ಕೊಟ್ಟನ್ ಕುಲ್ಲಂಗರ್ ದೇವಿಯ ದೇಗುಲ. ಇಲ್ಲಿ ಭಗವತಿ ದೇವಿಯನ್ನು ಆರಾಧಿಸಲಾಗುತ್ತದೆ, ಆದರೆ ಇಲ್ಲಿಯ ವಿಶೇಷತೆ ಏನೆಂದರೆ ಈ ದೇವಿ ದೇವಾಲಯದಲ್ಲಿ ಪುರುಷರು ಮಹಿಳೆಯರಂತೆ ಸೀರೆ ಹಾಗೂ ಆಭರಣವನ್ನು ಧರಿಸಿಕೊಂಡು ಪೂಜೆ ಸಲ್ಲಿಸುತ್ತಾರೆ!....

Image Courtesy

ಎಲ್ಲರೂ ಮಹಿಳೆಯರ ವೇಷ

ಈ ದೇವಾಲಯದಲ್ಲಿ ಯುವಕರು, ವೃದ್ಧರು ಎನ್ನುವ ಭೇದವಿಲ್ಲದೆ ಎಲ್ಲರೂ ಮಹಿಳೆಯರ ವೇಷ ಧರಿಸಿ, ಶೃಂಗಾರ ಮಾಡಿಕೊಳ್ಳುತ್ತಾರೆ. ಈ ರೂಪದಲ್ಲಿಯೇ ದೇವಿಗೆ ಪೂಜೆ ಸಲ್ಲಿಸುತ್ತಾರೆ. ಪುರುಷರು ತಮ್ಮ ಉಡುಗೆ ಬದಲಾಯಿಸಿಕೊಳ್ಳಲು ವಿಶೇಷವಾಗಿಯೇ ಒಂದು ಕೊಠಡಿಯಿದೆ.

Image Courtesy

ಕೋರಿಕೆಗಳು ಈಡೇರುವುದು

ಭಕ್ತರು ಕೇಳುವ ವಿದ್ಯೆ, ಆರೋಗ್ಯ, ಸಂಪತ್ತು, ಉದ್ಯೋಗ, ವಿವಾಹ ಸೇರಿದಂತೆ ಎಲ್ಲಾ ಬಗೆಯ ಕೋರಿಕೆಯನ್ನು ತಾಯಿ ಈಡೇರಿಸುತ್ತಾಳೆ.

Image Courtesy

ದೇಗುಲದ ಹುಟ್ಟು

ಒಮ್ಮೆ ದನ ಕಾಯುವ ಹುಡುಗರು ಮಹಿಳೆಯರ ಉಡುಗೆಯನ್ನು ತೊಟ್ಟು, ಒಂದು ಕಲ್ಲಿನ ಪೂಜೆ ನಡೆಸಿದರು. ಪೂಜೆಯ ನಂತರ ಕಲ್ಲಿನ ಸುತ್ತಲು ಅಗೋಚರವಾದ ಶಕ್ತಿಸುತ್ತುತ್ತಿರುವುದನ್ನು ಸ್ಥಳೀಯರು ಗಮನಿಸಿದರು. ನಂತರ ಅಪೂರ್ವವಾದ ಈ ಕಲ್ಲಿಗೆ ದೇಗುಲವನ್ನು ನಿರ್ಮಿಸಲಾಯಿತು ಎನ್ನಲಾಗುತ್ತದೆ. ಈ ಹಿನ್ನೆಲೆಯಲ್ಲಿಯೇ ಇಂದಿಗೂ ಪುರುಷರು ಮಹಿಳೆಯರಂತೆ ಶೃಂಗರಿಸಿಕೊಂಡು ಪೂಜೆ ಸಲ್ಲಿಸುತ್ತಾರೆ.

Image Courtesy

ಇನ್ನೊಂದು ಕಥೆ

ಒಮ್ಮೆ ತೆಂಗಿನಕಾಯಿಯನ್ನು ಒಂದು ಕಲ್ಲಿಗೆ ಬಡಿದಾಗ ತೆಂಗಿನ ಕಾಯಿಯಿಂದ ರಕ್ತ ಸುರಿಯಲು ಆರಂಭವಾಯಿತಂತೆ. ಅಂದಿನಿಂದ ಆ ಕಲ್ಲಿಗೆ ಅತೀವವಾದ ಶಕ್ತಿಯಿದೆ ಎಂದು ಪೂಜಿಸಲಾಯಿತು. ನಂತರ ಆ ಕಲ್ಲಿಗೆ ದೇಗುಲ ನಿರ್ಮಿಸಲಾಯಿತು ಎನ್ನುತ್ತಾರೆ.

Image Courtesy

ವಿಗ್ರಹ ಬೆಳೆಯುತ್ತದೆ

ಆ ಕಾಲದಲ್ಲಿ ಅಪಾರವಾದ ಶಕ್ತಿಯನ್ನು ಹೊಂದಿರುವ ಈ ಕಲ್ಲಿಗೆ ಪೂಜಿಸುತ್ತಾ ಬಂದಿದ್ದಾರೆ. ವರ್ಷಗಳು ಉರುಳಿದಂತೆ ಕಲ್ಲಿನ ಬೆಳವಣಿಗೆಯೂ ಆಗುತ್ತಿದೆ ಎಂದು ಹೇಳುತ್ತಾರೆ.

Image Courtesy

ಜಾತ್ರೆ ನಡೆಯುವುದು

ಪ್ರತಿ ವರ್ಷವೂ ಇಲ್ಲಿ ಕೊಟ್ಟಂಕುಳಂಗರ ಉತ್ಸವ ನಡೆಯುತ್ತದೆ. ಅದ್ಧೂರಿಯಿಂದ ಆಚರಿಸುವ ಈ ಉತ್ಸವದಲ್ಲಿ ಪುರುಷರು ಮಹಿಳೆಯರಂತೆ ಶೃಂಗರಿಸಿಕೊಂಡು ಭಾಗಿಯಾಗುತ್ತಾರೆ. ಈ ಉತ್ಸವದಲ್ಲಿ ರಾತ್ರಿ ದೀಪಗಳ ಅಲಂಕಾರ ಮತ್ತು ದೀಪದ ಮೆರವಣಿಗೆ ಮಾಡಲಾಗುತ್ತದೆ.

Image Courtesy

ದರ್ಶನದ ಸಮಯ

ಭಕ್ತರಿಗಾಗಿ ಈ ದೇವಾಲಯ ಬೆಳಗ್ಗೆ 5 ರಿಂದ ರಾತ್ರಿ 8 ಗಂಟೆಯವರೆಗೂ ತೆರೆದಿರುತ್ತದೆ. ಭಕ್ತರು ತಮ್ಮ ಮನಸ್ಸಿಗೆ ಬಂದಾಗ ದೇವಿಯ ದರ್ಶನ ಪಡೆಯಬಹುದು.