Festivals and Vrats in December 2022 : ಡಿಸೆಂಬರ್‌ನಲ್ಲಿದೆ ಈ ಪ್ರಮುಖ ವ್ರತಗಳು-ಹಬ್ಬಗಳು

Short Story

oi-Reena TK

By Reena Tk

Updated: Wednesday, March 1, 2023, 19:22 [IST]

2022ರ ಕೊನೆಯ ತಿಂಗಳು ಬಂದಾಯ್ತು. ಈ ವರ್ಷ ಸಾಲು-ಸಾಲುಗಳ ಹಬ್ಬಗಳನ್ನು ಹೊತ್ತು ತಂದಿದ್ದ 2022 ಇನ್ನೇನು ಕೆಲವೇ ದಿನಗಳಲ್ಲಿ ಇತಿಹಾಸದ ಪುಟ ಸೇರಿ, ನಾವು 2023ನ್ನು ಸ್ವಾಗತಿಸಲಿದ್ದೇವೆ. ಡಿಸೆಂಬರ್ ನಿಮಗಾಗಿ ಅನೇಕ ವ್ರತಗಳು ಹಾಗೂ ಹಬ್ಬಗಳನ್ನು ಹೊತ್ತು ತಂದಿದೆ. ಈ ತಿಂಗಳಿನಲ್ಲಿ ಬರುವ ಪ್ರಮುಖ ಹಬ್ಬಗಳಾವುವು, ಈ ವ್ರತಗಳಾವುವು ಎಂಬೆಲ್ಲಾ ಮಾಹಿತಿ ಈ ಲೇಖನದಲ್ಲಿದೆ:

ಡಿಸೆಂಬರ್ 3: ಮೋಕ್ಷದ ಏಕಾದಶಿ
ಡಿಸೆಂಬರ್ 4: ವೈಷ್ಣವ ಮೋಕ್ಷದ ಏಕಾದಶಿ
ಡಿಸೆಂಬರ್ 5: ಹನುಮಾನ್‌ ಜಯಂತಿ ಹಾಗೂ ಪ್ರದೋಷ ವ್ರತ
ಡಿಸೆಂಬರ್‌ 7: ದತ್ತಾತ್ರೇಯ ಜಯಂತಿ, ಮಾರ್ಗಶೀರ್ಷ ಸತ್ಯನಾರಾಯಣ ವ್ರತ
ಡಿಸೆಂಬರ್ 8: ಮಾರ್ಗಶೀರ್ಷ ಪೂರ್ಣಿಮೆ, ರೋಹಿಣಿ ವ್ರತ
ಡಿಸೆಂಬರ್11: ಅಕೃತ ಸಂಕಷ್ಟಿ ಚತುರ್ಥಿ
ಡಿಸೆಂಬರ್ 16: ಧನು ಸಂಕ್ರಾಂತಿ, ಕಾಲಾಷ್ಟಮಿ, ಮಾಸಿಕ ಕೃಷ್ಣ ಜನ್ಮಾಷ್ಟಮಿ
ಡಿಸೆಂಬರ್ 19: ಸಫಲ ಏಕಾದಶಿ
ಡಿಸೆಂಬರ್ 21: ಪ್ರದೋಷ ವ್ರತ, ಮಾಸಿಕ ಶಿವರಾತ್ರಿ
ಡಿಸೆಂಬರ್ 22: ವರ್ಷದಲ್ಲಿಯೇ ಚಿಕ್ಕ ದಿನ
ಡಿಸೆಂಬರ್ 24: ಇಸ್ತಿ, ಚಂದ್ರ ದರ್ಶನ

ಡಿಸೆಂಬರ್ 25: ಕ್ರಿಸ್ಮೆಸ್
ಡಿಸೆಂಬರ್ 26: ವಿನಾಯಕ ಚತುರ್ಥಿ
ಡಿಸೆಂಬರ್ 28: ಮಂಡಲ ಪೂಜೆ
ಡಿಸೆಂಬರ್ 29: ಗುರು ಗೋವಿಂದ ಸಿಂಗ್‌ ಜಯಂತಿ
ಡಿಸೆಂಬರ್ 30: ಮಾಸಿಕ ದುರ್ಗಾಷ್ಟಮಿ

ಮೋಕ್ಷದ ಏಕಾದಶಿ
ಮಾರ್ಗಶಿರ ಅಥವಾ ಧನುರ್ಮಾಸದ ಶುಕ್ಲ ಪಕ್ಷದ ಏಕಾದಶಿ ದಿನವನ್ನು ಮೋಕ್ಷದ ಏಕಾದಶಿ ಅಥವಾ ವೈಕುಂಠ ಏಕಾದಶಿ ಎಂದು ಕರೆಯಲಾಗುವುದು. ಈ ದಿನ ಸ್ವರ್ಗದ ಅಥವಾ ವೈಕುಂಠದ ಬಾಗಿಲು ತೆರೆದಿರುತ್ತದೆ ಎಂದು ಪೌರಾಣಿಕ ನಂಬಿಕೆ ಇದೆ. ಈ ಬಾರಿ ಡಿಸೆಂಬರ್ 3 ರಂದು ಆಚರಿಸಲಾಗುತ್ತದೆ. ಈ ದಿನ ನೀವು ಉಪವಾಸ ಮಾಡಿದರೆ ಉಳಿದ 23 ಏಕಾದಶಿ ತಿಥಿಗಳಲ್ಲಿ ವ್ರತವನ್ನು ಆಚರಿಸುವುದಕ್ಕೆ ಸಮಾನವಾಗಿದೆ ಎಂದು ಹೇಳಲಾಗುತ್ತದೆ.

ದತ್ತಾತ್ರೇಯ ಜಯಂತಿ
ಮಾರ್ಗಶಿರ ಮಾಸದ ಶುಕ್ಲಪಕ್ಷದ ಪೂರ್ಣಿಮೆಯಂದು ತ್ತಾತ್ರೇಯ ಜಯಂತಿಯನ್ನು ಆಚರಿಸಲಾಗುತ್ತದೆ. ಈ ದಿನಂದು ಭಕ್ತರು ದತ್ತಾತ್ರೇಯನಿಗೆ ಪೂಜೆಯನ್ನು ಸಲ್ಲಿಸಿ ಆಶೀರ್ವಾದ ಪಡೆಯುತ್ತಾರೆ. ಬೇರೆಲ್ಲಾ ದಿನಗಳಿಗೆ ಹೊರತುಪಡಿಸಿ, ಮುಖ್ಯವಾಗಿ ಈ ದಿನದಂದು ದತ್ತಾತ್ರೇಯನ್ನು ಪೂಜಿಸಿದರೆ ಹೆಚ್ಚಿನ ಫಲ ದೊರೆಯುವುದೆಂದು ನಂಬಿಕೆ ಇದೆ. ಈ ಜಯಂತಿಯನ್ನು ಪ್ರಮುಖವಾಗಿ ಮಹಾರಾಷ್ಟ್ರ ಹಾಗೂ ಕರ್ನಾಟಕದ ಕೆಲವೆಡೆ ಆಚರಸಲಾಗುವುದು.

ಸಫಲ ಏಕಾದಶಿ: 2022ರ ಕೊನೆಯ ಏಕಾದಶಿ ಇದಾಗಿದೆ. ಮಾರ್ಗಶಿರ ಮಾಸದ ಕೃಷ್ಣ ಏಕಾದಶಿಯನ್ನು ಸಫಲ ಏಕಾದಶಿ ಎಂದು ಕರೆಯಲಾಗುತ್ತದೆ. ಮಾರ್ಗಶಿರ-ಪುಷ್ಯ ಮಾಸದ ಕೃಷ್ಣ ಪಕ್ಷದ ಏಕಾದಶಯೇ ಸಫಲಾ ಏಕಾದಶಿ. ಈ ಏಕಾದಶಿಯನ್ನು ಹಿಂದೂ ಪಂಚಾಂಗದಲ್ಲಿ ಸರ್ವೈಕಾದಶೀ ಎಂದು ಕೂಡ ಕರೆಯಲಾಗುವುದು. ಉತ್ತರ ಭಾರತ ಕಡೆ ಈ ಏಕಾದಶಿಯನ್ನುಪುಷ್ಯ ಏಕಾದಶಿಯೆಂದೂ ಕರೆಯುತ್ತಾರೆ. ಈ ದಿನ ವಿಷ್ಣು ಮತ್ತು ಅವನ ಎಲ್ಲಾ ಅವತಾರಗಳನ್ನು ಪೂಜಿಸುವುದರಿಂದ ವಿಶೇಷ ಫಲ ಸಿಗುತ್ತದೆ ಎನ್ನುವ ನಂಬಿಕೆಯಿದೆ.

ಧನು: ಸೂರ್ಯನು ಧನು ರಾಶಿಗೆ ಪ್ರವೇಶಿಸಿದಾಗ ಧನು ಸಂಕ್ರಾಂತಿ ಉಂಟಾಗುವುದು. ಸೂರ್ಯ ರಾಶಿ ಬದಲಾಯಿಸಿದಾಗ ನಮ್ಮ ರಾಶಿಯಲ್ಲಿ ಅದರ ಸ್ಥಾನಕ್ಕೆ ತಕ್ಕಂತೆ ಫಲ ಸಿಗಲಿದೆ.

ಪ್ರದೋಷ ವ್ರತ: ಪ್ರದೋಷ ವ್ರತದಲ್ಲಿ ಶಿವನಿಗೆ ವಿಶೇಷ ಪೂಜೆಯನ್ನು ಸಲ್ಲಿಸಲಾಗುವುದು. ಈ ದಿನ ಉಪವಾಸವಿದ್ದು ಶಿವನ ಆರಾಧನೆ ಮಾಡುವುದರಿಂದ ಮೋಕ್ಷ ಸಿಗುವುದು.